ISAI 30:26 - Mara Bible RV (BSI)

²⁶ Cha dei châ vei, Abeipa ta a phopi hmahphaopa chahry ta, âmo a tuna hmah a patlâh noh liata, thlâpâ cha noh tlu ta khaih aw ta, noh chhao a lie sari ta khaih aw ta, noh sari chhôh a khaihpa zie a khaih aw.

ISAI 30:26 ပူးပေါင်းရင်းမြစ်များ

ZAWBÂ 5:18

Ano cha hmah paphao ta, Chahrypa heih tyh ta; Pasasa ta, A ku ta a patlâh heih tyh.

ISAI 11:9

Ei tlâh pathaihpa liata cha, Apasasana rai y khao leipa aw ta, Aparaona chhao y khao aw vei. Tilaipi cha tizy ta a biepa hawhta, Leilô he Abeipa pahnona ta a bie khai aw.

ISAI 19:22

Abeipa ta Izi cha tu aw ta, tupa ta patlâh aw ta, Abeipa lâ kua aw ei ta, zawngiah awpa ta amâ hawpazy cha Abeipa ta nathlie aw ta, a patlâh aw ei.

ISAI 24:23

Pheisaihzy Abeipa ta Zaio Tlâh nata Zerusale liata ryureih ta, A machâzy hmiakô liata A rônahna chaluahpa a châ tita; Thlâpâ khi hmiachhiepa ta y aw ta, Noh chhao nohzaopa ta a y aw.

ISAI 30:13

Cha moleina cha, Nama châta thokhy a sâhpa liata a pyupa hawhta châ aw ta, A kei laih lymâpa hawhta a châ aw; Eikhapi ta pao ta, Movi hlâta a pao hapa hawhta a châ aw.

ISAI 30:14

Alei beih a dizao khai hana taihta taichheih ei ta, A keina hry liata chakoh mei la nawpa Beihkaopa dâhdei y khao leipa ta, Tikhaoh ti thai nawpa chhao a y khao leipa hawhta, Moleina liata a paopazy cha ama châ aw.”

ISAI 33:24

Khihsaw ahy hmahta, “Tlâh va na,” tah khao leipa aw ei ta; Cha liata a pahrâpa phopi cha, Ama moleina a ngiahthaipa a châ aw.

ISAI 57:18

A hroziezy hmô na ta, Châhrasala ei patlâh pyly aw. Ano cha a chhi aw na ta, Thlalôhna ei pie heih aw; Ano châta mâchhie a sapazy chhao, Thlalôhna ei pie heih aw.

ISAI 58:8

“Chatanachata na khaihna cha, My khihdei hawhta khaih aw ta; Na hnatlâna a pha patoh aw. Na siana ta hmia châ sahpa aw ta, Abeipa rônahna ta na hnôh lâ a cha vaih aw.

ISAI 61:1

Dyhchhiepazy hnohta thâtihpha chho awpa ta, Abeipa ta sathaw eina thupa vâta, Abeipa Zehôvâh Thlahpa cha ei chô liata a y. Palôh keichheihpazy patlâh awpa ta na tuah ta, Seizy hnohta puana bie phuah awpa ta eina tuah. Mochaopazy mopavâna bie phuah awpa ta na tuah ta, Atâhpazy puana bie phuah awpa ta eina tuah.

ZEREMIAH 30:17

‘Thy hapa’ cha tah ei ta, ‘He he ahy hmahta pachâ leipa Zaio a châ hih!’ Ama cha tahpa vâta, Tlâhna cha pie heih aw na ta, Na hmahzy ei patlâh aw,” Abeipa ta a tah.

CHAPHÔHTUNA 2:13

Hy Zerusale sawchanô y, Na châta khâpa bie reih aw na ta, khâpa nata ma ei cha pakhopâ aw? Hy Zaio sawchanô laihsa kôpa y, Thlah ei cha palôh thei nawpa ta khâpa ma ei cha palyusa aw? Na raona tilaipi hawhta kawh ta, Ahy châ patlâh thei aw?

HÔSIA 6:1

“A vy teh u, Abeipa lâ kua heih suh u; Miah hriechheih khai ha hra sala, Miah a patlâh heih aw; Miah tuchheih ha hra sala, Miah a chahrypa heih aw.

HÔSIA 6:2

Noh no khai tawhta miah pahrapa ta, Noh thôhna noh ta miah pathyu aw ta, A hmiakô liata eima hroh aw.

AMÔSÂ 9:11

“Cha noh liata, Dâvi byureih a pao hapa cha, Ei pathyu aw; Apyupazy pamai aw na ta, Araopazy ei padua aw; Hlâno tahpa hawhna khata, Ei paduapathi heih aw.

ZEKARIA 12:8

Cha noh liata, Abeipa ta Zerusale liata a pahrâpazy pabohsa aw ta, ama hry liata chyhsa chiehlei chaipazy chhao, cha noh liata cha Dâvi hawhta châ aw ei ta, Dâvi pathlazy cha Khazohpa hawhta châ aw ei ta, ama hmia lâta a siepa Abeipa vâlyuhchâpa hawhta ama châ aw.

ZEKARIA 14:7

Abeipa deita ta a pahnopa noh nano kawpa y aw ta, chhô y leipa aw ta, zâ chhao y aw vei. Zâlâ daihti liata deikua cha khaihpa a vaw y aw.

MALAKHAI 4:2

“Châhrasala nâmo, ei moh a chizapazy châta siana noh, a mathlaw liata tlâhna a ypa noh a vaw chhi aw. Pua aw ei chi ta, viahchaotaw a o tawhta pazopa hawhta châki nama zoh aw.

RYHPACHANEINA 32:39

“‘Tahmâ he pachâ teh u, Kei, kei deita he Ano cha châ na ta, Keima leipa ta Khazoh hropa rai y veih ei. Thie thei na ta, Ei pahro thei; Hmah paphao thei na ta, Ei patlâh thei; Ei ku tawhta a pachha theipa y veih ei.

BIEPHUAH 21:23

Khihpi pakhaihsa awpa ta noh a ngiah leipa ta, thlâpâ chhao a ngiah hra vei, Khazohpa rônahna ta pakhaihsa ta, Mietakutaw cha a meiôh a châ.

BIEPHUAH 22:5

Zâ y khao leipa aw ta, meiôh khaihpa nata noh khaihpa a ngiah khao aw veih ei. Abeipa Khazohpa cha ama khaihpa châ aw ta, chhâzaw nata tlyzaw ta ryu ama reih aw.