ISAI 32:14 - Mara Bible RV (BSI)

¹⁴ Abei o cha siesaipa châ aw ta, Chyhsa hluhpi pahrâna khihpi chhao puasaipa a châ aw. Tlâhthlôh nata riahvaina o sâhpa zy chhao, Lôpuzy lâta chhâzaw ta amâ lie aw. Lyurâhpa alâzy alyna châ aw ei ta, Mietakuzy tlaihna ama châ aw.

ISAI 32:14 ပူးပေါင်းရင်းမြစ်များ

2 ABEIZY 25:9

Abeipa Achhyna o, abei o nata Zerusale liata o zydua mei ta rao ta, o rônahpa zydua mei ta a rao khai haw.

2 THÂTIHZYRONA 33:14

Cha hnôhlâ ta Dâvi khihpi notla daih lâta saikao liata thokhy cha khôtho lâ tawhta thokhy hropa ta patho thlu ta, Nga Chhikao angiana liata chhao khôtho lâ tawhta thokhy patho hra ta, Ôphe taihta padôpa ta â sâh ngaitapa ta sa ta. Thokhy a hneipa Zudâh khihpi zydua liata pheisaih hyutuhpazy soh ta.

NEHEMIAH 3:26

Ôphe liata a ypa Achhyna o chakaotuhpazy ta nochhi lâchhâh Ti Chhikao dady taih nata o sâhpa lâ kiana taihta a taopathi.

HLAZY 104:11

Râhsazy châta do awpa ti châ ta, Râh alâzy ama dâhphi a pai tyh.

ISAI 22:2

Awhsâhpa nata palopasahpa pyu ta a bie tyhpa khihpi châ chi ta, Haosai phapa khih châ tyh va chi ma? Na khihsaw ama thiepazy cha zaozi ta thiepa châ leipa ei ta, Adyuhna liata a thipa châ hra veih ei.

ISAI 24:10

Khihpi a tymâpa cha paraopa châ ta, Ahy hmahta amâ ngia thei lei nawpa ta, O zydua khawpa a châ.

ISAI 24:12

Khihpi liata roryhrana siesaipa châ ta, Thokhy chhikaozy paraopa a châ.

ISAI 25:2

Khihpi cha alô pathluna ta tao chi ta, Thokhy khihpi cha khih rypa ta na tao haw; Chihropazy thokhy khihpi chhao, Khihpi châ khao leipa ta, Khatita hmah paduapathipa châ khao aw vei.

ISAI 27:10

Thokhy khihpi cha roryhrapa ta y ta, Khih hnypa nata puasaipa châ ha ta, Râhchawhpa a lyu bâ. Cha liata viahchaotaw a lao bâ ta, Cha liata a byupa ta, A thochiah hnazy a pahrie tyh.

ISAI 3:26

A thokhy chhikaozy cha, Chaphôhtupa ta mâchhiesa aw ei ta; Ziahzirohpa ta alei liata â tyuh aw.

ISAI 5:9

Pheisaihzy Abeipa ta ei nah theina liata hetana heta a tah: “O rônahpazy cha roryhrapa ta y tlai aw ei ta, O laipa nata o ngiapazy chhao pahrâtuhpa hnei khao aw vei.

ISAI 6:11

Chatawhcha kei ta, “Hy ei Zibeipa, khati taih ma a châ aw?” tah na ta. Abeipa ta hetana heta einâ chhy: “Khihpizy rao khaipa ta, Khihsawzy y khao leipa ta a y hlâlei; Ozy rua khaipa ta, Râh roryhrapa ta a y hlâlei;

ISAI 7:23

Cha noh liata, sekel sâh kha mâpa kre zôh sâh kha y tyhna su zydua cha, diahsai nata ahloh su lâta amâ lie khai aw.

ZEREMIAH 14:6

Lyurâhpa alâzy awphy tlâh lakizy liata a duahpa ta, Savaizy hawhta ama hu tô ei ta, Si hrohpa a y leipa vâta ama mo a zoh.”

ZEREMIAH 33:4

Abeipa, Izarei Khazohpa ta, khihpi dôhna alei ama pathlupazy tawhta nata zaozi tawhta avaina tao nawpa ta, khihpi ozy nata Zudâh beizy ozy phiepa ta a yna kyh liata hetana heta a tah:

ZEREMIAH 52:27

Babylaw bei ta Hâmathi râh Riblâ khihpi liata âmo cha chhawh ta, a thie ha ei. Chatanachata Zudâh pathlazy cha ama râh tawhta seichâna lâ ama siekhei haw.

ZEREMIAH 6:5

Thyu teh u, zâ ta siehnao sih la, Abei ozy kei parao suh u!” ama tah.

HÔSIA 2:3

Chataleipatala thluahruapa ta soh aw na ta, A pi noh hawhna khata ei tao pathlei aw na; Râh chawhpa ta tao aw na ta, Sadi su lâta paliepa ta, Dâhphina ta ei thie pathlei aw na.

MIKÂ 3:12

Chavâta nâma vâta, Zaio cha leipalie hawhta paliepa châ aw ta; Zerusale cha raona a pachona su a châ aw; Achhyna o tlâh chhao, Râhmâhpa tlâh lâta â lie aw.

ZEPHANIA 2:15

He he khihpi haosai pha kawpa, Thlalôhpa ta y ta a palôh liata, “Keima, keima hleikhô ta ahy ma a y?” A tahpa khihpi kha châ vei ma? Kheihtazieta ma ziahzirohpa ta y ta, Râhsazy lôpu lâta a liepa ta, A chapiapa maihta ama hmaotô chie ei ta, Ama ku ama chatho thlupa a vaw châ thlâh ha tly i!

ZEPHANIA 2:7

Cha râh cha Zudâh pathla laibâhpazy ta ama hnei aw; Cha liata ama sahrohzy pasa aw ei ta, Zâlâ ta Askelaw ozy liata amâ zia tyh aw. Abeipa ama Khazohpa ta âmo cha pachâ aw ta, Vânoh a patosa heih aw ei.

LUKA 21:20

“Zerusale khihpi cha pheisaihzy ta ama dôhpa nama hmô tita, roryhrapa ta a y nawpa â hnia haw tahpa pahno teh u.

LUKA 21:24

Zaozi ta thi aw ei ta, phopi zydua sei ta a chhipa ama châ aw. Zenitaizy noh â ki hlâlei cha, Zerusale cha Zenitaizy tlypâpa ta a y aw.