ISAI 29:19 - Mara Bible RV (BSI)

¹⁹ Areisipazy cha, Abeipa liata alyna thiehpa hmô aw ei ta, Chyhsapa hry liata dyhchhiepazy chhao, Izarei Mo Pathaihpa liata thaphapa ta ama y aw.

ISAI 29:19 ပူးပေါင်းရင်းမြစ်များ

HLAZY 12:5

“Dyhchhiepazy hraopa châ ei ta, Phahlapazy amâ hrôpa vâta, Tahmâ thyu aw na ta, Âmo a teituhpazy tawhta ei pabohsa aw ei,” Abeipa ta a tah.

HLAZY 149:4

Abeipa cha a phopi chô liata a palôh tlâh ta, Areisipazy cha pachhana ta a palyupalih ei.

HLAZY 22:27

Khizaw kaokih zydua ta a thei aw ei ta, Abeipa lâ amâ heih aw; Râh to liata chi tozy a hmiakô liata amâ bôh aw.

HLAZY 25:9

Areisipa cha adona liata chhihtha ta, Abeipa lâpi a pachu tyh.

HLAZY 37:11

Areisipazy deikua cha râh he ryu ta to aw ei ta, Thlalôhpa ta y aw ei ta, Amâ ly ngaita aw.

HLAZY 9:18

Phahlapazy cha my ngâ thlâh hapa châ lei paw ei ta, Dyhchhiepazy hnabeiseihna chhao chhâzaw ta lei aw vei.

ISAI 11:4

Dyhchhiepazy chô liata adona ta ryureih aw ta, Lei chyhsa nônaipazy châta a khongâh kawpa ta a pachia aw. A pakah chôchahrei ta nôchhiepazy tu aw ta, A hmao hu ta hmoparaopazy a thie aw.

ISAI 14:30

Dyhchhie chaipazy chhao ta, Ama tlaih nawpa sibiepa su hnei aw ei ta; Dyhchhiepazy â bohpa ta amâ zia aw. Nâma thari deikua cha, Chakâhna ta thie aw na ta; Na chyhsa laibâhpazy cha, Chakâhna ta a thie khai aw ei.

ISAI 14:32

Râh vyuhpa lyuhchâpazy cha, Kheihta a chhy awpa ma a châ aw? “Abeipa ta Zaio padua ha ta, A phopi saw pasa a taopazy cha, Cha liata amâ chhai aw,” Tahpa ta a chhy awpa a châ.

ISAI 25:4

Sipasapa châta thokhy châ chi ta, Dyhchhiepa nôpo daihti liata a thokhy na châ; Thlihpipa tawhta abohna châ chi ta, Noh lopa châta nohdi na châ. Nôchhiepa hu deikua cha, Thlihpipa ta pâhchhô a vawhpa hawhta châ ta;

ISAI 26:6

Phei ta khihpi cha tlypâ ta, Dyhchhiepazy phei ta tlypâpa ta y ta, Phahlapazy keih ta tlypâpa ta a y.”

ISAI 3:14

Abeipa ta a phopi machâzy pachia ta, A chhituhpazy a pachia; “Kre sadô a nie khaipa cha, Nâmo tlai he châ ei chi ta; Nama ozy liata, Dyhchhiepazy hraona sôh a y.

ISAI 3:15

Kheihta ma dyhchhiepazy hmia chariehpa ta, Ei phopi cha nama chanaoh ngâ tly?” Pheisaihzy Abeipa Zehôvâh ta a tah.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

ISAI 61:1

Dyhchhiepazy hnohta thâtihpha chho awpa ta, Abeipa ta sathaw eina thupa vâta, Abeipa Zehôvâh Thlahpa cha ei chô liata a y. Palôh keichheihpazy patlâh awpa ta na tuah ta, Seizy hnohta puana bie phuah awpa ta eina tuah. Mochaopazy mopavâna bie phuah awpa ta na tuah ta, Atâhpazy puana bie phuah awpa ta eina tuah.

ISAI 61:10

Myuhneituhpa ta theihthaipa hawhta a luh a tobi ta, Myuh ta lôsôhpazy ta â tobipa hawhta; Abeipa ta pachhana chysiazy ta na tobi ta, Siana poh eina pabu; Chavâta Abeipa liata thapha ngaitapa ta y aw na ta, Ei Khazohpa liata ei hro â ly ngaita aw.

ISAI 66:2

He hmo zydua he keima ku ta tao ta, Chatanachata he hmo zydua he a vaw ypa a châ,” Abeipa ta a tah. “A panawhpa ta a palôh liata a ngiapachhi ta, Ei bie liata a chalyupa chyhsa lâta ei mo ei padeih aw,” Abeipa ta a tah.

DÂNIAH 12:4

Nâ deikua cha, Hy Dâniah y, chhâna daihti a tlô hlâlei cha, bie cha nyu la, châbu kha pakuh la khâchâ baipâ ha mah y. Chyhsa hluhpi a râhreih aw ei ta, pahnona a pôh aw,” tah ta.

HABAKU 3:18

Abeipa liata a ly aw na ta, Ei pachhana Khazohpa liata khâ ei ly aw.

ZEPHANIA 2:3

Nâmo, khizaw liata areisipa zydua saih u, Abeipa cha pado u la; Nâmo, a biepiepa a zyhpa zydua saih u, Abeipa cha pado teh u. Siana tlua u la, Nawhna tlua teh u; Chatanachata Abeipa hiehâhna noh liata Nyupa nama châ aw.

MATHAI 11:29

Ei raopaky a ky u la, kei tawhta a chu teh u. Kei cha areisipa nata palôh nônaipa ei châ. Nama thlahpazy châta apahâna nama hmô aw.

MATHAI 11:5

Mochaopazy ama mo pavâ ta, pheisypazy phei ta sie ei ta, phawhpazy pathaisapa ta y ei ta, nahpâpazy ta thei ei ta, athipazy pathyupa ta y ei ta, dyhchhiepazy hnohta thâtihpha chhopa a châ haw.

MATHAI 5:3

“Thlahpa sipasapazy ama nohlao na, vârâh khinarâh ama eih a châpa vâta.

MATHAI 5:5

“Nônaipazy ama nohlao na, lei ryu ama to awpa vâta.

EPHESI 4:2

Tlokhuh apanawhna, areisina nata daotheina zy hneipa ta, kyhpachâna ta a chhyh thai raihrie u la,

PHILIPI 4:4

Abeipa liata khâ a ly teh u; ei tah heih aw, a ly teh u.

ZÂMIE 1:21

Chavâta apuapa zydua nata moleina to pahlei khai u la, nama thlahpa a pachha theipa, bie chi tupa cha a reisi ngaitapa ta a pyh muh vy.

ZÂMIE 1:9

Unawh areisipa cha cheihchalopa a châ tita, a ly mawh sy.

ZÂMIE 2:5

Unawh kho ngaitapa saih u, pachâ tua u! Khizaw pachâ ta dyhchhiepazy cha, ngiapâna liata hneirôh awpa nata ano kyh pachâtuhpazy hnohta bie â taihpa khinarâh ryutotuhpazy châ awpa ta, Khazohpa ta â tlyhpazy châ veih ei ma?