ISAI 33:14 - Mara Bible RV (BSI)

¹⁴ Zaio liata moleipazy cha chipa ta y ei ta, Khazohpa a pachâ leipazy amâ chalyu; “Eima hry liata ahy ma Mei kâ haipa hnohta a pahrâ thei aw? Eima hry liata ahy ma Tlyzaw ta a kâpa hnohta a pahrâ thei aw?” ama tah.

ISAI 33:14 ပူးပေါင်းရင်းမြစ်များ

ZAWBÂ 18:11

Chichhihna ta su to liata pachisa aw ta, A chadai aw ta a parâsa aw.

HLAZY 11:6

Moleipazy chô liata meiia nata kaih pasuasa sala, Ziza sahpa cha ama tovyuh nyu châ mawh sy.

HLAZY 21:9

Nâ vaw luah tita âmo cha meihô hawhta tao aw chi ta, Abeipa ta âmo cha a pathi iapa ta palâ khai aw ta, Meisaih ta a kâ patlô khai aw ei.

HLAZY 50:3

Eima Khazohpa a vy ta, A thlih thlâh ha vei; A hmiakô liata mei thata kâ ta, A chheipâh liata thlihpi thata a pathli.

HLAZY 53:5

China rai y leina liata, Chi ngaitapa ta y ei ta; Adyuhna riehmo châ paryh thlupa ruzy cha, Khazohpa ta a hiepatla khai haw; Khazohpa ta âmo cha a thy hapa vâta, Maophyuhpa ta na soh ha ei.

BIESOZY 28:1

Ahy ta hmah ama chadai leipa chhao ta, Moleipazy cha a râpai ei ta; Mosiapazy deikua cha, Chakeibarôhneipa hawhta ama riah a pha.

ISAI 1:28

Hmoparaopazy nata moleipazy deikua cha, Hmaohkha ta pahleipadiapa châ aw ei ta, Abeipa a siesaipazy chhao ama leidia aw.

ISAI 10:16

Chavâta Pheisaihzy Abeipa Zehôvâh ta, Asuria bei pasaipha thatlôpazy chô liata chaohna hri a patlôsa aw; Â papiparysana ry liata mei patipa châ aw ta, Meipaleih ta a kâ khai aw.

ISAI 10:6

Hraona sôh lapa ta, Ama hneipazy chhu ta, Khiliah chiatlao hawhta tlypâ awpa ta, Ano cha Khazohpa a pachâ leipa phopi lâ tuah na ta, Ei hie nâ pahâhpa phopi a dyuh awpa ta bie ei pie.

ISAI 29:13

Chatawhcha Abeipa ta, “He phopi heta ama pakah ta nâ vaw hnia ei ta, Ama hmao ta eina palyupalih ei; Ama palôh deikua cha nâ hla kaw ta, Eina china chhao ei cha, Chyhsapa pachuna biepiepa deita a châ.

ISAI 29:6

Pheisaihzy Abeipa ta cha vaw tly aw ta, Tôkalôhpa nata alosihpa chhaota cha vaw tly aw ta, Pyu paro ngaitapa chhaota a cha vaw tly aw; Khisô nata chothyu chhaota cha vaw tly aw ta, Meipaleih charôh ngâpazy chhaota a cha vaw tly aw.

ISAI 32:11

Nâmo, pachâ pha kawpa ta a ypa chanôzy saih u, A chalyu u la; Nâmo, chhôhmoh kawpa ta a ypazy saih u, Nôpopa ta y teh u. Nama chysia pahluhpa ta thluahruapa ta y u la, Nama chai liata latho poh a saih teh u.

ISAI 34:9

Edômâ chavah tizy cha chathli lâta paliepa châ aw ta, A dohlei kaih lâta paliepa a châ aw; A râh chhao chathli kâ ngâpa lâta â lie aw.

ISAI 47:14

Moh teh, sawphao hawh dei ama châ; Mei ta âmo cha kâ ta, Meipaleih hmotaotheina tawhta Âmosasyh a pachha thei veih ei. Cha mei cha a palalôh nawpa meihei rakhapa châ leipa ta, A aih awpa mei rakhapa châ vei.

ISAI 5:24

Chavâta mei ta sâhkô chuahmi charôh ta, Meipaleih vâta sibie raohpa â chahkaopa hawhta, Ama thari hmy aw ta, Ama paw chhao doh hawhta â zaw aw; Pheisaihzy Abeipa ryhpa dytha ei ta, Izarei Mo Pathaihpa bie ama mohnaopa vâta.

