ISAI 30:6 - Mara Bible RV (BSI)

⁶ He he Neke râhsazy kyh chhochhieliena bie a châ: Neke cha nôpona nata thlazohna râh a châ; Chakeibarôhneipa panô puana râh châ ta, Chakeibarôhneipa tôhpa puana râh a châ; Vâzi puana râh châ ta, Parih a zaw theipa puana râh a châ. Cha râh tawhna chata, Ama châta phahnaina a hnei leipa phopi pie awpa ta, Ama hneirônazy cha, Alâzy paphaosa ei ta; Ama ryusôhpazy cha, Râraoseihpazy ky byuhpa liata ama paphaosa.

ISAI 30:6 ပူးပေါင်းရင်းမြစ်များ

ÂTHAONA 12:9

Cha tawhna chata Abarâ cha a thao heih ta, Neke râh pangaipa ta sie ta.

1 ABEIZY 10:2

Zituhpa hluhpi nata ia-ôzy nata ngôh nata lôsôhpa hluhpi a phaohpa râraoseihpazy chhaota Zerusale lâ khy ta. Sawlawmaw kô a tlô nahta, a palôh liata a ypa zydua hiahri ta.

2 THÂTIHZYRONA 16:2

Âsâ ta Abeipa o sôh nata abei o sôh sonazy liata tâkâ nata ngôh zy la ta, Dâmaskâ liata a ypa Aramia bei Benhadâ lâ paphao ta, a hnohta,

2 THÂTIHZYRONA 9:1

Sawlawmaw moh pathâhnazie Sebâ beinô ta a thei nahta, Sawlawmaw cha bie khiakhi ngaitapazy ta pasia awpa ta Zerusale lâ a khy ta. Zituhpa hluhpi nata ia-ôzy nata ngôh nata lôsôhpa hluhpi phaoh ta, râraoseihpazy chhaota khy ta. Sawlawmaw kô a tlô nahta, a palôh liata bie a ypa zydua chho ta.

ZAWBÂ 39:11

A thatlô ngaitapa vâta ano liata a pahniehpa ta, Na raihria awpa ano na thy thlu khai aw ma?

PUASAINA 1:14

Raihria ru ngaitapa, alô khaipa nata alei raopa raizy nata lyu liata rai to pahriasapa ta ama hro rie thata pathei ei ta, ama raihria zydua liata riethei ngaitapa ta ama pahriasa lymâ.

ISAI 14:29

Hy Philistinâ râh zydua saih u, Nâmo châ tupa chôchahrei a tlie hapa vâta a ly hlei khuh vy; Vâzi thari tawhta chyuphao vaw thao aw ta, A thei cha vâzi mei a zawtheipa a châ aw.

ISAI 15:7

Chavâta sôh ama hmôpa nata ama pachôpazy cha, Râbuh Chavah lâ ama siekhei haw.

ISAI 19:4

Izi mo cha zibeipa nôchhiepa ku liata pie aw na ta, Bei a hrâhpa ta ama chô liata ryu a reih aw, Pheisaihzy Abeipa Zehôvâh ta a tah.

ISAI 35:9

Cha lâpi liata cha, Chakeibarôhneipa y leipa aw ta, Sahrâhpa a vy aw vei; Chazy cha, cha liata hmô awpa y leipa aw ta, Chatlaipazy ta, cha lâpi cha amâ chhih aw.

ISAI 5:30

Cha noh liata, tilaipi a rôhpa hawhta, Izarei chô liata amâ rôh aw. Chyhsa ta râh a sai khiahta cha, Zohna nata nôpona sai hmô aw ta, Khaihna cha meihdozy vâta a zoh ha aw.

ISAI 57:9

Sathaw chhaota abei lâ pangai chi ta, Na ropahâhpazy thata na papôh. Na lyuhchâpazy lâhlapi lâ tuah chi ta, Athihkhih lâ taihta na tuah ei.

ISAI 8:22

Alei lâ moh aw ei ta, nôpona nata zohna nata pachârôhna zohmyhna ta a biepa hmô aw ei ta, zohna chha kaluhpa liata thypa ama châ aw.

