ISAI 30:28 - Mara Bible RV (BSI)

²⁸ A hu cha vahtie a kao a khôpa lyu ta, Rao taihta a khôpa a lyu; Paraona sohhri ta phopizy cha ri ta, Phopizy pakah liata chhâri pabaw ta, Â chhi chhei tyh ei.

ISAI 30:28 ပူးပေါင်းရင်းမြစ်များ

2 SAMUELA 17:14

Absalaw nata Izarei chyhsa zydua ta, “Arakhi chyhsa Husai ryhraopa he Ahitôphe ryhraopa hlâta a pha via na,” tah ei ta. Absalaw chô liata Abeipa ta chhiena a patlôsa thei nawpa ta, Ahitôphe ryhraona phapa cha pahnie awpa ta Abeipa ta a vaw pachhuahpanoh hapa a châ.

2 ABEIZY 19:28

Ei chô liata na ruchhô ta, Nâ palaina ei nah liata â kaw ngia hapa vâta, Na hnari cha daoh aw na ta, Ei chhâri na hmao liata pabawpa ta, Nâ vyna lâpi lâ tlai khata ei cha pakuasa heih aw.”

ZAWBÂ 39:17

Khazohpa ta sona pamysa ha ta, Novâhna tovyuh a pie leipa vâta.

HLAZY 18:15

Hy Abeipa, na rana vâta, Na hnapasu tawhta hu a puapa ta, Tilaipi chaozy hmô theipa châ ta, Khizaw abônazy â lâ khai.

HLAZY 32:9

Novâhna a hnei leipa arâ tlyma, sabaitu hawhta tlyma y khuh vy; Chazy cha chhâri pabaw awpa amâ ngiah tyh, Chataleipatala nama kiapâh liata y aw veih ei.”

BIESOZY 26:3

Chheina ri cha arâ châta châ ta, Chhâri cha alâ châta châ ta, Sôsi cha ahrupa ky châta a châ.

ISAI 11:4

Dyhchhiepazy chô liata adona ta ryureih aw ta, Lei chyhsa nônaipazy châta a khongâh kawpa ta a pachia aw. A pakah chôchahrei ta nôchhiepazy tu aw ta, A hmao hu ta hmoparaopazy a thie aw.

ISAI 17:13

Râhzy ta tisaih hawhta a aoh hra ei sala, Abeipa ta âmo cha ra aw ta, Lâhlapi lâ a râ aw ei ta, Tlâh liata saviah thlih ta a phaopa hawhta, Chadai paipa châ aw ei ta; Khisô ta dohlei a phaopa hawhta, Chadai paipa ama châ aw.

ISAI 17:14

Moh tua u, zâlâ ta chichhihpa eikhapi ta vaw y ta, Khihdei hlâta a lei ha tyh. Cha hawhpa cha miah hraotuhpazy tovyuh châ ta, Eima hmo a parutuhpazy hmô awpa cha a châ.

ISAI 19:3

Izi mo cha ama palôh pachhâsapa châ aw ta, Ama ryhraona ei patypamâ aw. Khazoh nothlahpazy nata dyuthaipazy a saohiah aw ei ta, Peihthaipazy nata pachaothaipazy amâ saohiah aw.

ISAI 28:15

“Thina nata bie hraih ha pi ta, Athihkhih nata bie eimâ taih hawh; Eima boh nawpa ta haipa bie reih pi ta, Bie doleipa liata eimâ chhai hapa vâta, Tisaih a tlô tita chhao miah pha aw vei,” Nama tahpa vâta,

ISAI 28:2

Moh tua u, Abeipa ta chyhsa thatlôpa hnei ta, Hmotaotheipa a hnei; Ano cha pareih thlihpipa hawhta pathli ta, Chothyu hawhta a chanaohpa a châ; Vâkatlâ hawhta suah ta, Tisaih hawhta a lohpa a châ; A ku ta alei lâ a za pazaw aw.

ISAI 29:6

Pheisaihzy Abeipa ta cha vaw tly aw ta, Tôkalôhpa nata alosihpa chhaota cha vaw tly aw ta, Pyu paro ngaitapa chhaota a cha vaw tly aw; Khisô nata chothyu chhaota cha vaw tly aw ta, Meipaleih charôh ngâpazy chhaota a cha vaw tly aw.

