ISAI 31:2 - Mara Bible RV (BSI)

² Châhrasala Khazohpa cha asopa châ ta, Chhiena patlôsa ta, A biezy a pathleih leipa a châ. Moleina hmo a taotuhpazy cha, Ama pathlazy taihta thyuhnao aw ta; Hmoparaotuhpazy a baotuhpazy chhao, A thyuhnao aw ei.

ISAI 31:2 ပူးပေါင်းရင်းမြစ်များ

ZAWBÂ 12:13

“Khazohpa liata sona nata thatlôna y ta, Ano cha ryhraona nata pahnona a hneipa a châ.

ZAWBÂ 12:16

Ano liata thatlôna nata sona y ta, Dôveipa nata dôveituhpa chhao ano eih ama châ.

ZAWBÂ 5:13

Piehpiepazy piehpiena patu ta, Aohraohpazy aohraohna thlai ta a pachhâsa.

ISAI 1:4

Âh, râh moleipa châ ei ta, Paraona a phaohpa phopi ama châ; Moleina hmo a taopa chipathla châ ei ta, Avyuhna a taopa sawzy ama châ. Abeipa siesaipa ta, Izarei Pathaihpa cha mohnao ei ta, Hnôh ama chhy haw.

ISAI 14:20

Na râh parao chi ta, Na phopi na thiepa vâ ei ta, Ama hry liata pabupa châ aw va chi. ‘Moleipazy chipathla cha, A moh reipa châ beih khao khah sy!

ISAI 21:17

Kedâ pathlazy hry liata likathaipa pasaipha laibâhpazy cha a chyhta ama châ aw. Abeipa, Izarei Khazohpa ta, cha cha a reih haw.”

ISAI 22:14

Pheisaihzy Abeipa ta ei nakhaoh liata a vaw phualuah ta, “Nama thi hlâlei cha, He moleina he chatlaipa châ aw vei,” Pheisaihzy Abeipa Zehôvâh ta a tah.

ISAI 28:21

Abeipa cha a rai hria awpa ta, Rai nano kawpa hria awpa ta; A hmo tao awpa ta, Hmo a y tu leipa tao awpa ta; Perazi Tlâh liata vaw thyu aw ta, Kibiô Saikao liatapa hawhna khata â vaw hra aw.

ISAI 28:29

Cha pahnona chhao cha, Pheisaihzy Abeipa tawhta a vypa a châ; Ano cha ryhraotuh noâchhihpa châ ta, Sona kipa a hneipa a châ.

ISAI 30:3

Chavâta Phiraoh thatlôna cha, Nama nozana châ aw ta; Namâ nyuna Izi nohpahlipa cha, Nama nohzaona a châ aw.

ISAI 30:7

Izi baona cha phahnai leipa châ ta, Aruapa a châ; Chavâta Izi cha, “Rahâbi a tyuh molopa,” Tahpa ta a moh ei bi.

ISAI 31:3

Izi mo cha Khazohpa châ veih ei, Chyhsapa dei ama châ; Ama arâzy chhao thlahpa châ veih ei, Sapa dei ama châ. Abeipa ta a ku a pazawh tita la, Baotuhpa a chapia aw ta, A baopa chhao pao aw ta, Ama zydua ta hmaohkha ta ama leidia aw.

ISAI 32:6

Ahrupa cha hruna bie reih ta, Hmo moleipa tao awpa sai a pachâ tyh. Khazohpa kho leipa hmozy tao ta, Abeipa kyh liata bie doleipa a reih tyh. Nodipazy nie paky ta, Dâhphipazy ti pado vei.

ISAI 45:7

Khaihna tao na ta, Zohna chhao ei paysa; Sivâphana patlôsa na ta, Chhiena chhao ei paysa; Kei he Abeipa, cha hmo zydua taotuhpa cha ei châ.

ISAI 9:17

Chavâta Abeipa cha ama satliazy chô liata a ly leipa aw ta, Ama harapazy nata nôhmeizy chhao ngiachhie hra aw vei. Chyhsa to Khazohpa a pachâ leipa nata moleipa sai châ ei ta, Pakah to hruna bie a reihpa sai ama châ. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ZEREMIAH 10:12

A hmotaotheina ta alei tao ta, A sona ta khizaw padua ta, A novâhna ta avâ a parai.

