ISAI 29:14 - Mara Bible RV (BSI)

¹⁴ Chavâta moh teh u, He phopi hry liata hmonoâhpa tao heih aw na ta, Hmonoâhpazy ei tao patho aw. Ama chyhsa sopazy sona lei aw ta, Hmo pahno thaipazy pahno thaina chhao, Nyupa a châ aw.”

ISAI 29:14 ပူးပေါင်းရင်းမြစ်များ

ZAWBÂ 12:17

Ryhraotuhpazy thluahruapa ta pasiesa ta, Ryureituhpazy ahrupa ta a tao ei.

ZAWBÂ 5:13

Piehpiepazy piehpiena patu ta, Aohraohpazy aohraohna thlai ta a pachhâsa.

ISAI 10:12

Chatawhcha hetana heta a vaw châ aw. Abeipa ta Zaio Tlâh nata Zeru­sale chô liata a raihria zydua a paloh tita, Asuria bei cha a palôh laina bie nata a mo â pasâhsana vâta a hrie aw.

ISAI 19:3

Izi mo cha ama palôh pachhâsapa châ aw ta, Ama ryhraona ei patypamâ aw. Khazoh nothlahpazy nata dyuthaipazy a saohiah aw ei ta, Peihthaipazy nata pachaothaipazy amâ saohiah aw.

ISAI 28:21

Abeipa cha a rai hria awpa ta, Rai nano kawpa hria awpa ta; A hmo tao awpa ta, Hmo a y tu leipa tao awpa ta; Perazi Tlâh liata vaw thyu aw ta, Kibiô Saikao liatapa hawhna khata â vaw hra aw.

ISAI 44:25

Hrohso pakheipazy maoh paphyuhpa ta, Ama chhochhieliena biezy â do leizie a palâsatuhpa châ na ta, Peihthaipazy ahrupa ta a taotuhpa ei châ. Asopazy hnôh lâ paheihsa na ta, Ama pahnona hruna lâta a paliesatuhpa ei châ.

ISAI 63:17

Hy Abeipa, khazia na lâpizy tawhta miah paviasa chi ta, Eima cha chi lei nawpa ta, Eima palôh kuh na pachhasa tly? Châ chakaotuhpazy vâna heta vaw kua heih la, Na ryuto na chiphozy vâna heta vaw kua heih mah y.

ISAI 65:7

Nama paraonazy viari cha thô aw ei na ta, Châ pathlatuhpazy paraona viari chhao ei cha thô aw ei,” Abeipa ta a tah. “Tlâhpizy liata ropahâhpazy rao ei ta, Tlâhthlôhzy liata eina reipachhiepa vâ ei ta, Ama hmotao parohpazy kha, Ama kalachhôh liata ei panuapa aw ei,” Abeipa ta a tah.

ZEREMIAH 19:7

He su liana heta Zudâh nata Zerusale hmochhuahpazy cha hraoleipa pachâsa aw na ta, âmo cha ama chariahpazy hmiakô liata nata ama hrona la a chhuahpazy ku liata zaozi ta ei papao aw ei. Ama rizy cha avâ pavawzy nata alei sahrâhpazy lao ta ei pie aw.

ZEREMIAH 49:7

“Edômâ kyh liata, Pheisaihzy Abeipa ta hetana heta a tah: Temâ liata sona y khao vei ma? Asopazy ryhraona a chhâ ha ma? Ama sona a lei khai ha ma?

ÔBADIA 1:8

“Cha noh liata, chyhsa sopazy Edômâ tawhta pahleipadia aw ei na ta; Novâhna chhao, Esaw Tlâh tawhta ei pahleipadia aw,” Abeipa ta a tah.

HABAKU 1:5

“Phopizy hry liata sai u la, A phapa ta moh teh u, Nama noâh ngaita mawh sy. Nama hro chhôh ta hmo miakha ei tao hai, Ama cha chhopa chhao ta zo ngyu veih ei chi.

LUKA 10:24

Ei cha chho ei, hrohsopa hluhpi nata abei hluhpi chhao ta nama hmôpazy he hmô khoh kaw tyh ei ta, châhrasala hmô veih ei. Nama theipazy he thei khoh kaw tyh ei ta, châhrasala thei veih ei,” tah ta.

RAWMA 1:28

Khazohpa pahnopa cha hmo phahnai leipa hawhta ama pachâpa vâta, palôh doleipa phaoh ta, tao lei awpazy tao awpa ta Khazohpa ta âmo cha â heihsai ha ei.

1 KAWRINI 3:19

He khizaw sona he, