ISAI 30:27 - Mara Bible RV (BSI)

²⁷ Moh teh u, Abeipa moh cha lâhlapi tawhta â vy huh; A hiehâhna mei hawhta ia ta, Meikhuh chhakaluhpa liata a kiah; A hmaozy ruchhôna ta bie ta, A paleih chhao lyurâh a charôhpa meipaleih a lyu.

ISAI 30:27 ပူးပေါင်းရင်းမြစ်များ

HLAZY 79:5

Hy Abeipa, khati taih ma a châ aw tly? Chhâzaw ta ma na hie a hâh thlâh ha aw? Na hiatliana cha mei hawhta ma a kâ aw?

ISAI 10:5

Asuria cha a hu a po na! Ano cha ei pathiiana sômasi châ ta, A ku liata ei hiehâhna chôchahrei a y.

ISAI 13:5

Abeipa nata a hiehâhna chariah chhaichhizy châ ei ta, Babylaw râh pôhpalôhpa parao awpa ta, Râh hlapi tawhta a vy ei ta, Avâ chy chhânazy tawhta amâ vy.

ISAI 33:12

Chinaih lô raopa hawhta, Phopizy cha mei ta raopa châ aw ei ta; Ahlohzy chhawh ta mei ta raopa hawhta, Âmo chhao taopa ama châ aw.

ISAI 33:14

Zaio liata moleipazy cha chipa ta y ei ta, Khazohpa a pachâ leipazy amâ chalyu; “Eima hry liata ahy ma Mei kâ haipa hnohta a pahrâ thei aw? Eima hry liata ahy ma Tlyzaw ta a kâpa hnohta a pahrâ thei aw?” ama tah.

ISAI 34:9

Edômâ chavah tizy cha chathli lâta paliepa châ aw ta, A dohlei kaih lâta paliepa a châ aw; A râh chhao chathli kâ ngâpa lâta â lie aw.

ISAI 43:2

Tizy na chaka nota, Na hnohta y awh na ta; Chavahzy na chaka nota, Cha vao aw veih ei. Mei hry liata na sie nota, Cha kâ leipa aw ta, Meipaleih ta cha palâ aw vei.

ISAI 59:19

Abeipa cha Abeipa thlih ta tôh aw ta, Tisaih ru ngaitapa hawhta â vy awpa vâta, Abeipa moh cha notla lâ tawhta chi aw ei ta, A rônahna nochhi lâ tawhta ama chi aw.

ISAI 66:14

Cha cha hmô aw ei chi ta, Nama palôh a ly aw ta, Nama ruzy sibie hrohpa hawhta a laiseih aw. Chatanachata Abeipa ku cha, A chakaotuhpazy ta pahno aw ei ta, A chariahpazy chô liata a ruchhôna a palâsa aw.

ISAI 66:15

“Moh teh u, a pathiiana lei thlupa ta, Meipaleih ta chhorei awpa ta, Abeipa cha mei chhaota vaw tlô aw ta, A talailihzy cha khisô hawhta a châ aw.

ISAI 9:5

Tlypâna pheiky nata thisaih a hlaopa chysia zydua cha, Mei liata phôh ta pakâ khaipa a châ aw.

ZEREMIAH 4:4

Hy Zudâh râhsawzy nata Zerusale khihsawzy saih u, Abeipa lâta nama chopaw tai u la, Nama palôh chopawzy tai teh u; Chataleipatala moleina hmo nama taopazy vâta, Ei hiehâhna mei hawhta pua aw ta, Ahy hmahta pachhai thei leipa ta a kâ pathlei aw na.”

EZEKIA 22:31

Chavâta ei ruchhôna ama chô liata lei thlu ei na ta, ei hiehâhna mei ta âmo cha pakâpa ta, ama hrozie hawh tlai ta ama luh chô liata ei lie thlu ha ei,” Abeipa Zehôvâh ta a tah.

DÂNIAH 7:10

Mei chavah vaw loh ta, A hmiakô tawhta a vaw pua; A sâh a sâh ta ano cha chakao ei ta, A thy a thy ta a hmiakô liata amâ duah; Pachiana y ta, Châbuzy pahypa a châ.

DÂNIAH 7:9

“Ei moh thlâh ha nota, Beidyuchhaizy vaw patyu ei ta, Hlôthlâhpa cha a dyuchhai liata a vaw tyuh ta; A chysia dâhaw hawhta ngyuh ta, A luh sâ chhao sahmi naipa hawhta a châ. A beidyuchhai cha meipaleih châ ta, A tiakizy chhao mei kâ ngâpa a châ.

ZEPHANIA 3:8

Chavâta pachia awpa ta Ei duah nawpa noh vaw hâ teh u,” Abeipa ta a tah. “Phopizy pahmaoh aw na ta, Khinarâhzy ei awpakhy aw; Ei hiehâhna lei thlu aw ei na ta, Ei pathi sah ngaitapa ei lei thlu aw ei; Biechhâna ei tao haw. Ei hiatliana mei ta Khizaw zydua a kâ khai aw.”

MALAKHAI 1:11

“Noh chhina tawhta noh tlana taihta phopizy hry liata ei moh palyupalihpa ta y aw ta, su to liata ropahâhpa nata hmohlâpa pathaihpazy ei moh ta ama hlâ tyh aw. Phopizy hry liata ei moh palyupalihpa ta a y aw,” Pheisaihzy Abeipa ta a tah.

RYHPACHANEINA 32:22

Ei hiehâhna ta mei papua ta, Athihkhih a thu chaipazy lâ taih kâ laih ta, Alei nata a kôveizy kâ khai ta, Tlâhpizy abôna chhao a kâ khai haw.

RYHPACHANEINA 33:2

Hetana heta byhnâ a awpa ei: “Sinai tawhta Abeipa a vy ta, Seirâ tawhta noh hawhta vaw chhipa ta, Pârâ Tlâh tawhta a vaw khaih; Mopathaihpa thysâh hry tawhta a vy ta, A ku chachâh lâta mei paleih â chaba.

RYHPACHANEINA 4:24

Abeipa nama Khazohpa cha a kâ patlô theipa mei châ ta, hiatlia a pasapa Khazohpa châ tlôh ta.

2 THYSALAWNIKA 2:8

Cha khai tawhta, ryhpa paraotuhpa cha a vaw luah aw ta, Abeipa Zisu ta ano cha a pakah hu ta thie aw ta, â vyna khaihna ta a pahleipadia aw.

HEBRAI 12:29

eima Khazohpa he a kâ patlô theipa mei châ tlôh ta.