ISAI 3:24 - Mara Bible RV (BSI)

²⁴ Ropahâhpa vyuhpa ta hmo thupa vaw y aw ta, Chaisaihna vyuhpa ta chaori a y aw. Sâ mihpa vyuhpa ta luh pôlôna y aw ta, Poh ngiapa vyuhpa ta latho hnorâh y aw ta, Chhithaina vyuhpa ta nozana a y aw.

ISAI 3:24 ပူးပေါင်းရင်းမြစ်များ

ESTHERI 2:12

Chanôzy tao awpa ryhpa ry liata thla hrawh hleino ama y khai tawhta, laihsazy cha Bei Ahasuarâ lâ amâ ngiana daihti vaw tlô ta. Chanôzy châta chhithaina mohôhna daihti cha thla hrawh hleino châ ta, thla charu chhôh myrâ thaw ta mohôhpa châ ei ta, thla charu chhôh ropahâhpa nata sathaw ta mohôhpa ama châ.

ZAWBÂ 16:15

Ei vo chô liata latho poh bieh na ta, Dohlei liata ei tha ei soh.

BIESOZY 31:24

Pala rih dipa chysiazy taopa ta zuah ta, Chaisaihzy sôhdaohpa lâ a paphao tyh.

BIESOZY 7:17

Deiryh ropahâhpa ta ei rakhô roh pahâhsa na ta, Lilipaw nata lôiasoh ropahâhpazy ei hry haw.

ISAI 15:2

Dibô cha achhyna o lâ pangaipa ta, Cha awpa ta a su sâhpazy lâ khy ta; Môabâ ta Nebô nata Medebâ khihpizy a chakhei ei. Luh zydua pôlô khai ha ta, Kâhhmi zydua a tlyh khai haw.

ISAI 15:3

Lâlaizy liata latho poh a bupa ta, Vâphuh nata tlyliahzy liata, Chyhsa to sâh ei ta ama cha.

ISAI 22:12

Cha noh liata, Pheisaihzy Abeipa Zehôvâh ta, Cha awpa nata mâchhiesa awpa ta aw ta, Luh a papôlô awpa nata latho poh a bu awpa ta a aw.

ISAI 3:23

thlalâzy, poh rih dipazy, khuthozy nata hmiakhunazy a pahluhpa khai aw ei.

ISAI 4:4

Abeipa ta Zaio sawchanôzy thuhnyna cha pathai aw ta, Zerusale liata thisaih a kiahpazy cha pachiana thlahpa nata mei thlahpa ta a pasi aw.

ISAI 57:9

Sathaw chhaota abei lâ pangai chi ta, Na ropahâhpazy thata na papôh. Na lyuhchâpazy lâhlapi lâ tuah chi ta, Athihkhih lâ taihta na tuah ei.

ZEREMIAH 4:8

Abeipa hiehâhna ru ngaitapa cha, Keimo tawhta pakuasapa a châ leipa vâta, Latho poh a bu u la, Mâchhiesapa ta cha muh vy.”

ZEREMIAH 48:37

Luh to papôlôpa châ ta, Kâhhmi to ngyupa a châ. Ku zydua âpa châ ta, Chai liata latho poh a saipa a châ.

ZEREMIAH 49:3

“Hy Hesbaw, sâh teh, Ai khihpi paraopa ta a y ha hih! Râbâ sawchanôzy saih u, cha teh u! Mikô cha seichâna lâ a sie aw, A theihthaipazy nata a beimachâzy chhaota. Chavâta latho poh a bupa ta chaphôh tu u la, Thokhyzy chhôh liata a râhreih teh u!

ZEREMIAH 6:26

Hy ei phopi zuah y, Eikhapi ta paraotuhpa miah a vaw tlô thlu awpa vâta, Latho poh a bu la, Buchâh liata a hluah mah y. Sawchapaw matlupa mâchhiesapa hawhta mâchhie sa la, Thata chaphôh tu mah y.

CHAPHÔHTUNA 2:10

Zaio khihpi machâzy cha, A chalihpa ta alei liata a tyuh ei ta; Ama luh liata buchâh a mia ei ta, Latho poh amâ bu; Zerusale laihsa kôpazy chhao, Alei lâ a khu ei ta amâ bôh.

EZEKIA 27:31

Nâma vâta ama luh papôlô aw ei ta, Ama chai liata latho poh amâ sai aw; Palôh pasapa ta cha chakhei aw ei ta, Pachârôhpa ta mâchhie ama cha sapa aw.

EZEKIA 7:18

Latho poh a bu aw ei ta, chichhihna ta a khu aw ei. Ama zydua hmiachhiepa ta y aw ei ta, ama luh zydua a pôlô khai aw.

ZÔELA 1:8

Laihsa kôpa ta a locho no vahpa châta Chaphôh a tupa hawhta, Latho poh a bu u la, Chaphôh tu teh u.

THEIHTHAINA 26:16

kei chhao ta nama chô liata he hmozy he ei tao aw: Nama chô liata hmo chichhihpa patlôsa aw na ta, nama mo pazohsa ta, nama hrona a pahlei theipa chaohpa hri nata chasipazy ei chareisa aw. Hraoleipa ta chi cheih aw ei chi ta, nama chariahpazy nie awpa a châ aw.

AMÔSÂ 8:10

Nama kyhchhizy cha, Mâchhiesana lâta pachâsa aw na ta; Nama hlazy chhao, Chaphôhtuna lâta ei pachâsa aw; Chai zydua latho poh pasaisa aw ei na ta, Luh zydua ei papôlô khai aw; Sawchapaw matlupa mâchhiesapa hawhta tao aw na ta, A chhâna cha nôpona noh hawhta ei tao aw,” Abeipa Zehôvâh ta a tah.

MIKÂ 1:16

Na sâ a ngyupa ta na luh a papôlô teh; Na saw mopakiapazy cha, Seichâna lâ ama cha siesai awpa vâta, Vâkhieh hawhta na luh a papôlô teh.

RYHPACHANEINA 28:22

Chaohna, chasipa, thlohna, thata palona, nohkâhna, raohna nata maohna zy hmâpa ta Abeipa ta cha hrie aw ei ta, nama leidia hlâlei ama châ chadai lymâ aw.

RYHPACHANEINA 32:24

Nodipa ta thi aw ei ta, Potlana rarôh ypa ta palâ khai aw ei ta, Hriiah chichhihpazy ta a palâ khai aw ei. Râhsa naoh seihpa zy âmo lâ tuah aw na ta, Dohlei liata alyhpa châmaih hneipa sazy âmo lâ ei tuah aw.

1 PITY 3:3

Namâ tobina cha khôtho lâ atobina, sâ phiehpa, ngôh ta a tobipa, chysia ta a tobipa zy châ leipa sala,

BIEPHUAH 11:3

Chatawhcha bie nâ pahnokheituhpa pano hnohta biepie aw na ta, latho poh a bupa ta, noh 1,260 chhôh bie ama chhochhielie aw,” tah ta.

BIEPHUAH 16:9

Chatanachata chyhsazy cha ama u khaina taihta noh sah ngaitapa ta pakâhpa châ ei ta, potlana chô liata biehneituhpa Khazohpa moh cha chhiesapa ei ta. Châhrasala ro khoh hlei leipa ei ta, Khazohpa palyupalih veih ei.

BIEPHUAH 18:9

A sihryhkhei tyhpa nata phasana ta a hrolâh tyhpa lei beizy ta Babylaw khihpi mei ta a kâpa khuh ama hmô nahta, chakhei aw ei ta, chaphôh ama tupa aw.