ZEREMIAH 11:4

Nâmo châ pathlatuhpazy Izi râh thua patina meihô tawhta ei chhi papua nona ei kha, ei ao nathlie awpa nata ei biepie zyh awpa ta bie ei pie ei. Chatanachata ei phopi châ aw ei chi ta, kei nama Khazohpa ei châ aw.

ZEREMIAH 2:6

‘Izi râh tawhta miah a kaw chhi papuatuhpa Abeipa kha khataih liata a y?’ tah leipa ei ta, ‘Râhchawhpa liata miah chhihtha ta, Sadi bypi liata miah chhihthapa ta, Khaohtlôzy liata miah chhihthatuhpa kha, Khataih liata a y haw?’ Tah hra leipa ei ta; ‘Râh chawhkaraipa liata miah chhihthapa ta, Thina nohpahli râh liata miah chhihtha ta; Chyhsa chapia beih leina râh liata miah chhihthapa ta, Ahy hmah pahrâ beih leina râh liata miah chhihthatuhpa kha, Khataih liata a y haw,’ Tah hra veih ei.

EZEKIA 20:46

“Chyhsa sawchapawpa y, chho lâ a heih la, chho lâ cha bie chho la, Neke râhmâhpa râh hnohta hrohsona bie phuah mah y.

HÔSIA 12:1

Epharai cha ziza chahâpa ta, Noh y ta nochhi thlih a chadai ta, Haiphiana nata atudaina ama papôhsa. Asuria nata biehrai tao ei ta, Izi râh lâ sathaw ama paphao tyh.

HÔSIA 12:2

Abeipa ta Zudâh thailei pachâsa ta, A hrozie hawhta Zakaw cha hrie aw ta, A hmotaopazy hawhta viari a thô aw.

MIKÂ 6:14

Nie aw chi ta, Châhrasala na rih bie leipa aw ta, Na chhôh liata nodina khâ a y aw; A papai sai ta papai aw chi ta, Pachô thei aw va chi; Na pachô tlakaihpa cha, Zaozi hnohta ei pie aw.

ZEKARIA 6:6

Arâ vyhpa talailih kha maw râh lâ sie ta, arâ râhpa talailihzy ta âmo cha pazi ta, arâ peipa a chapaipa talailih cha chho râh lâ a sie,” tahpa ta nâ chhy ta.

ZEKARIA 9:9

Hy Zaio sawchanô, thapha ngaitapa ta y la, Hy Zerusale sawchanô, thata awh teh! Moh tua, na bei cha nâ lâta â vy hai; Mosiapa nata pachhatuhpa a châ; Areisipa ta alâ vaw kiah ta, Alâtaw, alâ panô taw tlai vaw kiah ta â vy.

MALUHREINA 21:8

Abeipa ta Mawsi hnohta, “Parih châmaih thatlôpa nothlahpa tao la, atôh liata chaluah mah y. Parih pachupa maihta cha cha ama mo khiahta cha, ama hroh aw,” tah ta.

MATHAI 12:42

Chho beinô chhao, pachiana noh liata, he chhâ nata vaw thyu khoh aw ta, he chhâ he thailei a pachâsa aw. Sawlawmaw sona nathlie awpa ta hmah, khizaw chhâna tawhta a vy ta, moh teh u, Sawlawmaw hlâta rônah viapa he liata a y.

RYHPACHANEINA 17:16

Bei cha arâzy deikua a hluhpi a hnei awpa châ leipa ta, arâ hluhpi hnei thei nawpa ta Izi râh lâ chyhsa a tuah awpa châ vei. Abeipa ta, ‘Tahmâ tawhta cha, cha lâpi lâ nama kua beih khao awpa châ vei,’ cha tah ha tlôh ei ta.

RYHPACHANEINA 4:20

Tanoh nama châna hawhna heta, Abeipa ta a ryuto phopi châ awpa ta, Izi râh tawhta, thua patisana mei tawhta cha la papua ei ta, a châ kaw chhi papuapa ei kha a thei thlâh ha muh vy.

RYHPACHANEINA 8:15

Ano ta râhchawhpa kawh ngaitapa nata rarôh y ngaitapa, rihhrâh nata râh cha-iazy yna, ti y leina râh chawh karaipa liata châ chhi ei ta, meilô lôpanô tawhta ti a cha papuapa ei.