ISAI 32:6 - Mara Bible RV (BSI)

⁶ Ahrupa cha hruna bie reih ta, Hmo moleipa tao awpa sai a pachâ tyh. Khazohpa kho leipa hmozy tao ta, Abeipa kyh liata bie doleipa a reih tyh. Nodipazy nie paky ta, Dâhphipazy ti pado vei.

ISAI 32:6 ပူးပေါင်းရင်းမြစ်များ

HLAZY 141:4

Ei palôh he kheihawhpa moleina lâ hmahta paheisa leipa la, Moleina hmo taopa liata na patlaihsa khah y; Moleina a taopa chyhsazy hnohta, Ama pati pahâhpa nie awpa na pasaih khah y!

BIESOZY 19:3

Chyhsa ta ano hruna vâta a lâpi a raopa tlai cha, Abeipa chô liata palôh ruchhôna a hnei tyh.

BIESOZY 24:7

Ahrupa châta sona cha a sâh tu ha ta, Thokhy chhikao liata a pakah â vei.

ISAI 10:2

Phahlapazy adona hny ei ta, Ei phopi dyhchhiepazy pikhei tovyuh ama chhu tyh. Nôhmeizy cha ama hraona sôh ta tao ei ta, Paw hnei leipazy chhao ama tai awpa sa ta ama tao tyh.

ISAI 10:6

Hraona sôh lapa ta, Ama hneipazy chhu ta, Khiliah chiatlao hawhta tlypâ awpa ta, Ano cha Khazohpa a pachâ leipa phopi lâ tuah na ta, Ei hie nâ pahâhpa phopi a dyuh awpa ta bie ei pie.

ISAI 26:10

Moleipa cha khokheipa a châ khiahta cha, Siana a chu beih aw vei; Adona râh liata avyuhna tao pyly aw ta, Abeipa rônahna hmô hlei aw vei.

ISAI 3:15

Kheihta ma dyhchhiepazy hmia chariehpa ta, Ei phopi cha nama chanaoh ngâ tly?” Pheisaihzy Abeipa Zehôvâh ta a tah.

ISAI 31:2

Châhrasala Khazohpa cha asopa châ ta, Chhiena patlôsa ta, A biezy a pathleih leipa a châ. Moleina hmo a taotuhpazy cha, Ama pathlazy taihta thyuhnao aw ta; Hmoparaotuhpazy a baotuhpazy chhao, A thyuhnao aw ei.

ISAI 59:13

Hmoparaopa ta Abeipa a paphasai pi ta, Eima Khazohpa eima pazipa eima kuasai tyh; Tlybaina nata adyuhna biezy reih pi ta, Eima palôh ta haipa saw phaoh ta, Chazy cha eima reihpapua tyh.

ISAI 59:7

Ama pheizy cha, Hmo pha leipa tao nawpa lâ a râ ta; Thaileina a hnei leipa thisaih palo awpa ta, Ama phei a chatlie kaw tyh. Ama pachânazy cha, Moleina hmo pachânazy châ ta; Ama lâlaizy liata Roryhrana nata paraona zy a y.

ISAI 9:17

Chavâta Abeipa cha ama satliazy chô liata a ly leipa aw ta, Ama harapazy nata nôhmeizy chhao ngiachhie hra aw vei. Chyhsa to Khazohpa a pachâ leipa nata moleipa sai châ ei ta, Pakah to hruna bie a reihpa sai ama châ. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ZEREMIAH 13:23

Kusi chyhsa ta a vo panano thei aw ma? Keichhoh ta a chei a panano thei aw ma? Cha hawhna hra chata, Nâmo, hmo chhiepa taopa liata nama tlai a châ hapazy chhao, Hmo phapa tao thei aw veih ei chi.

EZEKIA 34:18

Sibiepa su phapa liata nama lao nama bâpa â daih tah leipa ei chi ta, khazia sibiepa suzy cha tlypâpa ta nama parao khai tly? Ti pasohpa nama dopa â daih tah leipa ei chi ta, khazia ti cha nama phei ta tlypa ta nama panôsa khai tly?

DÂNIAH 12:10

Chyhsa hluhpi âmosasyh ta a pathaisa aw ei ta, a pangyuhsapa ta amâ taopathi aw. Moleipazy deikua cha ama molei via rili aw. Moleipa ta a pachâna pahno leipa aw ta, chyhsa sopazy deikua ta cha ama pahno aw.

AMÔSÂ 8:6

Tâkâ ta dyhchhiepazy chaleipa ta, Pheiky bao kha ta phahlapazy chalei aw pi ta, Sâh sihpazy eima zuah aw,” A tah tyhpazy saih u, He bie he thei teh u.

MATHAI 15:19

Moleina pachâna, lianycheina, apheina, apatlana, paruna, haipa bie reipa nata reipachhiena zy he palôh tawhta a kaw puapa a châ.

MATHAI 23:13

“Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.

ZÂMIE 1:27

Khazohpa nata Paw mohmô liata zyhna pathaihpa nata papuapalei leipa cha, Hâra nata nôhmeizy ama riethei pasataona liata deichhypa nata khizaw puapa kia leipa ta ypa he a châ.

1 SAMUELA 24:13

Hlâno bieso ta, ‘Moleipa tawhta moleina a pua tyh,’ a tahpa hawhta, kei ta la, na chô liata ei ku pathla beih aw va na.