ZEREMIAH 10:7

Hy phopizy Beipa, Ahy ma cha chi leipa ta a y aw? Mo to ta ama cha chi awpa cha, Nâ phuhpa rai mah a châ tâh. Phopizy chyhsa sopa zydua hry liata, Nâ hawhpa he y leipa ei ta, Amâ beinarâh zydua liata chhao, Nâ hawhpa he y veih ei.

ZEREMIAH 36:32

Chatawhcha Zeremiah ta châbu hropa la ta, Neriah sawchapawpa chârohtuhpa Bâruka cha pie ta. Zudâh bei Zehôki ta mei ta a rao hapa châbu bie zydua kha, Zeremiah ta a pakah ta Bâruka chho ta, Bâruka ta roh heih ta. Cha biezy a lyupa bie hropa hluhpi chhao baichhapa a châ.

EZEKIA 29:6

“Chatanachata Izi chyhsa zydua ta Abeipa ei châ tahpa ama pahno aw. Izarei pathlazy châta lohthi chôchahrei hawhta châ chi ta,

AMÔSÂ 3:6

Khihpi liata chiahmie tô ei sala, Zawpi chi leipa ta ama y aw ma? Abeipa ta a patlôsa leipa ta, Khihpi liata chhiena a vaw tlô aw ma?”

ZEPHANIA 3:8

Chavâta pachia awpa ta Ei duah nawpa noh vaw hâ teh u,” Abeipa ta a tah. “Phopizy pahmaoh aw na ta, Khinarâhzy ei awpakhy aw; Ei hiehâhna lei thlu aw ei na ta, Ei pathi sah ngaitapa ei lei thlu aw ei; Biechhâna ei tao haw. Ei hiatliana mei ta Khizaw zydua a kâ khai aw.”

ZEKARIA 1:6

Nâ chakaotuhpa hrohsopazy hnohta ei biepiepa nata ei pachunazy ta châ pathlatuhpazy kha chhao ha veih ei ma? Chavâta âmo cha ro ei ta, ‘Eima taozie nata hrozie lymâ hawhta Pheisaihzy Abeipa ta eima chô liata tao a chhuah ta, a tao ha tlaipa a châ,’” ama tah.

MALUHREINA 10:35

Byh a puana maihta Mawsi ta, “Hy Abeipa, vaw thyu mah y; Na chariahpazy papaipa ta y ei sala, Châ haotuhpazy na hmiakô tawhta a râpai mawh ei sy,” tah ta.

MALUHREINA 23:19

Khazohpa cha chyhsapa a châ leipa vâta, Haih beih leipa ta; Chyhsa sawchapawpa a châ leipa vâta, A palôh panano beih vei. A rei hapa tao leipa ta a y aw ma? A chho hapa patlô leipa ta a y aw ma?

MATHAI 24:35

Lei nata vâ a lei aw, ei biezy deikua lei aw vei.

RAWMA 16:27

Khazohpa sopa a y chhôhpa hnohta, Zisu Krista vâta chhâzaw ta rônahna y mawh sy! Amen.

ZAWSUA 23:15

Abeipa nama Khazohpa ta nama hnohta hmo phapa a reipa zydua nama chô liata a vaw tlô khaipa hawhta, a biepiepazy nama parao khiahta deikua cha, Abeipa nama Khazohpa ta râh phapa a cha piepa tawh ei ta a cha pahleipadia khai hlâlei ei cha, Abeipa ta hmo pha leipazy nama chô liata a vaw patlôsa aw.

ZUDÂH 1:25

eima Beipa Zisu Krista zawhzi ta miah Pachhatuhpa Khazohpa a y chhôhpa hnohna chata rônahna zy, abeina zy, ryureina zy, biehneina zy cha, daihti khô chiehpa zydua nata tahmâ nata tlyzaw ta y thlâh ha mawh sy. Amen.

1 SAMUELA 2:3

“A palai ngaitapa ta bie reih khao leipa u la, Nama pakah tawhta sâlâna bie pua khao khah sy; Abeipa cha pahnona Khazohpa châ ta, Chyhsa hmotaopazy kho a pathliahtuhpa a châ.