ISAI 32:9 - Mara Bible RV (BSI)

⁹ Nâmo, pachâ pha kawpa ta a ypa chanôzy saih u, Thyu u la, ei ao nathlie teh u; Nâmo, chhôhmoh kawpa ta a ypa sawchanôzy saih u, Ei bie lâ nama nah pachôh teh u.

ISAI 32:9 ပူးပေါင်းရင်းမြစ်များ

HLAZY 123:4

Chhôhmohpa ta a ypazy pasipasawhna vâta, Eima hro bohpi a riethei ta; Apalaipazy ta khâpasaw ta miah ama rei leina vâta, Eima hro a riethei ngaita.

ISAI 28:23

Nah pachôh u la, Ei ao thei teh u; Nathlie u la, Ei bie thei teh u.

ISAI 3:16

Abeipa ta hetana heta a tah: “Zaio sawchanôzy cha a khotlâh kawpa ta, Ama rao pachhuapa ta a hlaihlâ ei ta, Ama mozy ta sydie ei ta, Ama chao chamieh chamâpa ta, Ama phei lâkyuzy ama parosa laihpa vâta,

ZEREMIAH 9:19

Zaio tawhta hetana heta chana pyu a vaw pua: ‘Eima rao khai ha na! Eima nozazie rimâ cha! Eima ozy rao khai ha tlôh ta, Eima râh eima puasai awpa a byuh ha hih!’”

ZEREMIAH 9:20

Hy chanôzy saih u, Abeipa bie thei u la, Nama nah liata a pakah bie a ngia mawh sy. Nama sawchanôzy chaphôh pachu u la, Chanô to ta ama vaihzy athih hla pachu mawh ei sy.

CHAPHÔHTUNA 4:5

Niedo pahâh chaipa a nie tyhpazy kha, Khiliah liata ama leidia haw; Poh saihlawpa a bupa ta a laiseihpazy chhao, Hnaihny a pathlupa amâ pyhpahly bâ.

ZEPHANIA 2:15

He he khihpi haosai pha kawpa, Thlalôhpa ta y ta a palôh liata, “Keima, keima hleikhô ta ahy ma a y?” A tahpa khihpi kha châ vei ma? Kheihtazieta ma ziahzirohpa ta y ta, Râhsazy lôpu lâta a liepa ta, A chapiapa maihta ama hmaotô chie ei ta, Ama ku ama chatho thlupa a vaw châ thlâh ha tly i!

MATHAI 13:9

Nakhaoh a hneipa ta thei mawh sy,” tah ta.

RYHPACHANEINA 28:56

“Nama hry liata chanô panyu chaipa nata nainyu chaipa, a nainyu tupa nata a panyu tupa vâta a pheipazah alei a tly beih leipa taih ta, a vahpa kho ngaitapa nata a sawchapaw nata a sawchanô zy ngiachhie thei khao aw vei.

RYUREITUHPAZY 9:7

Cha cha Zôthâ ama chho nahta, khy ta Kerizi Tlâh laki liata a kaw duah ta, ao paro ngaitapa ta awh ta, ama hnohta, “Nâmo, Sekhe khih nôpawzy saih u, ei bie reipa he nathlie u la, Khazohpa ta a cha nathlie hra aw ei.