ISAI 3:3 - Mara Bible RV (BSI)

³ Pheisaih sypangawh hyutuhpazy nata chyhsa molaipazy, Ryhraotuhpazy nata moliethaipazy la ta, Peihthaipazy a la khai ha ei.

ISAI 3:3 ပူးပေါင်းရင်းမြစ်များ

ZAWBÂ 22:8

Chyhsa thatlôpa ta râh hnei ta, Khokheipa chyhsa ta cha liata a pahrâ.

PUASAINA 18:21

Cha thota, chyhsa hmâ tlâhpa, Khazohpa a chipa, ngâchhihpa nata avyuhna a haopa chyhsazy zawpi hry tawhta a tlyh aw chi ta, âmo cha sâh kha chô liata hyutuhpa ta zy, za kha chô liata hyutuhpa ta zy, sypangawh chô liata hyutuhpa ta zy, pahrawh chô liata hyutuhpazy ta na rao aw ei.

PUASAINA 4:10

Châhrasala Mawsi ta Abeipa hnohta, “Hy ei Beipa, kei la pakah paleih thaipa châ leipa na ta, khahlâ tawhta nata châ chakaotuhpa hnohta bie na reih tawhna chhao heta, kahchôleiâpa nata reikah sôpa châ tlôh na ta,” tah ta.

ISAI 3:2

Pasaiphazy nata pheisaihzy, Ryureituhpazy nata hrohsopazy, Pachaothaipazy nata machâzy,

ISAI 3:4

Thyudyupazy cha ama beimachâzy ta tao aw na ta, Hawtizy ta ama chô liata ryu ama reih aw.

ISAI 5:13

Chavâta ei phopi cha pahnona amâ phahlapa vâta sei ta a chhipa ta y ei ta, Ama chyhsa zachhihpazy nodipa ta thi ei ta, Ama zawpizy dâhphipa ta ama thi.

ISAI 9:15

Luh cha machâ nata zachhihpa chyhsa châ ta, Chaolahmei cha haipa biezy a pachu tyhpa hrohsopa a châ.

RYHPACHANEINA 1:15

Chatanachata nama chi to tawhta chyhsa sopa nata novâhna ta a biepa hyutuhpazy a chhi ei na ta, nama chô liata hyutuhpazy ta ei tao ei. A sâh chô liata hyutuhpazy, a za chô liata hyutuhpazy, sypangawh chô liata hyutuhpazy, pahrawh chô liata hyutuhpazy nata nama chi chhituhpazy ta ei tao ei.

RYUREITUHPAZY 8:18

Chatawhcha Zebâ nata Zalmunâ hnohta, “Tabaw liata chyhsa nama thiepazy kha kheihawhpa chyhsazy ma ama châ?” tah ta. Âmo ta, “Nâma hawhpa he ama châ, abei saw lyuna ama hnei chyu,” tah ei ta.

1 SAMUELA 8:12

Âmo cha a pheisaih sâh kha hyutuhpa nata sypangawh hyutuhpazy ta rao aw ta, thokhazy cha ano châta lei palietuhpa châta zy, a sâh hriatuhpa châta zy, a chariah chhaichhi taotuhpa châta nata a talailih chhaichhi taotuhpa châta zy a rao aw ei.