ISAI 31:8 - Mara Bible RV (BSI)

⁸ “Asuria cha a pao aw, Chyhsapa zaozi ta deikua châ leipa aw ta, Chyhsapa zaozi a châ leipa zaozi ta a palâ aw. Zaozi tawhta a râ aw ta, A satliazy cha raihriatuhpazy ta taopa ama châ aw.

ISAI 31:8 ပူးပေါင်းရင်းမြစ်များ

ÂTHAONA 49:15

Apahâna su a phapa ta pahno ta, Râh chhao khochhihpa a châzie a hmô. Hmo phao awpa ta a ngiatlâh za pahnai ta, Rai pahriasa raruahna liata sei ta a y.

2 THÂTIHZYRONA 32:21

Abeipa ta vâlyuhchâpa za tuah ta, ano chata Asuria bei riehmo liata pasaiphazy, pheisaih hyutuhpazy nata chhituhpa zydua a thie khai ha ei. Chatanachata Senâkeri cha noza hmiachhiepa ta a râh lâ â lie haw. Noh kha cha a khazoh o lâ a vaw nota, ano sawchapawzy ta zaozi ta ama chhawhsao haw.

ISAI 10:12

Chatawhcha hetana heta a vaw châ aw. Abeipa ta Zaio Tlâh nata Zeru­sale chô liata a raihria zydua a paloh tita, Asuria bei cha a palôh laina bie nata a mo â pasâhsana vâta a hrie aw.

ISAI 10:25

Bohpi leipa liata ei pathiiana pai aw ta, ei hiehâhna cha âmo pahleipadiana lâ â heih bâ aw.

ISAI 14:2

Phopizy ta Izarei pathlazy cha a chhipa ta, ama y nawpa su tlôkhei aw ei ta, Izarei pathlazy ta âmo cha seichapawzy nata seichanôzy ta Abeipa râh liata ama hnei aw. Sei ta âmo a vaw patu tyhpazy kha, Izarei pathlazy ta sei ta patu aw ei ta, âmo a vaw tlybai tyhpazy chô liata ryu ama reih aw.

ISAI 14:25

Asuria cha ei râh lia tlai ta parao aw na ta, Ei tlâhzy liata phei ta ei tlypâ aw; A raopaky cha ei phopi tawhta pahluhpa châ aw ta, A phaohri ama ngiatlâh tawhta pachhôpa a châ aw,” Tahpa ta bie a taih ha ta.

ISAI 17:13

Râhzy ta tisaih hawhta a aoh hra ei sala, Abeipa ta âmo cha ra aw ta, Lâhlapi lâ a râ aw ei ta, Tlâh liata saviah thlih ta a phaopa hawhta, Chadai paipa châ aw ei ta; Khisô ta dohlei a phaopa hawhta, Chadai paipa ama châ aw.

ISAI 21:15

Zaozizy tawhta a râpazy châ ei ta, Zaozi phia hapa tawhta a râpazy ama châ khawh. Libaw a kei chiehpa tawhta a râpazy châ ei ta, Adyuhna rupa tawhta a râpazy ama châ khawh.

ISAI 27:7

Izarei a tutuhpazy a tupa hawhna khata, Izarei cha a tu hra ma? Izarei a thietuhpazy a thiepa hawhna khata, Izarei cha a thie hra ma?

ISAI 29:5

Châhrasala chihropa na chariahpa hluhpizy cha, Dohlei dipa hawhta châ aw ei ta; Nôchhiepa manôh hluhpizy chhao, Saviah a zawpa hawhta ama châ aw. Movi hlâta, eikhapi ta,

ISAI 33:1

Nâ, a pahleipadiatuhpa y, Pahleipadiapa châ mâh vei hra la, Na hu a po na! Nâ, a paphasaituhpa y, A paphasaipa châ mâh vei hra la, Na hu a po na! Chyhsa na pahleipadiapa tawhta nâ chalih tita, Pahleipadiapa châ hra aw chi ta; Nâ paphasaipa na patlô tita, Ama châ paphasai hra aw.

ISAI 37:7

Pachâ teh, a chhôh liata thlahpa soh aw na ta, bie pathâhpa a thei aw. Chatanachata a râh lâ a lie aw ta, ano râh liata zaozi ta ei papaosa aw,’ tahpa ta,” tah ta.

ISAI 66:16

Abeipa ta mei ta pachia aw ta, A zaozi ta chyhsa zydua a pachia aw; Chavâta Abeipa ta a thiepazy cha, Ama hluh ngaita aw.

ZEREMIAH 46:10

“Cha noh cha Pheisaihzy Abeipa Zehôvâh noh châ ta, Phuh a lana noh a châ; A khakhaipazy chô liata phuh â lana noh a châ. Pheisaihzy Abeipa Zehôvâh ta Maw lâ râh Ufrâti chavah kiah liata atheihna hlâ ha ta, Chavâta zaozi ta Izi mo cha, Lôhrâtlôna taihta palâ aw ta, Dâhphi paina taihta ama thisaih a doh aw.

EZEKIA 21:28

“Hy chyhsa sawchapawpa y, hrohsona bie phuah la, Amawna mo nata âmo reipachhiena kyh liata, ‘Abeipa Zehôvâh ta hetana heta a tah: Hy Zaozi, Hy zaozi, thie awpa ta na paih tawhta â phia la, dôhla hawhta pathlie awpa ta padiehsapa ta y mah y.

HÔSIA 1:7

Zudâh chhôhkha hnohta deikua cha ei kyhpachâna ei palâsa aw. Pahniena pie aw ei na ta, libaw ta tlyma, zaozi ta tlyma, adyuhna ta tlyma, arâ nata a kiahtuhpazy vâta tlyma pahniena châ leipa aw ta, Abeipa ama Khazohpa vâta pahniena a châ aw,” tah ta.