ISAI 30:18 - Mara Bible RV (BSI)

¹⁸ Chatahrasala Abeipa cha, Cha ngiachhie awpa ei ta cha hâ thlâh ha ei ta; Nama chô liata zawngiahna palâsa awpa ta, Anosasyh ta â cheihchalo aw. Abeipa cha adona Khazohpa châ ta, Ano a hâtuhpazy cha vânoh ama to aw.

ISAI 30:18 ပူးပေါင်းရင်းမြစ်များ

ZAWBÂ 35:14

Cha hawhta a châ nota, Khazohpa na hmô leipa hawhta reih chi ta, Bie pachia awpa cha a hmiakô liata y ta, Na hâ thlâh hapa hawhta na reipa chhochhi cha, A cha nathlie nâ pangiasa ma?

HLAZY 2:12

Sawchapawpa cha pahnâ teh u, Chataleipatala a hiehâh aw ta, Lâpi liata nama leidia pathlei aw na, A pathi thlai ia tyh tlôh ta. Abeipa a chhaipa zydua cha ama nohlao na.

HLAZY 27:14

Abeipa cha hâ la, Thatlôpa ta y mah y! Abeipa cha hâ la, Riahphapa ta y mah y!

HLAZY 34:8

Abeipa phazie he padi u la, moh tua rai u, Ano liata ngâna a pahniehpa chyhsa cha a nohlao na!

HLAZY 84:12

Hy Pheisaihzy Abeipa, Nâma châ ngâtuhpa cha a nohlao na!

HLAZY 99:4

Hy Bei thatlôpa, adona pasô chi ta, Thlua hlei hnei leina ryureina na padua haw; Adona ta ryureih chi ta, Siana ta Zakaw chô liata ryu na reih.

PUASAINA 34:6

Abeipa cha Mawsi hmiakô liata vaw sie ta, “Abeipa, Abeipa, zawngiahna nata ngiachhiena Khazohpa, hiehâh rupa, kyhpachâna nata ngâchhihna ta a biepa,

BIESOZY 16:20

Bie pakhâta ta a pachâpa cha hmo phapa hmôpapua aw ta, Abeipa a ngâpa cha byhnâ a to aw.

ISAI 18:4

Abeipa ta ei hnohta hetana heta a tah: “Noh sa nota noh lopa hawhta, Ei pahrâna su tawhta a chalihpa ta sai aw na ta, Sâh hria noh lo nota avâ meihdo hawhta, A chalihpa ta ei sai thlâh ha aw.”

ISAI 2:11

Chyhsa mo apasâhsana cha pahnaipa châ aw ta, Chyhsa apalaina chhao panawhpa châ aw ta, Cha noh liata cha Abeipa deita cheihchalopa a châ aw.

ISAI 2:17

Chyhsa apalaina cha panawhpa châ aw ta, Chyhsa apasâhsana chhao pahnaipa a châ aw; Cha noh liata cha Abeipa deita cheihchalopa châ aw ta,

ISAI 25:9

Cha noh liata hetana heta ama tah aw: “Moh teh u, he he eima Khazohpa cha châ ta, Miah pachha awpa ta eima hâpa Khazohpa cha a châ hih. He he Abeipa cha châ ta, Ano tlai he eima hâpa a châ hih. A pachhana liata a ly ei sih la, Thaphapa ta y ei suh u.”

ISAI 28:17

Adona cha thliena ri ta hmâh aw na ta, Siana cha thua bangiehpa padona ri ta ei hmâh aw. Pareih ta haipa bie achhaina cha phi pathlah aw ta, Tizy ta anyuna su a vao khai aw.”

ISAI 33:2

Hy Abeipa, eima cha hâ thlâh haw, Miah ngiachhie mah y. My tato ta eima bâh châ la, Nôpona daihti liata eima pachhana châ mah y.

