ISAI 3:8 - Mara Bible RV (BSI)

⁸ Ama bie nata ama hmotaopazy ta Abeipa chakhia ta, A rônahna hmia chhao thlah ama sa leipa vâta, Zerusale cha a chapia ta, Zudâh a pao haw.

ISAI 3:8 ပူးပေါင်းရင်းမြစ်များ

2 THÂTIHZYRONA 28:18

Philistinâ mo chhao ta Sephelâ nata Zudâh Neke râhzy vaw chho ei ta, Beseme, Aizalô, Kederaw, Sôkô nata a khichapeihzy, Timnah nata a khichapeihzy, Kimzô nata a khichapeihzy la ei ta, cha suzy liata ama pahrâ haw.

2 THÂTIHZYRONA 33:11

Chavâta Abeipa ta Asuria pheisaih hyutuhpazy vaw tuah ta, Manase cha patu ei ta, a hnari daohpa ta dawh bâlia ta buh ei ta, Babylaw lâ ama siekhei haw.

BIESOZY 26:27

Khaohtlô a chaopa cha a chhôh liata tla aw ta, Alô a pahluahpa chhao ano â vaw hlua thlu heih aw.

ISAI 1:7

Nama râh roryhrapa ta y ta, Nama khihpizy mei ta kâ ta; Nama mohmô lia tlai ta, Chihropazy ta nama râh ama palâ khai haw. Chihropazy ta râh parao khai ha ei ta, Roryhrapa ta a y.

ISAI 49:19

“Khih rypa nata roryhrapa ta cha tao ei ta, Râh raopa ta cha tao ha hra ei sala, Tahmâ cha na khihsawzy châta Na buah tuna lâ châ aw ta, Châ palâtuhpazy kha, Lâhlapi lâta ama y khai aw.

ISAI 57:4

Ahy ma saisona ta nama hmâ tly? Ahy ma nama pakah pakawh thlu ei chi ta, Nama paleih nama pachhao chie tly? Nâmo palie kha moleina sawzy châ ei chi ta, Dôveina chipathlazy tlao châ veih ei chi ma?

ISAI 59:3

Thisaih ta nama ku papuapalei ta, Paraona ta nama kuparozy a papuapalei; Nama hmaozy ta haipa biezy reih ta, Nama paleih ta moleina bie a papua tyh.

ISAI 6:11

Chatawhcha kei ta, “Hy ei Zibeipa, khati taih ma a châ aw?” tah na ta. Abeipa ta hetana heta einâ chhy: “Khihpizy rao khaipa ta, Khihsawzy y khao leipa ta a y hlâlei; Ozy rua khaipa ta, Râh roryhrapa ta a y hlâlei;

ISAI 9:17

Chavâta Abeipa cha ama satliazy chô liata a ly leipa aw ta, Ama harapazy nata nôhmeizy chhao ngiachhie hra aw vei. Chyhsa to Khazohpa a pachâ leipa nata moleipa sai châ ei ta, Pakah to hruna bie a reihpa sai ama châ. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ZEREMIAH 23:36

Chyhsa to châta âmo bie cha âmo phaohri châ ta, Khazohpa hrohpa, Pheisaihzy Abeipa eima Khazohpa biezy anoleipa lâta nama hmâpa vâta, ‘Abeipa phaohri,’ tahpa deikua reih khao aw veih ei chi.

ZEREMIAH 26:18

“Môrese chyhsa Mikâ ta Zudâh bei Hezekia â beina daihti liata hrohsona bie phuah ta, Zudâh zawpi zydua hnohta, ‘Pheisaihzy Abeipa ta hetana heta a tah, “‘Zaio cha leipalie hawhta paliepa châ aw ta, Zerusale cha raona a pachona su a châ aw; Achhyna o tlâh chhao, Râhmâhpa tlâh lâta â lie aw,’” tah ta.

ZEREMIAH 26:6

he o he Silô hawhta tao aw na ta, he khihpi he alei chô liata phopi zydua châta chhiesana ta ei tao aw.’”

ZEREMIAH 4:13

“Moh tua, meihdozy hawhta â khy huh; A talailihzy khisô lyu ta, A arâzy pahmôhpi hlâta ama chatlie via. Paraopa ta eima y ha hih, Eima hu a po kaw dia!

ZEREMIAH 44:3

Âmo chhao, nâmo chhao, châ pathlatuhpazy chhao ta nama pahno beih leipa khazohzy lâta ropahâhpazy rao ei ta, ama chakaopa vâta, chhiena cha ama chô liata ei patlôsapa a châ.

CHAPHÔHTUNA 1:9

A hnorâh liata a pathaih leina a bai ta, A hmialâ daihti awpa pachâ vei; Chavâta pao chhie ta pao ta, Thlapalôhtuhpa hnei khao vei. “Hy Abeipa, ei pasataona he moh tua, Chariahpa ta pahniena a to ha hih!”

EZEKIA 8:12

Chatawhcha ei hnohta, “Chyhsa sawchapawpa y, Izarei pathla machâzy ama khazoh nothlahpa chhôhpadâhpa chyu liata y ei ta, zohna liata hmo ama taopazy kha na hmô ma? ‘Abeipa ta miah hmô bao vei, Abeipa ta râh he a siesai ha bao na,’ ama tah khaw,” tah ta.

EZEKIA 9:9

Abeipa ta ei hnohta, “Izarei nata Zudâh pathlazy moleina rarôh a y tu haw. Râh cha thisai ta bie ta, khihpi chhao avyuhna ta a bie. ‘Abeipa ta râh siesai ha ta, Abeipa ta hmô vei,’ ama tah.

HÔSIA 5:5

 palaina ta Izarei cha hmiadaisâ ta padei ta, A thaileichâna liata Izarei nata Epharai ama pao; Zudâh chhao ama hnohta a pao hra.

HÔSIA 7:16

Kua ei ta, Châhrasala chô lâ kua veih ei, Dôvei thaipa libaw hawhta ama châ; Ama paleih a khotlâh tuna vâta, Ama beimachâzy zaozi ta ama thi aw. Cha cha Izi râh liata Pahneisaopa ta ama y nawpa a châ.

MIKÂ 3:12

Chavâta nâma vâta, Zaio cha leipalie hawhta paliepa châ aw ta; Zerusale cha raona a pachona su a châ aw; Achhyna o tlâh chhao, Râhmâhpa tlâh lâta â lie aw.

MIKÂ 6:12

Khihpi liata hneirôhpazy cha, Thachahra hmâna ta ama bie; A khihsawzy ta haipa biezy reih ei ta, Ama paleih ta ama pakah chhôh liata Dôveina bie a reih tyh.

HABAKU 1:13

Na mo cha moleina mo nawpa ta pathaih tu ha ta, Paraonazy moh thei vei. Chyhsa ta piehpie kawpa ta hmo a tao nota, Khazia na y molo thlâh haw? Moleipa ta ano hlâta chyhsa sia viapa a palâ nota, Khazia nâ chalih thlah haw?

1 KAWRINI 10:22

Abeipa cha a hia patliasapa ta, a hie pahâh eimâ chhuah mâ? Ano hlâta eima tha a tlô via mâ?

ZUDÂH 1:15

Chyhsa zydua pachia aw ta, Khazohpa a uasa leipazy cha, Khazohpa kho leipa hmo ama taopa zydua vâta thailei a pachâsa aw ei. Khazohpa uasa leipa ta, Khazohpa chô liata bie pachyupa a reihpazy chhao thailei a pachâsa aw ei,” tahpa ta a vaw chhochhielie.