ISAI 29:6 - Mara Bible RV (BSI)

⁶ Pheisaihzy Abeipa ta cha vaw tly aw ta, Tôkalôhpa nata alosihpa chhaota cha vaw tly aw ta, Pyu paro ngaitapa chhaota a cha vaw tly aw; Khisô nata chothyu chhaota cha vaw tly aw ta, Meipaleih charôh ngâpazy chhaota a cha vaw tly aw.

ISAI 29:6 ပူးပေါင်းရင်းမြစ်များ

2 SAMUELA 22:14

Abeipa cha avâ tawhta a vaw thua ta, Chônôchaipa ta a ao a papua.

HLAZY 55:8

Abohna su lâ a râ para aw na ta, Thlihpipa nata thlihrâhpa tawhta ei boh ha awpa tlai!” tah na ta.

ISAI 10:3

Lâhlapi tawhta chhiena vaw tlôna noh, Hriena noh liata khâpa ma nama tao aw? Baona hia awpa ta ahy lâ namâ râ aw? Khataih liata ma nama sôh nata thih nama siesai aw?

ISAI 26:14

Bei hropazy cha thi ha ei ta, Hroh heih khao aw veih ei; Nohpahlipa dei châ ei ta, Thyu heih khao aw veih ei. Âmo cha hriepa ta pahleipadia khai ha chi ta, A thei ngâ thlâh hapa châ khao veih ei.

ISAI 26:21

Moh teh u, lei chyhsazy ama paraona vâta hrie awpa ta, Abeipa cha a yna tawhta vaw pua aw ta, Alei ta a chô liata thisaih palopazy palâhâh aw ta, Ano liata ama thiepazy nyu khao aw vei.

ISAI 28:2

Moh tua u, Abeipa ta chyhsa thatlôpa hnei ta, Hmotaotheipa a hnei; Ano cha pareih thlihpipa hawhta pathli ta, Chothyu hawhta a chanaohpa a châ; Vâkatlâ hawhta suah ta, Tisaih hawhta a lohpa a châ; A ku ta alei lâ a za pazaw aw.

ISAI 30:30

Chatawhcha hiehâhna ru ngaitapa nata meipaleih a kâ ngâpa hry liata nata, thlihpi nata vâsua nata pareih hry liata, Abeipa ta a ao rônahpa cha thei thei awpa ta papua aw ta, a ku pathlapa cha hmô thei awpa ta a tao aw.

ISAI 31:9

Asuria lôpanô cha chichhihna vâta zao aw ta, A beimachâzy chhao chipa ta ama pao aw,” Abeipa, Zaio liata mei patih ta, Zerusale liata patina meihô a patihpa ta a tah.

ISAI 43:2

Tizy na chaka nota, Na hnohta y awh na ta; Chavahzy na chaka nota, Cha vao aw veih ei. Mei hry liata na sie nota, Cha kâ leipa aw ta, Meipaleih ta cha palâ aw vei.

EZEKIA 38:22

Potlana nata thisaih palopa ta ano cha pachia aw na ta, ano nata a pheisaihzy nata a hnohta a ypa phopi hluhpi chô liata vâkatlâ pasuasa aw na ta, pareih lai ngaitapazy patlasapa ta, mei nata kaihzy ei pasuasa aw.

AMÔSÂ 1:14

Chavâta Râbâ thokhy chô liata mei patih aw na ta, Adyuhna noh ta awhsâhpa pyu hry liata, Khisô nata thlihpipa hry liata, Abei ozy a kâ khai aw.

NÂHU 1:3

Abeipa cha hiehâhna kyh liata nainôsôpa châ ta, Hmotaothei ngaitapa a châ; Hmoparaopa deikua cha, Thai pachâ beih aw vei. Khisô nata thlihpipa liata a lâpi y ta, Meihdozy cha a phei doh a châ.

ZEKARIA 14:5

Tlâhpi saikaozy cha Aze taih a tlôpa vâta, ei tlâhpizy saikao lâ a râ aw ei chi ta, Zudâh bei Uzia â bei nota alosihpa vâta namâ râpaipa hawhna khata namâ râ aw. Chatawhcha Abeipa ei Khazohpa cha a vy aw ta, a mopathaihpa zydua chhao ano hnohta amâ vy aw.

MATHAI 24:7

Phopi nata phopi a dyuh aw ei ta, khinarâh nata khinarâh amâ dyuh aw. Su hluhpi liata chakâhnazy tlô aw ta, alozy â sih aw.

MÂKA 13:8

Phopi nata phopi a dyuh aw ei ta, khinarâh nata khinarâh amâ dyuh aw. Su hluhpi liata alozy a sih aw ta, chakâhnazy a tlô aw. Chazy cha sawzeih pasa athaona a châ.

LUKA 21:11

Alo ru ngaitapazy a sih aw ta, su hluhpi liata chakâhna tlô aw ta, potlanazy a charei aw. Chichhihpa nata ngiana rarôh y ngaitapazy avâ liata â vaw luah aw.

BIEPHUAH 11:13

Cha daihti lia tlai chata alo thata a vaw sih ta, khihpi su hrawh su kha cha cho ha ta. Alo sihpa liana chata chyhsa sâh sari thi ei ta, a laibâhpazy cha chi ngaita ei ta, vârâh Khazohpa cha palyupalih ei ta.

BIEPHUAH 11:19

Chatawhcha avâ liata Khazohpa Achhyna o cha pahypa châ ta, Achhyna o chhôh liata a biehrai byh a vaw lâ ta. Dôhlazy vaw pathlie ta, aozy vaw pua ta, tôkalôhpazy a vaw thua ta, alo a sih ta, pareih thata a tla.

BIEPHUAH 16:18

Dôhlazy vaw patlie ta, aozy vaw pua ta, tôkalôhpazy a vaw thua ta, alo thata a vaw sih ta. Alei liata chyhsa y tua rakha tawhta, cha tlu ta a rupa alosihpa y beih vei. Alosihpa rarôh y ngaipa a châ.

1 SAMUELA 2:10

Abeipa chariahpazy cha a tlawh ta keichheih aw ei ta, Âmo a dyuhpa ta avâ tawhta tôkalôhpa hawhta â thua thlu aw ei. Abeipa ta khizaw kaokih zydua pachia aw ta, Bei a paduapa hnohta thatlôna pie aw ta, A sathawthupa ki cha a cheihchalo aw.”