ISAI 33:5

Vâ chô sâhpa liata a pahrâpa a châpa vâta, Abeipa cha cheihchalopa ta y ta, Zaio cha adona nata siana ta a pabie aw.

ISAI 40:31

Abeipa a hâtuhpazy deikua cha, Ama thatlôna pathieh aw ei ta, Pahmôhpi hawhta mathlaw ta amâ zaw aw; A râ aw ei ta, Ama tha chhâ leipa aw ta; Sie aw ei ta, Panao aw veih ei.

ISAI 42:14

Bohpi a vaw chalih ha na ta, A thlih thlâh hapa ta maoh ei oh lylia. Tahmâ deikua cha, Chanô sawzeihpa hawhta awh aw na ta, Huchahâpa nata huhiahpa ta ei y bâ aw.

ISAI 42:16

Mochaopazy cha, Ama pahno beih leipa lâthlôh liata a chhi aw ei na ta, Ama pahno beih leipa lâpi liata ei chhihtha aw ei. Ama hmiakô liata zohna cha khaihna ta tao aw na ta, Su byuhpazy ei paraih khai aw. Cha hmozy cha tao aw na ta, Âmo siesai aw veih ei na.

ISAI 48:9

Ei cha chhawh pathlah leina awpa ei ta, Ei moh vâta ei hiehâhna pahawhsa na ta, Keima reithaina vâta nama châta maoh ei oh.

ISAI 5:16

Pheisaih Abeipa deikua cha, A ryureina dopa vâta cheihchalopa ta y aw ta; Khazohpa Pathaihpa cha, A siana hmotaopazy liata a pathaihna pasiapa a châ aw.

ISAI 55:8

Ei pachâpazy cha, Nama pachâpazy châ leipa ta; Nama hroziezy chhao, Ei hroziezy châ vei,” Abeipa ta a tah.

ISAI 57:16

Chhâzaw ta a dyuh leipa aw ei na ta, Ei pathi khâ ia aw vei. Chataleipatala thlahpa cha, Ei hmiakô lia tlai ta panao aw ta; Keima tlai ta ei taopa hrona hu chhao, A panao pathlei aw na.

ISAI 61:8

Kei, Abeipa he adona pasô na ta, Hraona nata adoleina ei hao. Ama chô liata ei ngâchhihna palâsapa ta, Ama pasataona lymâ pie aw ei na ta, Ama hnohta chhâzaw biehrai ei tao aw.

ISAI 64:4

Nâ hawhpa Khazohpa thâtih he, Hlâno tawhta nah ta thei beih leipa ei ta; Ano a hâtuhpazy châta hmo a tao tyhpa chhao, Nâma leipa ta cha, Khazoh hropa mo ta hmô beih veih ei.

ISAI 8:17

Chavâta Zakaw pathlazy tawhta a hmia a nyu hapa Abeipa cha hâ aw na ta, ei mokhâh aw.

ZEREMIAH 17:7

“Abeipa a ngâchhâ ta, Abeipa liata a pahniehpa cha, A hu â hieh aw.

ZEREMIAH 42:7

Noh hrawh a châ tawhta Zeremiah hnohta Abeipa bie vaw tlô ta.

DÂNIAH 12:12

A hâ hualuapa nata noh 1,335 taih a tlôpa cha a nohlao na!

HÔSIA 1:7

Zudâh chhôhkha hnohta deikua cha ei kyhpachâna ei palâsa aw. Pahniena pie aw ei na ta, libaw ta tlyma, zaozi ta tlyma, adyuhna ta tlyma, arâ nata a kiahtuhpazy vâta tlyma pahniena châ leipa aw ta, Abeipa ama Khazohpa vâta pahniena a châ aw,” tah ta.

HÔSIA 2:14

“Chavâta, pachâ teh, ano cha sydiepa ta, Râhchawhpa lâ a chhi aw na ta, Ao naipa ta ei chho heih aw.