ISAI 66:24

“Pua aw ei ta, nâ dyuhtuhpazy ri ama moh tyh aw. Ama lôpazy thi leipa aw ta, ama mei pachhaipa châ hra leipa aw ta, chyhsa zydua châta hmo pasichhih ngaitapa ama châ aw,” Abeipa ta a tah.

ISAI 7:2

Aramia ta Epharai nata azaona a taopa kyh Dâvi pathlazy ama chho nahta, Ahâza nata a chyhsazy palôh cha lyurâhpa thokôzy thlih ta a chalyupa hawhta a chalyu ta.

ISAI 9:17

Chavâta Abeipa cha ama satliazy chô liata a ly leipa aw ta, Ama harapazy nata nôhmeizy chhao ngiachhie hra aw vei. Chyhsa to Khazohpa a pachâ leipa nata moleipa sai châ ei ta, Pakah to hruna bie a reihpa sai ama châ. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 9:18

Paraona cha mei hawhta kâ ta, Diahsai nata ahlohzy cha ama tlôna taihta a kâ aw. Râhmâhpa chha kaluhpazy kâ aw ta, Meikhuh tôh a charihpa ta avâ lâ a kiah aw.

ISAI 9:19

Pheisaihzy Abeipa hiehâhna vâta, Râh cha kâ khai aw ta; Izarei phopi cha, Mei liata ti awpa thothu hawhta ama châ aw; A pachâ tlâ khao aw veih ei.

AMÔSÂ 9:10

‘Chhiena ta miah chadai leipa aw ta, Miah tlô thlu aw vei,’ a tahtuhpa, Ei phopi liata moleipa zydua cha, Zaozi ta ama thi khai aw.”

NÂHU 1:6

A ruchhôna ahy ma a dao thei aw? A hiehâhna rupa ahy ma a tao thei aw? A pathiiana cha mei hawhta patlaipa châ ta, Lôpanôzy a patlaw khai haw.

MALAKHAI 3:2

Châhrasala ahy ma â vyna noh liata pachyu thei aw ta, â vaw luah tita a duah thei aw? Ano cha patina mei hawhta châ ta, chysia pasutuhpa sâhbaw hawhta a châ.

MATHAI 18:8

Na ku tlyma, na phei tlyma ta a cha pamoleisa khiahta cha, tai la, thy ha mah y. Ku no tlyma, phei no tlyma hneipa ta, chhâzaw mei liata thypa na châ awpa hlâta cha, pihpasipa ta tlyma, pheisypa ta tlyma, hrona liata a ngiapa na châta a pha via.

MATHAI 22:12

a hnohta, ‘Viasa, kheihtazieta ahneina chysia a tobi leipa ta he liata nâ vaw ngia thlâh haw?’ tah ta. Cha chyhsa cha a thlih thlâh ha ta.

MATHAI 24:51

chakaotuhpa cha hriechheih aw ta, phapakheipazy to awpa a patosa aw. Cha liata chana nata hâh chariehna a y aw.

MATHAI 25:41

“Cha khai tawhta a chavei lâta a ypazy hnohta, ‘Chhiesapa ta a ypa saih u, ahripa nata a lyuhchâpazy châta a chhuahdypa chhâzaw mei lâ na siesai teh u.

MATHAI 25:46

Chazy cha chhâzaw hriena lâ sie aw ei ta, mosiapazy deikua cha, chhâzaw hrona lâ ama sie aw,” tah ta.

RYHPACHANEINA 4:24

Abeipa nama Khazohpa cha a kâ patlô theipa mei châ ta, hiatlia a pasapa Khazohpa châ tlôh ta.

2 THYSALAWNIKA 1:8

Khazohpa a pahno leipazy nata eima Beipa Zisu Krista thâtihpha a zyh leipazy chô liata deikua phuh a la aw.

HEBRAI 12:29

eima Khazohpa he a kâ patlô theipa mei châ tlôh ta.

BIEPHUAH 14:10

Khazohpa hiehâhna kresawhti patapa, a hiehâhna nyu liata khâpa hmah pahlao leipa ta patlaipa cha doh aw ei ta, vâlyuhchâpa pathaihpazy mohmô ta nata Mietakutaw mohmô liata mei nata kaih ta pasa pataosapa ama châ aw.

BIEPHUAH 20:10

Âmo dôveituhpa ahripa cha, sahrâhpa nata hrohso pakheipa yna mei nata kaih tipo liata thypa châ ta, chhô nah zâ ta chhâzaw nata tlyzaw ta pasa pataosapa a châ aw.