ISAI 29:2 - Mara Bible RV (BSI)

² Zerusale cha a nô papo aw na ta, Mâchhiesana nata chaphôhtuna y aw ta, Ei châta chakoh maisâh hawhta a châ aw.

ISAI 29:2 ပူးပေါင်းရင်းမြစ်များ

ISAI 1:14

Nama thla thiehpa kyhchhi ei hro ta a hao ta, Nama daihti eihpa kyhchhizy ei hro ta â hao; Ei châta phaohri deita châ ei ta, Phaoh thei khao va na.

ISAI 10:32

Tanoh tlai he Nôbâ khih liata châh aw ta, Zaio sawchanô tlâh, Zerusale tlâh byuhpa lia tlai ta, A kutô a chalyu aw.

ISAI 17:14

Moh tua u, zâlâ ta chichhihpa eikhapi ta vaw y ta, Khihdei hlâta a lei ha tyh. Cha hawhpa cha miah hraotuhpazy tovyuh châ ta, Eima hmo a parutuhpazy hmô awpa cha a châ.

ISAI 3:26

A thokhy chhikaozy cha, Chaphôhtupa ta mâchhiesa aw ei ta; Ziahzirohpa ta alei liata â tyuh aw.

ISAI 34:6

Abeipa ta Bôzrâ khihpi liata atheihna hlâ awpa hnei ta, Edômâ râh liata thietuna rarôh ypa tao awpa a hneipa vâta, Abeipa zaozi cha thisaih ta bie ta, Thaw ta a khu; Mietakutawzy nata miezy thisaih ta bie ta, Mietaku tôhpazy lôpo thaw ta a khu.

ISAI 36:22

Chatawhcha Hikia sawchapawpa abei o hyutuhpa Eliakima, chârohtuhpa Sebanâ nata Asâpha sawchapawpa thâtih rohtuhpa Zôah zy cha ama chysiazy hriepa ta Hezekia lâ vawh ei ta, Râbâsake bie reipazy cha kei chho ei ta.

ISAI 37:3

Âmo ta Isai hnohta, “Hezekia ta hetana heta a tah: ‘Tanoh he nôpona noh châ ta, rana noh chhao châ ta, nohzaona noh a châ. Sawzy ama pina daihti tlô ha ta, châhrasala papihsa awpa ta thatlôna y khao vei.

CHAPHÔHTUNA 2:5

Abeipa cha chariahpa hawhta châ ha ta, Izarei a palâ khai haw; A bei ozy palâ khai ha ta, A thokhyzy a parao khai haw; Zudâh sawchanô chhôh liata, Mâchhiesana nata chaphôhtuna a papôh haw.

EZEKIA 22:31

Chavâta ei ruchhôna ama chô liata lei thlu ei na ta, ei hiehâhna mei ta âmo cha pakâpa ta, ama hrozie hawh tlai ta ama luh chô liata ei lie thlu ha ei,” Abeipa Zehôvâh ta a tah.

EZEKIA 39:17

“Hy chyhsa sawchapawpa y, Abeipa Zehôvâh ta hetana heta a tah: Pavaw chi to nata râhsa chi to hnohta bie reih la, ‘A pahmaoh u la, a vy teh u. Nâmo châta atheihna kyhchhi ei chhuanohpa lâ a vy awpa ta, su to tawhta a pahmaoh u la, Izarei tlâhpizy liata atheihna kyhchhi rônahpa ei taopa lâ a vypa ta, sa nie u la, thisaih doh teh u.