HÔSIA 5:15

Ama thaileichâna a pahnopa ta, Ei hmia ama tlua hlâlei cha, Ei pahrâna su lâ ei kua chy aw; Chtanachata ama riethei pasataona vâta, Eina tlua hmeiseih bâ aw ei.

MALAKHAI 2:17

Nama biezy ta Abeipa rie nama pathei kaw tyh. Châhrasala nâmo ta, “Kheihta ma Abeipa rie cha eima pathei,” nama tah. “Moleina hmo a taopa zydua Abeipa mohmô liata la pha khai ei ta, Abeipa ta â ly kaw ei na,” tah ei chi ta, “Adona Khazohpa cha khataih liata ma a y?” nama tahpazy liana heta Abeipa rie nama pathei haw.

LUKA 15:20

Chatanachata thyu ta, a paw lâ sie ta. Lâhlapi ta a y nota a paw ta vaw hmô ta, ngiachhie ngaita ta, a kei râ ta, a sawchapawpa cha a pyhpahly ta, a pahnâ ta.

LUKA 2:25

Cha daihti liata, chyhsa pakha, a moh Simeôna ama tahpa Zerusale liata y ta. Ano cha chyhsa siapa nata Khazohpa a chipa châ ta, Izarei thlapalôh nawpa daihti a hâpa, Thlahpa Pathaihpa a hneipa chyhsa a châ.

HMOTAOPAZY 5:31

Izarei parosa ta, moleinazy a ngiahthai awpa ta, Khazohpa ta ano cha a chachâh lâta patyusa ta, Hyutuhpa nata Pachhatuhpa ta y awpa ta a cheihchalo haw.

RAWMA 5:20

Moleina pôh nawpa ta ryhpa vaw y ta, châhrasala moleina a pôhna lia maihta ngiachhiena a pôh via rili.

RAWMA 9:22

Khazohpa ta a hiehâhna palâsa ta, a hmotaotheina pahnosa awpa khoh hra sala, hiehâhna beih a leidia tlâhpazy chô liata palôh pasi ngaitapa ta a dao lylia khiahta cha, khâpa a pei aw?

EPHESI 1:6

A ngiachhiena rônahzie reithai awpa ta, saw châna cha a Kyhpachâpa liata a saipa ta miah a pie.

EPHESI 1:8

Cha ngiachhiena vâna chata sona nata novâhna to ta miah a vaohei.

RYHPACHANEINA 32:4

“Lôpanô cha a hmotaopazy siapaki ta, A lâpi zydua â do. Ano cha Khazohpa ngâchhihpa châ ta, Paraona hnei leipa ta, Asiapa nata adopa a châ.

ZÂMIE 5:11

Pachâ teh u, pasataotuhpazy cha nohlaopa tah pi ta, Zawbâ palôh pasizie kha thei ei chi ta, Abeipa hmochhuahpa chhao hmô ei chi ta, Abeipa cha ngiachhietuhpa nata zawngiahtuhpa a châpa nama hmô haw.

2 PITY 3:15

Eima unawh kho ngaitapa Pawla chhao ta, a hnohta sona piepa lymâ hawhta nâmo lâ châ a ropa hawhna khata, eima Beipa daotheizie he pachhana ta rao teh u.

2 PITY 3:9

Thokha ta Abeipa cha a bietai patlôna kyh liata nainôsôpa hawhta pachâ ei ta, châhrasala a nainôsô vei. Abeipa cha nâmo châta palôh pasi ngaitapa châ ta, ahy hmah ama leidia awpa khoh leipa ta, chyhsa zydua ama ro khai awpa tlao a khoh.

1 SAMUELA 2:3

“A palai ngaitapa ta bie reih khao leipa u la, Nama pakah tawhta sâlâna bie pua khao khah sy; Abeipa cha pahnona Khazohpa châ ta, Chyhsa hmotaopazy kho a pathliahtuhpa a châ.