ISAI 29:7 - Mara Bible RV (BSI)

⁷ Zerusale a dyuhpa râhzy liata zawpi zydua cha, Ramâ hawhta châ aw ei ta, Zâ ta aluahna hawhta ama châ aw; Zerusale khihpi nata a thokhy a dyuh ta, Zerusale nô a papotuhpa zydua chhao, Ramâ hawhta châ aw ei ta, Zâ ta aluahna hawhta ama châ aw.

ISAI 29:7 ပူးပေါင်းရင်းမြစ်များ

ZAWBÂ 20:8

Mâ hawhta a zaw aw ta, Hmôpa châ khao leipa aw ta, Zâ aluahna hawhta chadai paipa a châ aw.

HLAZY 73:20

Chyhsa a kaw hra ta, A mâsapa khâpasaw ta a rei leipa hawhta; Hy Abeipa, nâ hra tita, Âmo cha nothlahpa hawhta hmô aw chi ta, Khâpasaw ta reih aw va chi.

ISAI 17:14

Moh tua u, zâlâ ta chichhihpa eikhapi ta vaw y ta, Khihdei hlâta a lei ha tyh. Cha hawhpa cha miah hraotuhpazy tovyuh châ ta, Eima hmo a parutuhpazy hmô awpa cha a châ.

ISAI 37:36

Abeipa vâlyuhchâpa cha pua ta, Asuria mo riehmo liata pheisaih 185,000 thie ta. Asuria pheisaihzy cha mydi kari ta ama thyu nahta, moh teh u, riehmo cha athihpa ri ta bie thlâh ha ta.

ISAI 40:17

Ano hmiakô liata la, Râh zydua he khâpa hmah a châ leipa hawhta châ ei ta, Ano pachâ ta la, Khâpa hmah a châ leipa hlâ chhao ta, Chyh viapa nata aruapa hawhta pachâpa ama châ.

NÂHU 1:15

“Moh teh u, tlâhpizy liata thâtihpha vaw tlôkhei ta, Adyhna bie a vaw phuahtuhpa pheizy huh! Hy Zudâh, na kyhchhizy tao lymâ la, Na bietaizy patlô mah y; Moleipa cha tlokhuh chhawh pathlah hapa châ ta, Cha chapia heih beih khao aw vei.”

NÂHU 2:1

Hy Ninivâ, papaituhpa ta a cha vaw siehnao. Na thokhyzy liata chyhsa soh la, Lâpi vaih teh; Na chai a saih la, Na tha zydua pachhi teh.

ZEKARIA 12:9

Cha noh liata, Zerusale adyuhpa phopi zydua pahleipadia khai awpa ta, ei siehnao aw ei.