ISAI 29:8 - Mara Bible RV (BSI)

⁸ Zaio Tlâh a dyuhtuhpa râhzy liata zawpizy cha, Nodipa ta a mâ lâta pati nie ta, Châhrasala a kaw hra ta, A nodipa a pai hlei leipa hawhta châ aw ei ta; Dâhphipa ta a mâ lâta ti doh ta, Châhrasala a kaw hra ta, A dâhphi pai hlei leipa ta, A panaopa hawhta ama châ aw.

ISAI 29:8 ပူးပေါင်းရင်းမြစ်များ

2 THÂTIHZYRONA 32:21

Abeipa ta vâlyuhchâpa za tuah ta, ano chata Asuria bei riehmo liata pasaiphazy, pheisaih hyutuhpazy nata chhituhpa zydua a thie khai ha ei. Chatanachata Senâkeri cha noza hmiachhiepa ta a râh lâ â lie haw. Noh kha cha a khazoh o lâ a vaw nota, ano sawchapawzy ta zaozi ta ama chhawhsao haw.

HLAZY 129:5

Zaio a haotuhpa zydua cha, Maophyuhpa ta y ei sala, Hnôh pasysapa châ mawh ei sy!

HLAZY 73:20

Chyhsa a kaw hra ta, A mâsapa khâpasaw ta a rei leipa hawhta; Hy Abeipa, nâ hra tita, Âmo cha nothlahpa hawhta hmô aw chi ta, Khâpasaw ta reih aw va chi.

ISAI 41:11

Pachâ teh, na chô liata a hie a hâhpa zydua cha, Nozapa nata maophyuhpa ta soh aw ei na ta, Châ dyuhpa zydua chhao, Khâpa hmah a châ leipa hawhta châ aw ei ta, Ama leidia aw.

ISAI 41:12

Châ teituhpazy tlua aw chi ta, Hmô aw va chi; Châ dyuhtuhpazy chhao, Khâpa hmah châ aw veih ei.

ISAI 44:12

Thua khazoh nothlahpa tao awpa ta, Syudaihpa ta chhaichhi a chabapa ta, Meihei chô liata rai a hria; Khazoh nothlahpazy cha syulô ta daih ta, A bâh thatlôpa hmâpa ta nothlahpa cha a tao. A nodipa ta a thachhâ ta, Ti do leipa ta a panao.

ISAI 54:17

Nâma a dyuh nawpa ta taopa chaihraizy cha, Kheihawhpa ta hmah cha tiah aw vei; Pachiana liata châ thyuhnaopa palei to chhao, Thailei na pachâsa aw ei. Cha cha Abeipa chakaotuhpazy ryuto châ ta, Kei tawhta ama thaichâna a châ,” Abeipa ta a tah.

NÂHU 1:15

“Moh teh u, tlâhpizy liata thâtihpha vaw tlôkhei ta, Adyhna bie a vaw phuahtuhpa pheizy huh! Hy Zudâh, na kyhchhizy tao lymâ la, Na bietaizy patlô mah y; Moleipa cha tlokhuh chhawh pathlah hapa châ ta, Cha chapia heih beih khao aw vei.”

NÂHU 2:1

Hy Ninivâ, papaituhpa ta a cha vaw siehnao. Na thokhyzy liata chyhsa soh la, Lâpi vaih teh; Na chai a saih la, Na tha zydua pachhi teh.