ISAI 29:9 - Mara Bible RV (BSI)

⁹ Nama no a pamaoh u la, Nomaohpa ta y teh u; Nama mo a pachao u la, Mochaopa ta y teh u! Pari ei ta, Châhrasala kresawhti vâta cha vei; Paochheichhâ ei ta, Châhrasala sahma vâta châ vei!

ISAI 29:9 ပူးပေါင်းရင်းမြစ်များ

ISAI 1:2

Hy avâzy saih u, nathlie u la, Hy leilô, na nah pachô teh; Abeipa ta hetana heta a tah: “Sawzy a kuhkheipa ta palaiseihsa ei na ta, Châhrasala einâ chariah ha ei.

ISAI 19:14

Abeipa ta Izi mo hry liata tymâna thlahpa pahlaosa ta, Sahma paripa ta a palipa a paochheichhâ thlupa hawhta, Beimachâzy ta Izi mo cha ama hmotaopa to liata Paochheichhâpa ta ama paysa haw.

ISAI 29:1

Hy Zerusale, Zerusale, Dâvi pahrâna khihpi, Na hu a po na! Kô chareih ta baichha lymâ la, Na kyhchhizy a zao a hmia thlâh mawh sy.

ISAI 29:10

Abeipa ta nama chô liata Mokuna thlahpa cha hry ha ei ta, Hrohsopazy ta nama mo cha pasosapa ta, Hmôtheituhpazy ta nama luh ama cha khu haw.

ISAI 49:26

Châ tlybaituhpazy cha âmo sa paniesa aw ei na ta, Kresawhti thlôhpa paripa hawhta âmo thisaih ama pari aw. Chatanachata chyhsa zydua ta, Kei, Abeipa he châ Pachhatuhpa châ na ta, Châ Chatlaituhpa, Zakaw Mo Pathaihpa ei châ tahpa ama pahno aw.”

ISAI 51:17

Hy Zerusale, a hra la, Nâmasasyh ta a pahra la, a duah teh. Nâ, Abeipa ku tawhta a hiehâhna nyu doh chi ta, Biebuh chaopahrâ taihta dohpa ta, Paochheichhâna nyu a dohtuhpa y, A hra la, nâmasasyh ta a pahra mah y.

ISAI 56:10

Izarei vaituhpazy ama mo chao ha ta, Pahnona a hnei leipa sai ama châ; I a thlih thlâh hapazy châ ei ta, Nga thai veih ei; A zia ei ta, reihchamaoh ei ta, A mô awpa sai a tlaichhaipazy ama châ.

ISAI 6:10

Cha phopi palôh cha a kuhchha ha ta, Ama nah ta bie thei thai khao leipa ta, Ama mo ama paso haw. Chata châ vei sala cha, Ama mo ta hmôpa ta, Ama nah ta thei aw ei ta, Ama palôh ta pahnopa ta, Kei lâ a vaw heih aw ei ta, Ei patlâh ha awpa ei tlai,’ Kei tah mah y,” tah ta.

ISAI 63:6

Ei hiehâhpa ta phopizy ei tlysao ha ei; Ei pathiiana ti padosa ei na ta, Ama hrona thisaih alei liata ei leihthapa ha ei,” Abeipa ta a tah.

ZEREMIAH 13:13

Chatawhcha ama hnohta, ‘Abeipa ta hetana heta a tah: Pachâ teh u, he râh liata a pahrâpa zydua, Dâvi beidyuchhai liata a tyuhpa beizy, theihthaipazy, hrohsopazy nata Zerusale khihsaw zydua parina ta ei pabie khai aw ei.

ZEREMIAH 2:12

Hy avâzy saih u, cha kyh liata noâh tah u la, A pahlawpa ta roryhra khaipa ta y teh u,” Abeipa ta a tah.

ZEREMIAH 23:9

He he hrohsopazy kyh a châ: Ei chhôhso palôh keichheih ta, Ei rupa zydua â chalyu; Abeipa vâta nata a bie pathaihpa vâta, A paripa hawhta châ na ta, Kresawhti ta a pahniepa chyhsa hawhta ei châ.

ZEREMIAH 25:27

“Chatawcha ama hnohta hetana heta na tah aw: ‘Pheisaihzy Abeipa, Izarei Khazohpa ta hetana heta a tah: Nama hry liata zaozi ei vaw tuah awpa vâta, doh u la, pari u la, pali u la, pao u la, thyu khao khah u.’”

ZEREMIAH 4:9

“Cha noh liata, Abei palôh dua aw ta, Beimachâzy palôh chhao a dua aw. Theihthaipazy a pahlaw aw ei ta, Hrohsopazy noâhpa ta ama chamy aw,” Abeipa ta a tah.

ZEREMIAH 51:7

Babylaw cha Abeipa ku liata ngôh nyu châ ta, Khizaw zydua a parisa tyhpa a châ; Phopizy ta a kresawhti cha doh ei ta, Chavâta phopizy cha ama hru khai haw.

CHAPHÔHTUNA 4:21

Hy Edômâ sawchanô y, thaphapa ta a ly la, Uzi râh liata a pahrâpa y, thaphapa ta a ly mah y; Châhrasala na hnohta chhao nyu vaw tlô aw ta, Pari aw chi ta, nâmasasyh ta thluahruapa ta nâ tao aw.

HABAKU 1:5

“Phopizy hry liata sai u la, A phapa ta moh teh u, Nama noâh ngaita mawh sy. Nama hro chhôh ta hmo miakha ei tao hai, Ama cha chhopa chhao ta zo ngyu veih ei chi.

MATHAI 26:45

Cha khai tawhta pachupazy yna lâ a vy ta, ama hnohta, “A pahâ ei chi ta ma namâ mô thlâh ha chy? Moh teh u, a daihti a tlô haw, Chyhsa Sawchapawpa cha moleipazy ku liata hlâpa a châ haw.

MÂKA 14:41

A ei thôhna ta vaw kua heih ta, ama hnohta, “A pahâ ei chi ta ma namâ mô thlâh ha chy? Â daih ha bâ, a daihti a vaw tlô haw. Moh teh u, Chyhsa Sawchapawpa he moleipazy ku liata hlâpa a châ ha bâ hih.

BIEPHUAH 17:6

Cha chanô cha mopathaihpazy thisaih nata Zisu mâtyzy thisaih a paripa ta hmô na ta. Ei hmô nahta, ei noâh ngaita ta.