ISAI 32:12 - Mara Bible RV (BSI)

¹² Lyu pha kawpazy ta Kôvei papua khao leipa ei ta; Kre zôh pathei pha kaw tyhpazy ta Ama pathei khao leipa vâta, Nama chachôhna a chô u la, Chaphôhtu teh u.

ISAI 32:12 ပူးပေါင်းရင်းမြစ်များ

ISAI 24:1

Pachâ teh u, Abeipa ta alei he parua aw ta, Roryhrapa ta a tao aw; Alei hmia he palie patheih aw ta, Alei chô liata a pahrâpazy a hiepatla khai aw ei.

ISAI 24:7

Kresawhti thiehpa cha mâchhiesapa ta y ta, Kre zôh uah ta, Palôh a ly thei kaw tyhpazy chhao amâ hrô.

ISAI 32:13

Ei phopi chhaohlei chô liata Ahloh nata diahsai zy pyuh ta; Khihpi haosai phapa liata a ly kaw tyhpazy o liata Alyna y khao vei; Chavâta nama chachôhna a chô u la, Chaphôhtu teh u.

CHAPHÔHTUNA 2:11

Ei chana ta ei mo zoh ha ta, Ei pavyhpi thata â tlao; Ei phopi sawchanô leidiana vâta, Ei hmôkhaw alei liata a sa ta; Hawsaih nata sâhpi a ngiehpazy khiliah liata panaona vâta, Ei hmôkhaw alei liata â sa.

EZEKIA 20:15

Cha dei châ vei, ama hnohta râh ei piepa ei, sâhpiti nata kheihti lona râh, râh zydua hry liata râh ngia chaipa lâ a chhi lei awpa ei ta, râhchawhpa liana khata chyhu sapa ei ta.

EZEKIA 20:6

Izi râh tawhta a chhi papuapa ta, âmo châta râh ei tlua papuapa, sâhpiti nata kheihti lona râh, râh zydua hry liata râh ngia chaipa lâ a ngiakhei awpa ei ta, ku chaluahpa ta, cha noh liata bie ei taih ei.

ZÔELA 1:7

Ei kre zôh pamua khai ta, Ei theiku kôzy a patlaw khai haw; A hyhkuazy hlaipa ta alei lâ thy ta, A chiahzy ama raoh khai haw.

NÂHU 2:7

Abeinô hmô ei ta, Ama siekhei haw; A seichanôzy chaphôhtu ei ta, Ama chachôhna a chôpa ta, Vachhuh hawhta amâ hrô.