ISAI 32:15 - Mara Bible RV (BSI)

¹⁵ Chô lâ tawhta Thlahpa hrypa eima châ tita, Râhchawhpa cha lei phapa lyu lâta a lie aw ta, Lei phapa lyu cha râhmâhpa a lyu hlâlei cha, Cha hawhta a châ aw.

ISAI 32:15 ပူးပေါင်းရင်းမြစ်များ

HLAZY 104:30

Na Thlahpa tuah chi ta, Âmo cha paysapa châ ei ta, Chhaohlei hmia na pathieh heih tyh.

HLAZY 107:33

Chavahzy râhchawhpa pachâsa ta, Tihnawhzy chhaohlei chawhkaraipa pachâsapa ta,

HLAZY 107:35

Râhchawhpa tipo lâta pachâsa ta, Chhaohlei hipa tihnawhzy lâta a pachâsa tyh.

BIESOZY 1:23

Ei chhoreina lâ namâ vaw heih khiahta cha, Pachâ teh u, ei thlahpa cha hry aw ei na ta, Ei biezy ei cha pahnosa aw ei.

ISAI 28:6

Ryureina liata a tyuhpazy châta, Adona thlahpa châ aw ta; Thokhy chhikao liata chariah toh ta, A pakuasa awpazy châta thatlôna a châ aw.

ISAI 29:17

Bohpi leipa ta Lebanaw cha, Lei phapa lyu ta pachâsapa châ aw ta; Lei phapa lyu cha, Râhmâhpa ta pachâ­pa a châ aw?

ISAI 35:7

Sadi sahpa su cha tipo lâta a lie awh ta, Chhaohlei chawhkaraipa su chhao, Tihnawhzy yna lâta â lie aw. Savaizy tlaihna liata amâ byu tyhna suzy liata, Sibiepa nata lohthi zy pyuh aw ei ta, Maitanô zy ama pyuh aw.

ISAI 44:3

Râh dâhphipa liata ti bao aw na ta, Alei hipa liata vahtie tizy ei palosa aw. Na chipathla chô liata ei Thlahpa hry aw na ta, Na pathlazy chô liata ei byhnâ ei hry aw.

ISAI 45:8

“Avâzy saih u, chô lâ tawhta vâkatlâ patlasa u la, Meihdozy tawhta siana avâ za suah mawh sy. Alei a pahy sala, Pachhana chhyh kaw thao mawh sy; Siana chhao a chhyh kaw thao sala, Pachhana nata pyuh khoh mawh sy; Kei Abeipa heta chazy cha ei paysapa a châ.

ISAI 59:19

Abeipa cha Abeipa thlih ta tôh aw ta, Tisaih ru ngaitapa hawhta â vy awpa vâta, Abeipa moh cha notla lâ tawhta chi aw ei ta, A rônahna nochhi lâ tawhta ama chi aw.

ISAI 59:21

“Keima lâ tawhta la, he he ama hnohta ei biehrai cha a châ,” Abeipa ta a tah: “Na chô liata ei Thlahpa a ypa nata na pakah liata ei bie ei sopazy cha, tahmâ tawhta chhâzaw taihta na pakah cha puasai khao leipa aw ta, na pathlazy pakah chhao puasai leipa aw ta, na pathla pachhuahpazy pakah chhao puasai aw vei,” Abeipa ta a tah.

ISAI 63:11

Hlâno daihtizy a thei heih ei ta, Mawsi ta Abeipa phopi a chhihthana daihtizy kha amâ thei heih. Chatanachata hetana heta ama tah: “Tilaipi tawhta a phopi a chhi papuatuhpa Abeipa kha, Khataih liata a y haw? A mietaku zaw vaituhpazy chhaota Âmo a chhi papuatuhpa kha, Khataih liata a y haw? Ama hry liata a Thlahpa Pathaihpa a sohtuhpa kha, Khataih liata a y haw?

EZEKIA 37:14

Nama chhôh liata ei Thlahpa soh aw na ta, hroh aw ei chi ta, nama râh lia tlai ta ei cha pahrâsa aw ei. Chatanachata kei Abeipa heta reih ha na ta, ei tao tlai aw tahpa nama pahno aw,” Abeipa ta a tah.

EZEKIA 39:29

Âmo tawhta ei hmia nyu khao leipa aw na ta, Izarei pathlazy chô liata ei Thlahpa tlao ei hry aw, Abeipa Zehôvâh ta a tah.”

ZEKARIA 12:10

“Chatawhcha Dâvi pathlazy chô liata nata Zerusale liata a pahrâpazy chô liata ngiachhiena nata zawngiahna thlahpa ei hry aw. Chatanachata ama hriechheih hapa kei he na moh aw ei ta, sawchapaw matlupa mâchhie sapa hawhta keima châta mâchhiesa aw ei ta, sawchapaw uhtheipa pahleipa hawhta thata ama vâ â sâh aw.

LUKA 24:49

Pachâ teh u, ei Paw bietaipa cha nama chô liata vaw tuah aw na ta, chô lâ tawhta hmotaotheina ta tobipa nama châ hlâta deikua cha, khihpi liana heta y thlâh ha muh vy,” tah ta.

ZAWHÂNA 7:39

Cha biezy cha ngiapâtuhpazy ta Thlahpa ama hnei awpa kyh a reina a châ. Zisu cha parônahsapa ta a y mâh leipa vâta, Thlahpa cha piepa châ mâh veih ei.

HMOTAOPAZY 2:33

Khazohpa ku chachâh lâta palyupalihpa ta y ta, Thlahpa Pathaihpa pie awpa bietai Paw tawhta hmô ta, nama hmôpa nata nama theipa hawhna heta, Thlahpa Pathaihpa hrypa a châ hih.

2 KAWRINI 3:8

Thlahpa chakaona chhochhi cha, rônah pachai aw vei ma?