ISAI 3:12 - Mara Bible RV (BSI)

¹² Hawsaihzy ta ei phopi chhihtha ei ta, Chanôzy ta ama chô liata ryu ama reih. Hy ei phopi, châ chhituhpazy ta cha chhihtha chhei ei ta, Nama sie nawpa kyh liata noraihpa ta ama cha tao haw.

ISAI 3:12 ပူးပေါင်းရင်းမြစ်များ

2 ABEIZY 11:1

Ahazia nô Athaliah ta a sawchapawpa a thi haw tahpa a pahno nahta, thyu ta abei chipathla zydua pamua khai ta.

ZAWBÂ 30:13

Ei lâpi parao ei ta, Ei chhie nawpa ta na tei ei ta, Bao a ngiah veih ei.

BIESOZY 28:16

Novâhna a phahlapa ryureituhpa cha, Tlybaituhpa nôchhiepa châ ta; Adoleipa ta athôhna hmôpa a haotuhpa deikua cha, A hro chhôh kôzy a pasisa aw.

BIECHHOTUHPA 10:16

Hy râh, na bei châta sei hnei chi ta, Na beimachâzy my ta kyh a chhi tyhpa râh y, Na hu a po na!

ISAI 19:14

Abeipa ta Izi mo hry liata tymâna thlahpa pahlaosa ta, Sahma paripa ta a palipa a paochheichhâ thlupa hawhta, Beimachâzy ta Izi mo cha ama hmotaopa to liata Paochheichhâpa ta ama paysa haw.

ISAI 3:4

Thyudyupazy cha ama beimachâzy ta tao aw na ta, Hawtizy ta ama chô liata ryu ama reih aw.

ISAI 51:22

Nama Beipa Zehôvâh ta hetana heta tah ta, A phopi a reikheituhpa nama Khazohpa ta hetana heta a tah: “Paochheichhâna nyu nama ku tawhta la ha na ta, Ei hiehâhna nyu doh khao aw veih ei chi.

ZEREMIAH 5:31

Hrohsopazy ta haipa ta hrohsona biezy phuah ei ta, Theihthaipazy ta âmo rei sai ta ryu ama reih. Cha hawhta taopa cha ei phopi khonazie châ kaw ta, Châhrasala chhâna noh a vaw tlô tita, Kheihta ma namâ tao aw tly?

MIKÂ 3:5

Ei phopi a chhi chheipa hrohsopazy kyh liata, Abeipa ta hetana heta a tah: Nie awpa ama hnei nota, Adyhna phuah ei ta; Ama pakah pabie awpa a hnei leipazy hnohta, Adyuhna ama phuah tyh.

NÂHU 3:13

Na pheisaihzy kha moh tua, Chanôzy ama châ khawh. Na râh thokhy chhikaozy cha, Na chariahzy hmia liata a kawh pi ta â pahy; Na thokhy chhikao hraina lâhreizy chhao, Mei ta a kâ khai haw.

MATHAI 15:14

Âmo y ta y thlâh ha ei sa. Chhituhpa mochaopazy ama châ. Mochaopa ta mochaopa a chhihtha khiahta cha, khaohtlô liata hmaohkhata ama tla aw,” tah ta.

MATHAI 23:13

“Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.