ISAI 3:14 - Mara Bible RV (BSI)

¹⁴ Abeipa ta a phopi machâzy pachia ta, A chhituhpazy a pachia; “Kre sadô a nie khaipa cha, Nâmo tlai he châ ei chi ta; Nama ozy liata, Dyhchhiepazy hraona sôh a y.

ISAI 3:14 ပူးပေါင်းရင်းမြစ်များ

ZAWBÂ 22:4

Ano na chi thei nawpa ta ma cha chhorei ta, Ryureina liata a châ ngiakhei tly?

ZAWBÂ 24:14

Lianycheituhpa cha awhkho ta thyu ta, Dyhchhiepa nata phahlapazy thie ta, Parutuhpa hawh hra ta zâ ta a paru tyh.

ZAWBÂ 24:9

Paw hnei leipa a nô sâhpi tawhta chhu ei ta, Dyhchhiepa saw sôhkâ ta ama la tyh.

ZAWBÂ 34:23

A hmiakô liata pachiana liata a luah awpa ta, Khazohpa ta chyhsa châta daihti a rao awpa byuh vei.

HLAZY 10:9

Chakeibarôhneipa hawhta chhohbuh hry liata a byupa ta a byh ta, Dyhchhiepazy patu awpa ta a byhpa ta, A sao liata a aopa dyhchhiepazy cha a patu lymâ ei.

HLAZY 14:4

Hmoparaopazy ama no a vâh to vei tlyma i? Viahchhâ niepa hawhta ei chyhsazy nie khai ei ta, Abeipa padona châh ama pahno leipa he!

HLAZY 143:2

Na hmiakô liata la, Ahrohpazy hry liata mosiapa ama y leipa vâta, Châ chakaotuhpa he pachiana liata a ngiakhei khah y.

BIESOZY 30:14

Zaozi hâh a hneipazy y ei ta, Chaizôh naoh a hneipazy chhao ama y; Alei tawhta dyhchhiepazy palâ khai ei ta, Chyhsazy hry tawhta phahlapazy ama palâ tyh.

ISAI 10:1

Dâh hiehneipa a taotuhpazy nata Tlybaina bieraopa a papuatuhpazy cha, Ama hu a po na!

ISAI 10:2

Phahlapazy adona hny ei ta, Ei phopi dyhchhiepazy pikhei tovyuh ama chhu tyh. Nôhmeizy cha ama hraona sôh ta tao ei ta, Paw hnei leipazy chhao ama tai awpa sa ta ama tao tyh.

ISAI 11:4

Dyhchhiepazy chô liata adona ta ryureih aw ta, Lei chyhsa nônaipazy châta a khongâh kawpa ta a pachia aw. A pakah chôchahrei ta nôchhiepazy tu aw ta, A hmao hu ta hmoparaopazy a thie aw.

ISAI 14:30

Dyhchhie chaipazy chhao ta, Ama tlaih nawpa sibiepa su hnei aw ei ta; Dyhchhiepazy â bohpa ta amâ zia aw. Nâma thari deikua cha, Chakâhna ta thie aw na ta; Na chyhsa laibâhpazy cha, Chakâhna ta a thie khai aw ei.

ISAI 26:6

Phei ta khihpi cha tlypâ ta, Dyhchhiepazy phei ta tlypâpa ta y ta, Phahlapazy keih ta tlypâpa ta a y.”

ISAI 29:19

Areisipazy cha, Abeipa liata alyna thiehpa hmô aw ei ta, Chyhsapa hry liata dyhchhiepazy chhao, Izarei Mo Pathaihpa liata thaphapa ta ama y aw.

ISAI 30:12

Chavâta Izarei Mo Pathaihpa ta hetana heta a tah: “Ei bie dythapa ta, Tlybaina tlao ngâ ei chi ta, Dôveina liata namâ pahniehpa vâta,

ISAI 5:7

Pheisaihzy Abeipa kre sadô cha, Izarei pathlazy he châ ta; Zudâh chyhsazy he, A chichei khochhihpazy cha ama châ. Adona mokhâh ta, Châhrasala moh teh u, thisaih palona tlao a hmô. Siana mokhâh ta, Châhrasala moh teh u, chana pyu tlao a thei.

