ISAI 30:30 - Mara Bible RV (BSI)

³⁰ Chatawhcha hiehâhna ru ngaitapa nata meipaleih a kâ ngâpa hry liata nata, thlihpi nata vâsua nata pareih hry liata, Abeipa ta a ao rônahpa cha thei thei awpa ta papua aw ta, a ku pathlapa cha hmô thei awpa ta a tao aw.

ISAI 30:30 ပူးပေါင်းရင်းမြစ်များ

ZAWBÂ 38:22

“Dâhaw sopakhyna liata nâ ngia beih ma? Pareih sopakhyna su na hmô beih ma?

ZAWBÂ 38:23

Chazy cha nôpona daihti châta ei khaipa châ ta, Chariah adyuhna noh châta ei khaipa a châ.

ZAWBÂ 40:9

Khazohpa bâh hawhpa bâh na hnei ma? Ano ao hawhta tôkalôhpa a thuapa ao na papua thei ma?

HLAZY 2:5

A pathi iapa ta ama hnohta bie reih aw ta, A hiehâhpa ta âmo pachisapa ta,

HLAZY 46:6

Phopizy a tyhreihpa ta, Khinarâhzy pao ei ta; A ao papua ta, Leilô he a zao khai haw.

HLAZY 98:1

Abeipa lâ hla thiehpa sa teh u! Ano cha hmonoâhpazy taotuhpa châ ta, A ku chachâh lâ nata a bâh pathaihpa ta pahniena a to haw.

PUASAINA 15:16

Hy Abeipa, na phopi ama khô khai hlâlei cha, Na chaleipa phopi ama khô hlâlei cha, China nata ngiarohna ta Izi mo tla thlu ta, Na bâh thatlôna vâta alô hawhta amâ chalih.

PUASAINA 9:23

Mawsi ta a chôchahrei avâ lâ pazawh ta, chatawhcha Abeipa ta tôkalôhpa nata pareih za tuah ta, alei liata pachie mei za tla ta. Abeipa ta Izi râh chô liata pareih thata patlasa ta.

PUASAINA 9:24

Pareih ru ngaitapa tla ta, pareih hry liata pachie mei â zaopa ta chateih ta, Izi phopi â vaw dua tawhta cha tlu ta pareih rupa Izi râh liata tla beih vei.

ISAI 10:16

Chavâta Pheisaihzy Abeipa Zehôvâh ta, Asuria bei pasaipha thatlôpazy chô liata chaohna hri a patlôsa aw; Â papiparysana ry liata mei patipa châ aw ta, Meipaleih ta a kâ khai aw.

ISAI 10:26

Ôrebâ lôpanô liata Midia a thie no hawhna khata, Pheisaihzy Abeipa ta Asuria cha chheina savo ri ta a chhei aw. Izi râh liata a chaluahpa hawhna khata, tilaipi chô liata a chôchahrei a chaluah aw.

ISAI 10:5

Asuria cha a hu a po na! Ano cha ei pathiiana sômasi châ ta, A ku liata ei hiehâhna chôchahrei a y.

ISAI 28:2

Moh tua u, Abeipa ta chyhsa thatlôpa hnei ta, Hmotaotheipa a hnei; Ano cha pareih thlihpipa hawhta pathli ta, Chothyu hawhta a chanaohpa a châ; Vâkatlâ hawhta suah ta, Tisaih hawhta a lohpa a châ; A ku ta alei lâ a za pazaw aw.

ISAI 29:6

Pheisaihzy Abeipa ta cha vaw tly aw ta, Tôkalôhpa nata alosihpa chhaota cha vaw tly aw ta, Pyu paro ngaitapa chhaota a cha vaw tly aw; Khisô nata chothyu chhaota cha vaw tly aw ta, Meipaleih charôh ngâpazy chhaota a cha vaw tly aw.

ISAI 30:29

Zâ kyhchhi pathaihpa hnei no hawhta hla sa aw ei chi ta, ramo tôna chôta Abeipa tlâh lâ khy ei ta, Izarei Lôpanô lâ ama khy no hawhta palôh thaphapa ta nama y aw.

ISAI 30:31

Abeipa ta a chôchahrei ta a tu tita, Asuria mo cha Abeipa ao vâta china ta a patu aw ei.

ISAI 31:4

Abeipa ta hetana heta eina tah: “Chakeibarôhneipa nata chakeibarôhneipa lochopa zy ta, Sa ama taipazy chô liata a rôh ei ta; Mietaku vaituhpa sahlaozy ta amâ râhnaopa chhao ta, Ama awhsâhpa ta pachisa leipa ei ta, Ama pyu ta ama thlah a pazo leipa hawhta; Pheisaihzy Abeipa cha za chô aw ta, Zaio Tlâh liata zâ dyuh aw ta, A tlâh byuhpa liata a zâ dyuh aw.

ISAI 32:19

Pareih ta râhmâhpa chanaoh ta, Khihpi paby khai ha hra sala,

ISAI 33:14

Zaio liata moleipazy cha chipa ta y ei ta, Khazohpa a pachâ leipazy amâ chalyu; “Eima hry liata ahy ma Mei kâ haipa hnohta a pahrâ thei aw? Eima hry liata ahy ma Tlyzaw ta a kâpa hnohta a pahrâ thei aw?” ama tah.

ISAI 4:6

cha cha nohchhô noh lo nota nohdi a chhai nawpa byureih châ aw ta, thlihpipa nata vâsua tawhta a boh nawpa ta a chhaina byureih a châ aw.

