ISAI 3:11 - Mara Bible RV (BSI)

¹¹ Moleipa cha a hu a po na! Chhiena a tyh aw ta, A hmotaopazy viarithôpa a châ aw.

ISAI 3:11 ပူးပေါင်းရင်းမြစ်များ

ÂTHAONA 18:25

Moleipazy hnohta mosiapazy thie ta, mosiapa nata moleipazy palyu thlâh ha awpa cha, tao aw va chi. Cha hawhpa ngâsâ cha tao aw va chi. Alei chô zydua ryureituhpa ta cha, hmo dopa a tao awpa châ vei ma?” tah ta.

2 SAMUELA 3:39

Abei châta sathawthupa châ hra aw sah la, tanoh la ei vaw nainyu khai ha na. He chyhsazy, he Zeru sawchapawzy he ei chô liata ama chahraochatôh tu haw. Hmo pha leipa a taopa cha, a hmotaozie lymâ hawhta Abeipa ta viari a thô aw” tah ta.

1 ABEIZY 21:21

Pachâ teh, na chô liata chhiena vaw patlôsa aw na ta, na hneirôna zydua ei pahlei khai aw. Na pathla zydua pamua aw na ta, Izarei liata Ahabâ pathla chapaw zydua, sei chhao, khotalaipa chhao, ei chhawh pathlah khai ha aw ei.

2 THÂTIHZYRONA 6:23

vârâh tawhta vaw nathlie la, châ chakaotuhpazy cha pachia la, thailei a châpa cha a hmotaopa a luh chô liata patlôsapa ta viarithô la, mosiapa cha thaipachâsa la, a siana yzie hawhta lymâ pie mah y.

ZAWBÂ 10:15

Thailei ei châ khiahta cha, Hupopa ta ei y. Adopa ei châpa chhao ta, Ei luh pachhua ngâh va na. Nozana ta bie na ta, Nôpona liata ei pamôh hih.

HLAZY 28:4

Ama hriapa lymâ hawhta âmo cha pie la, Moleina hmo ama taopa lymâ hawhta âmo cha thô mah y; Ama ku raihria lymâ hawhta âmo cha thô la, Ama lymâ dao awpa pie mah y.

HLAZY 62:12

Hy Abeipa, ngâchhihna cha nâma eih a châ. Chyhsa to ama hmotaopa lymâ hawhta na thô tyh.

BIESOZY 1:31

Âmo yzie thei nie aw ei ta, Âmo hmotaopazy ta lôhrâ amâ patlô aw.

BIESOZY 11:31

Mosiapa hmahta alei liata viarithôpa ama châ khiahta cha, Moleipa nata hmoparaopa chhochhi cha, Khatlu ta pasa viapa ta viarithôpa ma ama châ aw tly!

BIESOZY 12:14

Chyhsa cha a reikah thei tawhta hmo phapa ta a lôhrâ patlô ta, Ano ku hmotaopa tlai ta ano lâ a vaw lie thlu heih tyh.

BIESOZY 26:27

Khaohtlô a chaopa cha a chhôh liata tla aw ta, Alô a pahluahpa chhao ano â vaw hlua thlu heih aw.

BIECHHOTUHPA 8:13

Moleipa châta deikua cha a hro chypa chhao ta pha hlei aw vei. Khazohpa china a hnei leipa vâta, nohpahlipa hawh deita châ ta, a hro pareih hmeiseih aw vei.

ISAI 13:11

“Khizaw he a moleina vâta hrie aw na ta, Moleipazy cha ama paraona vâta ei hrie aw ei. Akhotlâhpazy apapiparysana pachhâsa aw na ta, Nôchhiepazy apalaina ei panawhsa aw.

ISAI 48:22

“Moleipazy châta thlalôhna rai y vei,” Abeipa ta a tah.

ISAI 65:20

Cha liata hawsaih thina y khao leipa aw ta, Chhâ a palo leipa ta a thipa y khao aw veih ei. Kô za kha ta a thipa cha, Thyutlia daihti ta a thipa hawhta pachâpa châ aw ta; Kô za kha a tlô leipa cha, Chhiesa thlupa moleipa hawhta pachâpa a châ aw.