ISAI 30:29

Zâ kyhchhi pathaihpa hnei no hawhta hla sa aw ei chi ta, ramo tôna chôta Abeipa tlâh lâ khy ei ta, Izarei Lôpanô lâ ama khy no hawhta palôh thaphapa ta nama y aw.

ISAI 30:33

Hlâno tawhta mei raona su a chhuanoh hapa a châ. Abei châta chhao a chhuahdy hapa châ ta, tho ti nawpa â thu ngaitapa nata a kawh ngaitapa ta taopa châ ta, mei nata tho hluhpi pahmaohpa a châ. Cha cha kaih vahtiepa hawhta a lohpa Abeipa hu ta a pakâsa.

ISAI 37:29

Ei chô liata na ruchhô ta, Nâ palaina ei nah liata â kaw ngia hapa vâta, Na hnari ei cha daoh aw; Na hmao liata chhâri cha pabaw aw na ta, Nâ vyna lâpi lâ tlai khata ei cha pakuasa heih aw.”

ISAI 59:19

Abeipa cha Abeipa thlih ta tôh aw ta, Tisaih ru ngaitapa hawhta â vy awpa vâta, Abeipa moh cha notla lâ tawhta chi aw ei ta, A rônahna nochhi lâ tawhta ama chi aw.

ISAI 63:17

Hy Abeipa, khazia na lâpizy tawhta miah paviasa chi ta, Eima cha chi lei nawpa ta, Eima palôh kuh na pachhasa tly? Châ chakaotuhpazy vâna heta vaw kua heih la, Na ryuto na chiphozy vâna heta vaw kua heih mah y.

ISAI 8:8

Zudâh chhao tisaih ta tlô thlu aw ta, a rao taih tlai ta a vao aw,” a tah. Châhrasala Khazohpa eima hnohta y ta, Na râh doh nata hâ zydua A mathlaw ta a khu khai aw.

HÔSIA 13:3

Chavâta mydi ameih hawhta châ aw ei ta, My diati thlai ta a paipa hawhta ama châ aw. Sawhri tawhta sâh sihpa zie pathlahpa hawhta châ aw ei ta, Opy tawhta meikhuh a puapa hawhta ama châ aw.

AMÔSÂ 9:9

“Pachâ teh u, bie pie aw na ta, Sohhri ta sâh ripa hawhta, Izarei phopi he phopi zydua hry liata ei ri aw; Alô dikaripa chhao, Alei liata tla aw vei.

MATHAI 3:12

A ku liata a barah y ta, a sawhri sâh zie aw ta, a sâh pâh liata a ryh aw. Asihpa deikua cha, mei pachhai thei leipa liata a rao aw,” tah ta.

LUKA 22:31

“Saimaw, Saimaw, pachâ teh, Sâtâ ta sâh chanei ta a cha chanei thei nawpa ta, cha hnei awpa a khoh.

2 THYSALAWNIKA 2:11

Haipa bie ama zo thei nawpa ta, Khazohpa ta dôveina thatlô ngaitapa ama hnohta a vaw patlôsa.

2 THYSALAWNIKA 2:8

Cha khai tawhta, ryhpa paraotuhpa cha a vaw luah aw ta, Abeipa Zisu ta ano cha a pakah hu ta thie aw ta, â vyna khaihna ta a pahleipadia aw.

HEBRAI 4:12

Khazohpa bie cha hroh ta, hmo tao thei ta, zaozi hâh nopa hlâta tiah via ta, hrona nata thlahpa, ru nata lathli pachhaih theina taihta chhôpahlie thei ta, palôh pachâna nata achhuahnazy a pahno thei.

BIEPHUAH 1:16

A ku chachâh lâta awhsi miasari chaba ta, a pakah tawhta zaozi hâh nopa vaw pua ta, a hmia cha nohchhô locho no hawhta a khaih.

BIEPHUAH 2:16

Chavâta ro mah y. Chataleipatala nâ lâ a vy patoh aw na ta, ei pakah zaozi ta âmo cha ei vaw dyuh aw ei.