ISAI 30:7 - Mara Bible RV (BSI)

⁷ Izi baona cha phahnai leipa châ ta, Aruapa a châ; Chavâta Izi cha, “Rahâbi a tyuh molopa,” Tahpa ta a moh ei bi.

ISAI 30:7 ပူးပေါင်းရင်းမြစ်များ

ZAWBÂ 9:13

Khazohpa cha a hiehâhna a sy leipa châ ta, Rahâbi baotuhpazy chhao ta a ry liata amâ bôh tyh.

HLAZY 87:4

Nâ pahnopazy hry liata a hlao hrapa, Rahâbi nata Babylaw kyh reih aw na ta, Pachâ teh, Philistia nata Tyre kyh reipa ta, Kusi kyh chhao reih aw na ta, “He chyhsa he Zaio liata a pihpa a châ,” ama tah aw.

HLAZY 89:10

Rahâbi cha chyhsa thiepa hawhta taichheih chi ta, Na chariahpazy na bâh thatlôna ta na papai ha ei.

PUASAINA 14:13

Mawsi ta Izarei phopi hnohta, “Chi khah u, â ipa ta a duah u la, Abeipa pachhana tanoh a vaw tlô awpa mokhâh teh u. Tanoh ta Izi chyhsa nama hmôpazy he chhâzaw ta hmô heih khao aw veih ei chi.

BIESOZY 25:19

Tymâna daihti liata chyhsa ngâchhih leipa chô liata a pahniehpa cha, Hâh a charuapa nata phei a pahleihpa hawhta a châ.

ISAI 10:3

Lâhlapi tawhta chhiena vaw tlôna noh, Hriena noh liata khâpa ma nama tao aw? Baona hia awpa ta ahy lâ namâ râ aw? Khataih liata ma nama sôh nata thih nama siesai aw?

ISAI 2:22

Chyhsapa he ngâ khao khah y, A hnapasu liata husona a hneipa deita a châ hih; Pasâhsa kaw nawpa khâpa a hnei tly?

ISAI 20:6

Cha noh liata, he tilaipi kiah liata a pahrâpazy heta, ‘Moh tua u, eima hnabeiseihna nata Asuria bei tawhta miah pachha awpa ta eimâ râna cha, he hawhta tlâ a châ hih! Kheihta ma eimâ boh thei aw?’ ama tah awh,” tah ta.

ISAI 28:12

Ama hnohta, “He he apahâna châ ta, Thachhâpazy cha pahâsa teh u; He he tha a padâh nawpa su a châ hih,” tah ta, Châhrasala nathlie khoh veih ei.

ISAI 30:15

Abeipa Zehôvâh, Izarei Mo Pathaihpa ta hetana heta a tah: “Rona nata apahâna liata nama pachhana y ta, A thlih thlâh hana nata ngâna liata nama thatlôna a y.” Châhrasala khoh leipa ei chi ta,

ISAI 30:5

Chyhsa to nozapa ta ama y. Izarei sawzy châta phahnaina hnei leipa phopi châ ei ta, Baona tlôkhei veih ei; Athôhna tlôkhei hra leipa ei ta, Nozana nata nozaohna a tlôkheituhpa deita ama châ,” Abeipa ta a tah.

ISAI 36:9

Talailih nata arâ pheisaih zy kyh liata Izi nâ ngâchhâ chhôh zydua cha, kheihta ma ei zibeipa chakaotuhpa chyh chaipazy hry liata pheisaih hyutuhpa pakha chhao he na pakhâ thei aw?

ISAI 51:9

Hy Abeipa bâh y, a hra la, a hra la, Thatlôna ta a tobi mah y. Chhâ a khô hapazy liata nâ hrapa hawhna khata a hra la, Hlâno daihti liata nâ hrapa hawhna khata a hra heih mah y. Rahâbi a chhawh pachhô khai hapa kha, Nâma châ chi ta; Drâkao a chô pahlietuhpa chhao kha, Nâma ma na châ vei?

ISAI 7:4

a hnohta, ‘Â vaih la, a thlih thlâh ha la, chi khah y. He meirei peih pachhupa khu ngâpa miano, Aramia bei Rezi nata Remâliah sawchapawpa hiehâhna ru ngaitapa vâta na palôh dua khah sy.

ZEREMIAH 37:7

“Abeipa, Izarei Khazohpa ta hetana heta a tah: Keima nâ saohiah awpa ta châ vaw tuahtuhpa Zudâh bei hnohna chata hetana heta kei chho muh vy, ‘Pachâ teh, nâma cha bao awpa ta â khypa Phiraoh pheisaihzy cha, âmo râh, Izi râh lâ amâ lie aw.

CHAPHÔHTUNA 3:26

Abeipa pachhana hmô awpa ta, A chalihpa ta hâpa cha hmo phapa a châ.

HÔSIA 5:13

Epharai ta a pasana hmô ta, Zudâh ta a hmah a hmô nahta; Epharai cha Asuria lâ sie ta, Bei rônahpa lâ chyhsa a tuah. Châhrasala ano ta Cha patlâh thei leipa aw ei ta, Nama hmah paphasa thei aw vei.