ISAI 51:9

Hy Abeipa bâh y, a hra la, a hra la, Thatlôna ta a tobi mah y. Chhâ a khô hapazy liata nâ hrapa hawhna khata a hra la, Hlâno daihti liata nâ hrapa hawhna khata a hra heih mah y. Rahâbi a chhawh pachhô khai hapa kha, Nâma châ chi ta; Drâkao a chô pahlietuhpa chhao kha, Nâma ma na châ vei?

ISAI 52:10

Abeipa ta râh zydua mohmô liata A bâh pathaihpa chaluah ha ta, Khizaw kaokih zydua ta Eima Khazohpa pachhana cha ama hmô aw.

ISAI 62:8

Abeipa ta a ku chachâh lâta bie a taih ha ta, A bâh thatlôpa ta hetana heta bie â taih haw: “Na sâh cha na chariahpazy nie awpa ta Pie khao leipa aw na ta, Na hriapasana kresawhti cha, Chihropazy ta doh khao aw veih ei.

ISAI 66:15

“Moh teh u, a pathiiana lei thlupa ta, Meipaleih ta chhorei awpa ta, Abeipa cha mei chhaota vaw tlô aw ta, A talailihzy cha khisô hawhta a châ aw.

ISAI 66:16

Abeipa ta mei ta pachia aw ta, A zaozi ta chyhsa zydua a pachia aw; Chavâta Abeipa ta a thiepazy cha, Ama hluh ngaita aw.

ZEREMIAH 25:32

“Pheisaihzy Abeipa ta hetana heta a tah: Moh teh u, chhiena ta râh to chahryh ta, Alei su lâhla chaipazy tawhta Chothyu ru ngaitapa a vaw thyu hai!

EZEKIA 10:5

Cherubizy mathlaw pyu cha, khôtho lâta dôhpachhôh tlyhmia tawh chhao ta thei theipa a châ. Khazohpa Atotaotheipa ta bie a rei nota a ao nata â lyu.

EZEKIA 13:13

“Chavâta Abeipa Zehôvâh ta hetana heta a tah: Thokhy cha tlokhuh parao khai awpa ta, ei pathi iapa ta thlihpipa ru ngaitapa vaw pathlisa aw na ta, ei hiehâhpa ta avâ katlâ pasuasapa ta, ei pathi iapa ta pareih lai ngaitapa ei patlasa aw.

ZÔELA 2:5

Talailih pyu hawhta a vih ei ta, Tlâhpizy chô liata amâ thluah; Sawphao a kâ ngâpa meipaleih hawhta pa ei ta, Phopi thatlôpa hrâsiepa ama lyu.

AMÔSÂ 1:14

Chavâta Râbâ thokhy chô liata mei patih aw na ta, Adyuhna noh ta awhsâhpa pyu hry liata, Khisô nata thlihpipa hry liata, Abei ozy a kâ khai aw.

MIKÂ 1:4

Mei liata kheihlôh a zaopa hawhta, Pâdawhpa liata ti a chakhaopa hawhta, Tlâhpizy cha ano ry liata zao aw ei ta, Saikaozy ama kaichheih aw.

MATHAI 24:7

Phopi nata phopi a dyuh aw ei ta, khinarâh nata khinarâh amâ dyuh aw. Su hluhpi liata chakâhnazy tlô aw ta, alozy â sih aw.

LUKA 1:51

A bâh ta a thatlôzie pamosa ta, Palôh laipazy a papaipatla tyh.

2 THYSALAWNIKA 1:8

Khazohpa a pahno leipazy nata eima Beipa Zisu Krista thâtihpha a zyh leipazy chô liata deikua phuh a la aw.

ZAWSUA 10:10

Abeipa ta Izarei sawzy hmiakô liata Amawri mo cha patypamâsa ta, Kibiô liata thata thie ei ta, Behôrô lâ khyna lâpi lâta a chadai ei ta, Azekâ nata Mâkedâ khihpi taihta thie lymâ ei ta.

ZAWSUA 10:11

Izarei sawzy hmiakô tawhta a râpai ei ta, Behôrô chhutla ama chô hai nota, Abeipa ta avâ tawhta pareih laipa za patlasa ta, Azekâ tlôna taihta âmo cha daih lymâ ta, thata thi ei ta. Izarei sawzy ta zaozi ta ama thiepazy hlâ chhao ta pareih ta a daisaopa ama hluh via.

BIEPHUAH 1:15

A pheizy cha patisana mei liata pathaisapa dawh patliepa lyu ta, a ao cha tisaozy paropa pyu hawhta a châ.

BIEPHUAH 11:19

Chatawhcha avâ liata Khazohpa Achhyna o cha pahypa châ ta, Achhyna o chhôh liata a biehrai byh a vaw lâ ta. Dôhlazy vaw pathlie ta, aozy vaw pua ta, tôkalôhpazy a vaw thua ta, alo a sih ta, pareih thata a tla.

1 SAMUELA 7:10

Samuela ta raopa hlâna a hlâ hai no tlai chata, Philistinâ mo cha Izarei a dyuh awpa ta a vaw hnia ei ta. Châhrasala cha noh liata Abeipa ta Philistinâ mo chô liata tôkalôhpa thata vaw pathuasa ta, âmo cha patypamâ ta, Izarei hmiakô liata panawhpa ta y ha ei ta.