ISAI 30:13 - Mara Bible RV (BSI)

¹³ Cha moleina cha, Nama châta thokhy a sâhpa liata a pyupa hawhta châ aw ta, A kei laih lymâpa hawhta a châ aw; Eikhapi ta pao ta, Movi hlâta a pao hapa hawhta a châ aw.

ISAI 30:13 ပူးပေါင်းရင်းမြစ်များ

1 ABEIZY 20:30

Ahrohpazy cha Aphe khih chhôh lâ a râ ei ta, amâ râsaipa pheisaih 27,000 cha thokhy ta cho thlu ha ei ta. Benhadâ chhao a râ ta, khihpi chhôh liata chhôhpadâhpa chhôh chaipa liata a ngia ta.

ZAWBÂ 36:18

Hneirôna ta châ reipasaopa chô liata na hiehâh sala, Panaopapana hluhpi vâta lâpi tlei khah y.

HLAZY 62:3

Thokhy a sia haipa nata diahpai a pao haipa hawhpa chyhsa tlai he, Khati taih ma tei aw ei chi ta, Nama zydua ta namâ dyuh aw?

HLAZY 62:4

A duahmo sâhpa tawhta chati pathlah awpa ta tei ei ta, Haipa bie reipa liata amâ ly kaw tyh. Ama pakah ta byhnâ aw ei ta, Ama palôh ta chhie ama sa tyh. Selah

BIESOZY 29:1

Khâ chhoreipa chhao ta a kuh a chhapa cha, Eikhapi ta thliepa châ aw ta, Tlâh thei khao aw vei.

BIESOZY 6:15

Chavâta chhiena ta eikhapi ta vaw tlô thlupa ta, Sôkha ta paraopa châ aw ta, Taopathi heih theipa châ khao aw vei.

ISAI 22:14

Pheisaihzy Abeipa ta ei nakhaoh liata a vaw phualuah ta, “Nama thi hlâlei cha, He moleina he chatlaipa châ aw vei,” Pheisaihzy Abeipa Zehôvâh ta a tah.

ISAI 26:21

Moh teh u, lei chyhsazy ama paraona vâta hrie awpa ta, Abeipa cha a yna tawhta vaw pua aw ta, Alei ta a chô liata thisaih palopazy palâhâh aw ta, Ano liata ama thiepazy nyu khao aw vei.

ISAI 29:5

Châhrasala chihropa na chariahpa hluhpizy cha, Dohlei dipa hawhta châ aw ei ta; Nôchhiepa manôh hluhpizy chhao, Saviah a zawpa hawhta ama châ aw. Movi hlâta, eikhapi ta,

ISAI 30:26

Cha dei châ vei, Abeipa ta a phopi hmahphaopa chahry ta, âmo a tuna hmah a patlâh noh liata, thlâpâ cha noh tlu ta khaih aw ta, noh chhao a lie sari ta khaih aw ta, noh sari chhôh a khaihpa zie a khaih aw.

ISAI 47:11

Châhrasala na chô liata hmo pha leipa vaw tlô aw ta, Pachaona hmâpa ta papai nawpazie pahno aw va chi; Chhiena cha tla thlu aw ta, A chatlai thei aw va chi; Eikhapi ta raona cha vaw tlô thlu aw ta, Pahno chhielie aw va chi.

ISAI 48:3

“Hmo parohpazy kha, Hlâno tawhta reih ha ei na ta; Ei pakah tawhta a puapa, Ei phuah hapazy ama châ. Thlai ta tao ei na ta, Ama vaw tlô pâ lymâ.

ISAI 58:12

Bohpi a ry hapa na khihpizy cha, Paduapathipa châ aw ta; Chhâ hluhpi ta ama bôpa lôbô a cho hapazy chhao, Na padua heih aw. Araopa a taopathituhpa cha tah aw ei ta, Pahrâna lâlaizy a paduapathituhpa ama cha tah aw.”

ISAI 65:7

Nama paraonazy viari cha thô aw ei na ta, Châ pathlatuhpazy paraona viari chhao ei cha thô aw ei,” Abeipa ta a tah. “Tlâhpizy liata ropahâhpazy rao ei ta, Tlâhthlôhzy liata eina reipachhiepa vâ ei ta, Ama hmotao parohpazy kha, Ama kalachhôh liata ei panuapa aw ei,” Abeipa ta a tah.

MATHAI 7:27

Avâ vaw suah ta, ti vaw lai ta, thlih ta o cha vaw su ta, o cha a cho haw. O chopa cha a rarôh y ngaita,” tah ta.

LUKA 6:49

Thei tlôh ta a tao leipa deikua cha, abôna a i leipa alei chô liata o a sapa chyhsa hawhta a châ. Tily chahrapa ta o cha su ta, thlai a cho haw. Cha o raopa cha a rarôh y ngaita,” tah ta.