ISAI 30:22 - Mara Bible RV (BSI)

²² Chatawhcha tho khazoh nothlahpa nama khiepa, tâkâ ta nama pahupa nata thua khazoh nothlahpa nama leihpa, ngôh ta nama pahupa zy cha nama papuapalei aw. Hmo pathaih leipazy thy aw ei chi ta, ama hnohta, “Sie syulyu ha teh u!” nama tah aw.

ISAI 30:22 ပူးပေါင်းရင်းမြစ်များ

2 THÂTIHZYRONA 31:1

Cha zydua cha ama tao khai nahta, cha liata a ypa Izarei saw zydua ta Zudâh khihpizy lâ sie ei ta, lôbôzy nata Aseri tôhzy pakeichheih khai ei ta. Zudâh, Benzami, Epharai nata Manase râhzy liata su sâhpa zydua nata maisâh zydua pacho khai ei ta. Cha khai tawhta, Izarei saw zydua cha ama khihpi nata ama olyu chyu lâta a di ha ei ta.

ISAI 27:9

Chavâta he hmo he hmâpa ta, Zakaw thaileichâna cha chatlaipa châ aw ta, He he a moleina pasiena thei cha a châ aw: Chinaih lôzy pakeichheihpa hawhta, Nothlahpa khazoh maisâhzy liata alô zydua cha, Izarei ta a pakeichheih khai tita, Aseri tôhzy a duah khao leipa aw ta, Ropahâhpa maisâhzy a duah khao aw vei.

ISAI 31:7

Cha noh liata, chyhsa to ta ama tâkâ khazoh nothlahpazy nata ama ngôh khazoh nothlahpazy, moleina châta nâmo ku ta namâ tao chhyhpazy cha, ama thy ha aw.

ISAI 40:19

Khazoh nothlahpa nata ma nama pakho aw? Thua daihtuhpa ta khazoh nothlahpa daih ta, Ngôh daihtuhpa ta ngôh ta pahu ta, Tâkâ bâliazy ta a tobipa nata ma nama pakho aw?

ISAI 46:6

Sahria tawhta ngôh bôpa ta, Khopathliahna ta tâkâ pathliah ei ta, Ngôh daihtuhpa pahriahlaosapa ta, Ngôh nata tâkâ hmâpa ta khazoh pataosa ei ta, A bôh ei ta amâ chhy.

CHAPHÔHTUNA 1:17

Zaio cha a ku pazawh ta, Châhrasala thlah a palôh awpa y veih ei; Abeipa ta Zakaw kyh liata biepiepa papua ta, A vaihzy cha a khakhaipazy a pachâsa ha ei; Chatanachata Zerusale cha ama hry liata, Hmo puapa a vaw châ haw.

EZEKIA 14:6

“Chavâta Izarei pathlazy hnohta, ‘Abeipa Zehôvâh ta hetana heta a tah: Ro u la, nama khazoh nothlahpazy a heihsaipa ta vaw kua u la, nama pasichhihna zydua a heihsaipa ta vaw kua ha muh vy,’ tahpa ta chho teh u.

EZEKIA 18:6

tlâhpizy liata pati nie leipa ta, Izarei pathlazy khazoh nothlahpazy lâ a mo khaih leipa ta, a vaih lapinô papuapalei leipa ta, chanô a thaitlyh lei nota a hnia leipa sala,

EZEKIA 36:31

Nama hrozie moleipazy nata nama hmotao pha leipazy a kaw thei aw ei chi ta, nama paraona nata pasichhihnazy vâta nâmosasyh ta namâ pasi kaw aw.

EZEKIA 7:19

Ama tâkâzy khiliah liata thy aw ei ta, ama ngôhzy chhao, hmo pathaih leipa hawhta a châ aw. Ama tâkâ nata ngôhzy ta Abeipa hiehâhna noh liata âmo pachha thei aw vei. Ama nodi papai thei leipa aw ta, ama py pabie aw vei. Tâkâ nata ngôh cha, moleina liata ama pao nawpa lâta âmo â chhi tyhpa deita a châ.

EZEKIA 7:20

Tâkâ nata ngôh atobina a ngiapazy cha, apalaina châta hmâh ei ta, tâkâ nata ngôh hmâpa ta, ama nothlahpa pasichhihpazy nata ama hmo pasichhihpazy ama tao. Chavâta chazy cha âmo châta hmo pathaih leipa ta ei tao haw.

HÔSIA 14:8

“Hy Epharai, Nothlahpazy cha khâpa ma ei taona aw? Kei he châ chyh-eituhpa cha châ na ta, Châ mohôhtuhpa ei châ. Meisah tho hrohpa hawhta châ na ta, Keima tawhta na theizy na hmô.

THEIHTHAINA 13:52

Chysia tlyma, sahmi pala tlyma, pala rih dipa tlyma, thaitôh tlyma, thaipheih tlyma, savo ta taopa hmobaoh kheihawhpa tlyma, phawhpa hri ta a kiapa maih cha, mei ta rao awpa a châ. Phawhpa hri cha a kawh theipa chi a châpa vâta, mei ta rao thlyu awpa a châ.

ZEKARIA 13:2

“Pheisaihzy Abeipa ta hetana heta a tah: Cha noh liata khazoh nothlahpa mohzy cha râh tawhta phie aw na ta, a thei thlâh khao aw veih ei. Hrohsopazy nata thlahpa puapazy chhao râh tawhta ei papua khai ha aw ei.

MATHAI 4:10

Zisu ta a hnohta, “Sâtâ, a râ teh! ‘Abeipa na Khazohpa a chhy aw chi ta, Ano deita na chakao awpa a châ,’ Tahpa ta ropa châ tlôh ta,” tah ta.

RYHPACHANEINA 7:25

Ama khazoh nothlahpazy mei ta rao aw ei chi ta, cha liata a ypa tâkâ tlyma, ngôh tlyma, nama uahva awpa châ leipa ta, nama châta namâ la awpa châ hra vei. Chataleipatala khazoh nothlahpazy liata namâ ao pathlei aw, khazoh nothlahpa cha Abeipa nama Khazohpa châta pasichhihpa châ tlôh ta.

BIEPHUAH 19:20

Sahrâhpa cha patupa châ ta. Sahrâhpa ngiana a hneipa nata sahrâhpa nothlahpa a chhytuhpazy dôveina hmonoâhpa a mohmô liata a tao tyhpa hrohso pakheipa chhao, a hnohta patu pâpa châ ta, kaih ta a kâ ngâpa mei tipo liata ama pano ta ahrohpa ta thypa ama châ.