ISAI 65:6

Moh teh u, he bie he ei hmiakô liata ropa ta a y: “A chalih thlâh ha leipa aw na ta, Viari thô aw na ta, Ama kalachhôh lia tlai ta viari ei thô aw.

ISAI 65:7

Nama paraonazy viari cha thô aw ei na ta, Châ pathlatuhpazy paraona viari chhao ei cha thô aw ei,” Abeipa ta a tah. “Tlâhpizy liata ropahâhpazy rao ei ta, Tlâhthlôhzy liata eina reipachhiepa vâ ei ta, Ama hmotao parohpazy kha, Ama kalachhôh liata ei panuapa aw ei,” Abeipa ta a tah.

ZEREMIAH 21:14

“Nama hmotaopa theilâpa lymâ hawhta cha hrie aw ei na ta, A râhmâhpa liata mei patih aw na ta, A chheipâh liata a ypa zydua a kâ khai aw,” Abeipa ta a tah.

ZEREMIAH 31:30

Chyhsa to âmo paraona chyu ama thikhei aw. Kre thaopazy a niepazy cha, âmo hâh chyu â za aw.

EZEKIA 16:59

“Abeipa Zehôvâh ta hetana heta a tah: Bietai a papeisa leipa chi ta, biehrai na paraopa vâta, na hmotaopa hawhta na chô liata ei tao hra aw.

EZEKIA 18:20

Moleina a taotuhpa ta a hrona a pahlei aw. Sawchapaw­pa ta a paw paraona phaoh leipa aw ta, a paw chhao ta a sawchapawpa paraona phaoh aw vei. Mosiapa siana cha mosiapa chô liata y aw ta, moleipa moleina chhao moleipa chô liata a y aw.

EZEKIA 2:10

Châbu chatypa cha ei hmiakô liata vaw pakai ta. A hmia a hnôh ta châropa y ta, chaphôhtuna nata mâchhiesana nata hupona zy ropa a châ.

EZEKIA 24:14

Kei Abeipa ta reih ha na ta, a vaw tlô tlai aw. Ei tao tlai aw. A sy leipa aw na ta, pahlôh hra leipa aw na ta, pathleih hra aw va na. Na hroziezy nata na hmotaopazy hawhta pachiapa na châ aw, Abeipa Zehôvâh ta a tah.”

EZEKIA 33:8

Moleipa hnohta, ‘Hy moleipa, na thi tlai awpa a châ,’ ei tah nota, moleipa cha a hrozie siesai awpa ta zikyu nâ râ leipa khiahta cha, moleipa cha a paraona liata thi aw ta, a thisaih maoh na phaoh aw.

MIKÂ 3:4

Cha tina cha Abeipa pado aw ei ta, Châhrasala âmo chyh-ei aw vei; Ama hmotaopazy cha moleina a châpa vâta, Âmo tawhta a hmia a nyu ha aw.

MIKÂ 7:13

Râh deikua cha a chhôh liata a pahrâpazy vâta, Roryhrapa ta y aw ta; Ama hmotao theilâpazy vâta, Roryhrapa ta a y aw.

MALUHREINA 32:23

Cha hawhta nama tao leipa khiahta deikua cha, pachâ teh u, Abeipa chô liata moleipa châ aw ei chi ta, nama moleina ta a cha hmô papua aw ei tahpa pahno muh vy.

2 KAWRINI 5:10

Chyhsa to ta pôhpa liata hmotaopazy, a chhiepa tlyma, a phapa tlyma, eima taopa hawhta eima hmô chyu thei nawpa ta, Krista ryureina dyuchhai hmiakô liata paluahsapa eima châ khai aw.

ZÂMIE 2:13

Zawngiahna a hnei leipa chyhsa cha, pachiana ta ano cha zawh a ngiah hra aw vei. Zawngiahna cha pachiana hlâta a rônah via.

RYUREITUHPAZY 9:57

Sekhe chyhsazy moleina zydua chhao, Khazohpa ta viari thôpa ta ama luh chô liata palie thlusa ta, Zerubâlâ sawchapawpa Zôthâ chhiesana ama chô liata a vaw tlô hapa a châ.