ISAI 3:9 - Mara Bible RV (BSI)

⁹ Ama hmia phao ta ama châna palâsa ta, Ama moleina Sawdawmâ hawhta ama phuah; Nyu veih ei. Ama hu a po na! Âmosasyh ta raona amâ taopa a châ.

ISAI 3:9 ပူးပေါင်းရင်းမြစ်များ

ÂTHAONA 13:13

Sawdawmâ chyhsazy cha molei ngaita ei ta, Abeipa chô liata hmo thata parao ei ta.

ÂTHAONA 19:34

A mylâ ta a uhtheinô ta a nawhtanô hnohta, “Zâhnia zâ kha ei paw hnohta kei a zia na ta, tazâ chhao kresawhti padosa heih sih la, nâ a ngia la, a hnohta a zia hra mah y. Chatanachata eima paw tawhta chipathla eima pazao thei aw,” tah ta.

ÂTHAONA 4:5

Kainâ nata a hmohlâpa liata deikua cha a ly leipa ta. Chavâta Kainâ cha a pathi ia ngaita ta, a hmia chhie kaw ta.

2 ABEIZY 9:30

Zehu cha Zezari khih kei tlô ta, cha thâtih cha Zezebel ta thei ta. A mo kiahzy rôh hnia ta, a luh a tobi ta, opy tawhta vaw moh ta.

HLAZY 10:4

Hmoparaopa apalaina hmia a phaohpa cha, Khazohpa tlua leipa ta, A pachâna zydua liata, “Khazohpa y vei,” a tah tyh.

BIESOZY 15:32

Pachuna a uasa leipa cha a hro khâpasaw ta a reih leipa châ ta, Chhoreina a nathliepa deikua cha novâhna a to aw.

BIESOZY 30:13

Ama mo a sâh kawpazy chhao y ei ta, Ama mo vozy â sâh lâ sai ta a sai tyh.

BIESOZY 8:36

Nâ hmô leipa deikua cha anosasyh ta hmah a paphao ta, Nâ haopa zydua chhao thina kyh a pachâpa ama châ.”

ISAI 1:10

“Nâmo, Sawdawmâ ryureituhpazy saih u, Abeipa bie thei u la, Nâmo, Kawmawrâ mo saih u, Eima Khazohpa pachuna bie lâ nama nah pachôh teh u!

ISAI 3:16

Abeipa ta hetana heta a tah: “Zaio sawchanôzy cha a khotlâh kawpa ta, Ama rao pachhuapa ta a hlaihlâ ei ta, Ama mozy ta sydie ei ta, Ama chao chamieh chamâpa ta, Ama phei lâkyuzy ama parosa laihpa vâta,

ISAI 57:20

Moleipazy deikua cha, Tilaipi a chatlaopa hawhta châ ei ta, A chalih beih veih ei; Ama tizy ta apuapa papua ei ta, Chiatlao zy ama papua tyh.

ISAI 59:12

Eima paraonazy na hmiakô liata pôh via rili ta, Eima moleinazy ta miah ama leih tyh. Eima paraonazy eima hnohta khâ y ei ta, Eima moleinazy eima pahno.

ZEREMIAH 2:19

Na moleina ta pasa cha pataosa aw ta, Na paosaina ta a cha hrie aw. Abeipa na Khazohpa he na siesai chi ta, Keima china nâ liata a y leipa he, Hmo pha leipa nata hiehâhchhihpa a châ tahpa Pahno la hmô pasia mah y,” Pheisaihzy Abeipa Zehôvâh ta a tah.

ZEREMIAH 3:3

Chavâta vâsua pakhâpa châ ta, Châhvâ avâ suah khao vei. Chatanachôta âzuahnô hmia phaoh chy chi ta, Nozana châh chhao pahno va chi.

ZEREMIAH 6:15

Hmo pasichhihpa ama tao no khata, Nozana châh zy ama pahno tlyma i? Khâpa nozana châh cha ma ama pahno bao aw! Ama noza tiarâh leipa ta, Hmiachhie nawpa châh chhao pahno veih ei. Chavâta a paopazy hry liata pao hra aw ei ta, Âmo ei hriena daihti liata thy pathlahpa ama châ aw,” Abeipa ta a tah.

ZEREMIAH 8:12

Hmo pasichhihpa ama tao no khata, Nozana châh zy ama pahno tlyma i? Khâpa nozana châh cha ma ama pahno bao aw! Ama noza tiarâh leipa ta, Hmiachhie nawpa châh chhao pahno veih ei. Chavâta a paopazy hry liata pao hra aw ei ta, Âmo ei hriena daihti liata, Thy pathlahpa ama châ aw,” Abeipa ta a tah.

CHAPHÔHTUNA 5:16

Eima luh tawhta lakho tla ha ta, Molei ha pi ta, eima hu a po kaw dia!

EZEKIA 16:30

“Na palôh a pualei rimâ cha! Chanô chhorupa âzuahnô hmotaopa hawhpa zydua na vaw tao thlâh ha hra! Abeipa Zehôvâh ta a tah.

EZEKIA 16:49

“Pachâ teh, na narônô Sawdawmâ paraona cha he he a châ: Ano nata a sawchanôzy amâ palai ngaita. A laikhôna taihta niedo hnei ei ta, phasapa ta ama y. Châhrasala dyhchhiepa nata phahlapazy bao veih ei.

EZEKIA 23:16

Âmo cha a hmô nahta, ama chô liata aohraohpa ta âmo cha tlaichhai kaw ta, Kaldia liata a ypa âmo hnohta lyuhchâpazy tuah ta.

DÂNIAH 7:20

A luh liata ki miahrawhpazy kyh nata, ki hropa kaw thao ta, a hmiakô liata ki thôhpazy ama tlo hapa kyh zy, mo a hneipa ki nata a palaina bie a reihpa pakah kyh nata ki hropazy hlâta lai viapa ta â lâpa ki kyh chhao kha pahno khoh kaw na ta.

HÔSIA 13:9

Hy Izarei, nâ dyuh chi ta, Châ baotuhpa nâ dyuhpa vâta, Pahleipadiapa na châ.

HÔSIA 5:5

 palaina ta Izarei cha hmiadaisâ ta padei ta, A thaileichâna liata Izarei nata Epharai ama pao; Zudâh chhao ama hnohta a pao hra.

RAWMA 6:23

Moleina hlao cha thina châ tlôh ta, Khazohpa hmosaipiepa deikua cha, eima Beipa Krista Zisu zawhzi ta chhâzaw hrona a châ.

BIEPHUAH 11:8

Ama rizy cha khihpi rônahpa khiliah liata â zawh aw. Cha khihpi rônahpa cha thlahpa kyh lâta Sawdawmâ nata Izi moh bipa châ ta, ama Beipa ama khaipâna su kha a châ.

1 SAMUELA 15:32

Samuela ta, “Amale bei Akâ kha kei lâ a vaw chhi teh u,” tah ta. Akâ cha ano lâta thathyu kawpa ta vawh ta. “Thina chichhihpa ei khôkhâh ha thlyu aw hih,” tahpa ta pachâ ta.