ISAI 3:15 - Mara Bible RV (BSI)

¹⁵ Kheihta ma dyhchhiepazy hmia chariehpa ta, Ei phopi cha nama chanaoh ngâ tly?” Pheisaihzy Abeipa Zehôvâh ta a tah.

ISAI 3:15 ပူးပေါင်းရင်းမြစ်များ

HLAZY 94:5

Hy Abeipa, na phopi chanaoh ei ta, Na ryuto ama tlybai.

PUASAINA 5:14

Phiraoh raihria hyutuhpazy ta, Izarei sawzy hry liata raihria vaituhpa ta ama raopazy cha tu ei ta, “Khazia leiraopa nama tao tyhpa zie zâhnia nata tanoh nama tao vei?” tah ei ta.

BIESOZY 30:14

Zaozi hâh a hneipazy y ei ta, Chaizôh naoh a hneipazy chhao ama y; Alei tawhta dyhchhiepazy palâ khai ei ta, Chyhsazy hry tawhta phahlapazy ama palâ tyh.

ISAI 10:2

Phahlapazy adona hny ei ta, Ei phopi dyhchhiepazy pikhei tovyuh ama chhu tyh. Nôhmeizy cha ama hraona sôh ta tao ei ta, Paw hnei leipazy chhao ama tai awpa sa ta ama tao tyh.

ISAI 14:30

Dyhchhie chaipazy chhao ta, Ama tlaih nawpa sibiepa su hnei aw ei ta; Dyhchhiepazy â bohpa ta amâ zia aw. Nâma thari deikua cha, Chakâhna ta thie aw na ta; Na chyhsa laibâhpazy cha, Chakâhna ta a thie khai aw ei.

ISAI 26:6

Phei ta khihpi cha tlypâ ta, Dyhchhiepazy phei ta tlypâpa ta y ta, Phahlapazy keih ta tlypâpa ta a y.”

ISAI 29:19

Areisipazy cha, Abeipa liata alyna thiehpa hmô aw ei ta, Chyhsapa hry liata dyhchhiepazy chhao, Izarei Mo Pathaihpa liata thaphapa ta ama y aw.

ISAI 30:12

Chavâta Izarei Mo Pathaihpa ta hetana heta a tah: “Ei bie dythapa ta, Tlybaina tlao ngâ ei chi ta, Dôveina liata namâ pahniehpa vâta,

ISAI 32:6

Ahrupa cha hruna bie reih ta, Hmo moleipa tao awpa sai a pachâ tyh. Khazohpa kho leipa hmozy tao ta, Abeipa kyh liata bie doleipa a reih tyh. Nodipazy nie paky ta, Dâhphipazy ti pado vei.

ISAI 5:7

Pheisaihzy Abeipa kre sadô cha, Izarei pathlazy he châ ta; Zudâh chyhsazy he, A chichei khochhihpazy cha ama châ. Adona mokhâh ta, Châhrasala moh teh u, thisaih palona tlao a hmô. Siana mokhâh ta, Châhrasala moh teh u, chana pyu tlao a thei.

ISAI 58:4

A hryuchhia awpa ta kâhvileipa ta y ei chi ta, A tudai awpa ta kâhvilei ta nama y; Moleina kutô ta a chô awpa ta, Kâhvileipa ta a ypa nama châ. Tanoh ta kâhvileipa nama hmâzie hawhpa heta la, Chô lâ tawhta nama ao thei nawpa châ hlei aw vei.

ISAI 63:8

Abeipa ta Izarei kyh liata, “Izarei cha ei phopi châ tlai ei ta, Adoleipa ta hmo a tao lei awpa sawzy ama châ,” tah ta, Âmo Pachhatuhpa ta a y hapa a châ.

EZEKIA 18:2

“Izarei râh kyh liata, ‘Pawzy ta kre thaopa nie ei ta, ama sawzy hâh â za,’ tahpa bieso nama rei tyhpa he, khâpa ma nama rei khoh tly?

ZAWNA 1:6

Balyh hyutuhpa cha ano lâ a vy ta, a hnohta, “Nâ a môpa, kheihtazie ta e? Thyu la, na khazoh pado teh! Khazoh chata eima leidia lei nawpa ta, miah a pachâ ngyu aw mâh tâh,” tah ta.