ISAI 32:11 - Mara Bible RV (BSI)

¹¹ Nâmo, pachâ pha kawpa ta a ypa chanôzy saih u, A chalyu u la; Nâmo, chhôhmoh kawpa ta a ypazy saih u, Nôpopa ta y teh u. Nama chysia pahluhpa ta thluahruapa ta y u la, Nama chai liata latho poh a saih teh u.

ISAI 32:11 ပူးပေါင်းရင်းမြစ်များ

HLAZY 123:4

Chhôhmohpa ta a ypazy pasipasawhna vâta, Eima hro bohpi a riethei ta; Apalaipazy ta khâpasaw ta miah ama rei leina vâta, Eima hro a riethei ngaita.

PUASAINA 33:4

Cha bie pachâchhiechhih ngaitapa cha zawpi ta ama thei nahta, cha ei ta, ama sôhthihzy a tobi tlâ khao leipa ei ta.

ISAI 15:3

Lâlaizy liata latho poh a bupa ta, Vâphuh nata tlyliahzy liata, Chyhsa to sâh ei ta ama cha.

ISAI 2:19

Abeipa ta alei chalyu awpa ta a thyu tita, Chyhsazy cha Abeipa chichhihna tawhta a râ aw ei ta, Â beina rônahna tawhta amâ râ aw; Lôpanô lôpuzy liata a ngia aw ei ta, Alei khaohzy liata amâ ngia aw.

ISAI 2:21

Abeipa ta alei chalyu awpa ta a thyu tita, Chyhsazy cha Abeipa chichhihna tawhta a râ aw ei ta, Â beina rônahna tawhta amâ râ aw; Lôpanô lôpuzy liata a ngia aw ei ta, Alei khaohzy liata amâ ngia aw.

ISAI 20:4

Asuria bei ta Izi nata Kusi cha sei ta â chhi aw ei. Hawti machâ ta thluahruapa nata pheiky a ky leipa ta, chaotô palâ khai hapa ta siekheipa châ aw ta, Izi cha noza ngaitapa ta paysapa a châ aw.

ISAI 22:12

Cha noh liata, Pheisaihzy Abeipa Zehôvâh ta, Cha awpa nata mâchhiesa awpa ta aw ta, Luh a papôlô awpa nata latho poh a bu awpa ta a aw.

ISAI 3:24

Ropahâhpa vyuhpa ta hmo thupa vaw y aw ta, Chaisaihna vyuhpa ta chaori a y aw. Sâ mihpa vyuhpa ta luh pôlôna y aw ta, Poh ngiapa vyuhpa ta latho hnorâh y aw ta, Chhithaina vyuhpa ta nozana a y aw.

ISAI 33:14

Zaio liata moleipazy cha chipa ta y ei ta, Khazohpa a pachâ leipazy amâ chalyu; “Eima hry liata ahy ma Mei kâ haipa hnohta a pahrâ thei aw? Eima hry liata ahy ma Tlyzaw ta a kâpa hnohta a pahrâ thei aw?” ama tah.

ISAI 47:8

Chavâta nâ haosai sai tlaichhai chi ta, Â bohpa ta a tyuhpa ta na palôh liata, “Keima tlai he na ei châ, Keima leipa ta mohropa y veih ei; Nôhmei châ beih leipa aw na ta, Sawzy pahlei beih aw va na,” a tahtuhpa y, He he thei teh:

ZEREMIAH 4:8

Abeipa hiehâhna ru ngaitapa cha, Keimo tawhta pakuasapa a châ leipa vâta, Latho poh a bu u la, Mâchhiesapa ta cha muh vy.”

ZEREMIAH 49:3

“Hy Hesbaw, sâh teh, Ai khihpi paraopa ta a y ha hih! Râbâ sawchanôzy saih u, cha teh u! Mikô cha seichâna lâ a sie aw, A theihthaipazy nata a beimachâzy chhaota. Chavâta latho poh a bupa ta chaphôh tu u la, Thokhyzy chhôh liata a râhreih teh u!

ZEREMIAH 6:26

Hy ei phopi zuah y, Eikhapi ta paraotuhpa miah a vaw tlô thlu awpa vâta, Latho poh a bu la, Buchâh liata a hluah mah y. Sawchapaw matlupa mâchhiesapa hawhta mâchhie sa la, Thata chaphôh tu mah y.

HÔSIA 2:3

Chataleipatala thluahruapa ta soh aw na ta, A pi noh hawhna khata ei tao pathlei aw na; Râh chawhpa ta tao aw na ta, Sadi su lâta paliepa ta, Dâhphina ta ei thie pathlei aw na.

ZÔELA 1:8

Laihsa kôpa ta a locho no vahpa châta Chaphôh a tupa hawhta, Latho poh a bu u la, Chaphôh tu teh u.

AMÔSÂ 4:12

“Chavâta Hy Izarei, Na chô liata he hmo he ei tao aw; Na chô liata he hmo he ei tao awpa vâta, Hy Izarei, na Khazohpa a tyh awpa ta a mâ teh!”

ZEPHANIA 2:15

He he khihpi haosai pha kawpa, Thlalôhpa ta y ta a palôh liata, “Keima, keima hleikhô ta ahy ma a y?” A tahpa khihpi kha châ vei ma? Kheihtazieta ma ziahzirohpa ta y ta, Râhsazy lôpu lâta a liepa ta, A chapiapa maihta ama hmaotô chie ei ta, Ama ku ama chatho thlupa a vaw châ thlâh ha tly i!

RYHPACHANEINA 28:48

nâmo châ dyuh awpa ta Abeipa ta a vaw tua awpa nama chariahzy cha, nodidâhphina, thluahruana nata ato phahlana chôta chakao aw ei chi ta, a cha pahleipadia khai hlâlei ei cha, nama rao liata thua raopaky a cha paky aw ei.

ZÂMIE 5:5

Khizaw liana heta sapa palysapa ta phasapa ta hroh ei chi ta, thina noh zy lia taihta nama palôh namâ palysa.