ISAI 58:4

A hryuchhia awpa ta kâhvileipa ta y ei chi ta, A tudai awpa ta kâhvilei ta nama y; Moleina kutô ta a chô awpa ta, Kâhvileipa ta a ypa nama châ. Tanoh ta kâhvileipa nama hmâzie hawhpa heta la, Chô lâ tawhta nama ao thei nawpa châ hlei aw vei.

ZEREMIAH 12:10

Mietaku vaituhpa hluhpi ta Ei kre sadô parao ei ta, Ei tovyuh ama tlypâ; Ei tovyuh pha ngaitapa cha, Râhchawhpa roryhrapa ama pachâsa haw.

ZEREMIAH 5:27

Pavaw byh liata pavaw a biepa hawhta, Ama ozy cha dôveina ta bie ta, Chavâta kaw lai ei ta ama hneirôh.

EZEKIA 18:12

dyhchhiepa nata phahlapazy tlybaipa ta, chyhsa hraopa ta, sôhkâ pakua leipa ta, khazoh nothlahpazy lâ a mo khaihpa ta, hmo pasichhihpa tao sala,

EZEKIA 20:35

Phopi hrozy râhchawhpa lâ châ chhi aw ei na ta, cha liata hmiachhypa ta ei cha pachia aw ei.

EZEKIA 20:36

Châ pathlatuhpazy Izi râh râhchawhpa liata ei pachiapa hawhna ei khata, nâmo chhao ei cha pachia aw ei, Abeipa Zehôvâh ta a tah.

THEIHTHAINA 25:14

“Na vaih hnohta râh na zua khiahta tlyma, na vaih râh na chalei khiahta tlyma, namâ dôvei awpa châ vei.

THEIHTHAINA 25:17

Namâ dôvei awpa châ vei. Kei he Abeipa nama Khazohpa châ tlôh na ta, na Khazohpa cha na chi awpa a châ.

AMÔSÂ 2:7

Sipasapazy luh alei dohlei liata tlypâ ei ta, Dyhchhiepazy lâpi ama chahrih tyh; Paw nata saw ta chanô pakha a ziakhei ei ta, Ei moh pathaihpa ama papuapalei.

AMÔSÂ 4:1

“Nâmo, Samâri tlâhpi liata Bâsanâ viahchao panôzy saih u, He bie he nathlie teh u; Nâmo, dyhchhiepazy tlybai ei chi ta, Phahlapazy chanaohpa ta, Nama vahpazy hnohta, ‘Do awpa vaw cheih la, Doh ei suh u,’ A tahtuhpazy saih u, He bie he thei teh u!

MIKÂ 2:1

Hmo pha leipa patuapaluapa ta, Ama rakhô liata moleina a pachâpadypazy cha, Ama hu a po na! Ama ku liata a ypa biehneina a châpa vâta, My khih a vaw dei nahta ama hriapazi tyh.

MIKÂ 2:2

Lyuzy uahvapa ta chhu ei ta, Ozy chhao uahvapa ta amâ la tyh; Chyhsa o chhu ei ta, Chyhsa ryu ama chhu tyh.

MIKÂ 3:3

Nâmo, ei phopi sa nie ei chi ta, Ama vo pahluh ta ama ruzy thliepachhôpa ta, Beih liata chho awpa sa hawhta, Sa chhona beih liata sa hawh tlai ta Ei phopi a pachhaih khaipazy saih u, Adona cha nama pahno awpa châ vei ma?

MIKÂ 6:10

Moleipa o liata moleina sôhzy ei my thei aw ma? Chhiesapa ta a ypa panuana tloh leipa ei my thei aw ma?

MATHAI 21:33

“Pakhona bie hropa nathlie teh u. Lyu a hneipa chyhsa pakha y ta, kre sadô tao ta, diahpai ta dôh ta, kre saohna khaoh chao ta, o sâhpa sa ta, a kre sadô cha lyutaopazy hnohta thlyu hlao awpa ta pie ta, râh hro lâ sie ha ta.

ZÂMIE 2:6

Nâmo deikua cha, dyhchhiepa nama mohnao. Châ tlybaipa nata pachiana lâ châ daophituhpazy cha hneirôhpazy châ tyh veih ei ma?