ISAI 31:4 - Mara Bible RV (BSI)

⁴ Abeipa ta hetana heta eina tah: “Chakeibarôhneipa nata chakeibarôhneipa lochopa zy ta, Sa ama taipazy chô liata a rôh ei ta; Mietaku vaituhpa sahlaozy ta amâ râhnaopa chhao ta, Ama awhsâhpa ta pachisa leipa ei ta, Ama pyu ta ama thlah a pazo leipa hawhta; Pheisaihzy Abeipa cha za chô aw ta, Zaio Tlâh liata zâ dyuh aw ta, A tlâh byuhpa liata a zâ dyuh aw.

ISAI 31:4 ပူးပေါင်းရင်းမြစ်များ

2 THÂTIHZYRONA 20:15

Zahâzie ta, “Nâmo, Zudâh râhsaw zydua nata Zerusale khihsaw zydua nata Bei Zehôsaphâ y, nathlie teh u. Abeipa ta nama hnohta, ‘Chi leipa u la, pheisaih hri hluh ngaitapazy vâta ngiarohpa ta y hra khuh vy. Adyuhna cha nâmo adyuhna châ leipa ta Khazohpa adyuhna a châ.

PUASAINA 14:14

Abeipa ta a châ dyuhpa aw ei. Nâmo deikua cha a thlih thlâh ha teh u,” tah ta.

PUASAINA 14:25

Abeipa ta ama talailih pheizy a thlo hapa vâta sie thei khao leipa ei ta. Izi mo ta, “Izarei mo hmiakô tawhna heta a râ ha ei suh u, Abeipa ta âmo chhâh a châ ta Izi mo â dyuh ha hih,” tah ei ta.

ISAI 10:16

Chavâta Pheisaihzy Abeipa Zehôvâh ta, Asuria bei pasaipha thatlôpazy chô liata chaohna hri a patlôsa aw; Â papiparysana ry liata mei patipa châ aw ta, Meipaleih ta a kâ khai aw.

ISAI 12:6

Hy Zaio sawzy saih u, Nama hry liata a ypa Izarei Mo Pathaihpa cha, Rônah ngaitapa a châpa vâta, Thata awh u la, alypa ta hla sa teh u.”

ISAI 30:30

Chatawhcha hiehâhna ru ngaitapa nata meipaleih a kâ ngâpa hry liata nata, thlihpi nata vâsua nata pareih hry liata, Abeipa ta a ao rônahpa cha thei thei awpa ta papua aw ta, a ku pathlapa cha hmô thei awpa ta a tao aw.

ISAI 30:32

Abeipa ta chôchahrei rao chiehpa hmâpa ta âmo a tuna maih liata, paotlâ nata totâ zy ta patla panô tyh aw ei ta, a chôchahrei hmâpa ta âmo cha â dyuh aw ei.

ISAI 42:13

Abeipa cha pasaipha hawhta pua aw ta, Pheisaih hawhta a phahnai ngiahna a pathyu aw. Paro ngaitapa ta awhpa ta a pahôpahâh aw ta, A khakhaipazy chô liata a thatlôna a palâsa aw.

ZEREMIAH 50:44

“Pachâ teh u, chakeibarôhneipa ta sibiepa su phapa liata mietakuzy Zawdâh râhmâhpa tawhta eikhapi ta a vaw puahnaopa hawhta, Babylaw chhao a râh tawhta eikhapi ta parâsa aw na ta, ei khopa maih a chô liata biehneituhpa ta ei rao aw. Kei hawhpa he ahy y tly? Ahy ma a hmiakô liata a luah awpa ta nâ aw thei tly? Kheihawhpa mietaku vaituhpa ma ei hmiakô liata a duah thei aw tly?

HÔSIA 11:10

Abeipa cha ama pazi aw; Chakeibarôhneipa hawhta a rôh aw ta, Â rôh tita, A sawzy a chalyuna chôta Notla lâ tawhta amâ vy aw.

AMÔSÂ 3:8

Chakeibarôhneipa a rôh ha ta, Ahy ma chi leipa ta a y aw? Abeipa Zehôvâh ta bie reih ha ta, Ahy ma phuah leipa ta a y thei aw?”

ZEKARIA 12:8

Cha noh liata, Abeipa ta Zerusale liata a pahrâpazy pabohsa aw ta, ama hry liata chyhsa chiehlei chaipazy chhao, cha noh liata cha Dâvi hawhta châ aw ei ta, Dâvi pathlazy cha Khazohpa hawhta châ aw ei ta, ama hmia lâta a siepa Abeipa vâlyuhchâpa hawhta ama châ aw.

ZEKARIA 14:3

Cha khai tawhta Abeipa cha vaw pua aw ta, adyuhna noh liata â dyuh tyhpa hawhta, phopizy cha â dyuh aw ei.

ZEKARIA 2:5

keima tlai he Zerusale châta mei thokhy châ aw na ta, a chhôh liata a rônahna ei châ aw,’ Abeipa ta a tah tahpa ta kei chho teh,” tah ta.

ZEKARIA 9:15

Pheisaihzy Abeipa ta âmo cha vaih aw ta, Cheisiah lôzy hmâpa ta ama chariahzy pahnie aw ei ta, Ama parao aw; Doh aw ei ta, Kresawhti paripa hawhta ama palopasah aw; Biebuh hawhta ti ta pabiepa châ aw ei ta, Maisâh kizy hawhta dâ kaniehpa ta ama y aw.

ZEKARIA 9:8

Hrâsiepazy tawhta vaih awpa ta, Ei o liata riehmo ei paryh aw; Chatanachata ama siena lâta tlyma, Amâ liena lâta tlyma, A siehnaopa y khao aw veih ei. Tahmâ cha keima mo tlai ta ei vaih ha awpa vâta, Tlybaituhpa ta sie thlu khao aw vei.

BIEPHUAH 10:3

Chakeibarôhneipa a rôhpa hawhta ao paro ngaitapa ta awh ta, a awh khai nahta, tôkalôhpa miasari a vaw thua ta.

BIEPHUAH 5:5

Chatawhcha machâ pakha ta ei hnohta, “Cha khao khah y, moh teh, Zudâh chi chakeibarôhneipa, Dâvi Thari ta, châbu chatypa pahy awpa nata a chahnaona miasari pathlâ awpa ta a pahnie haw,” tah ta.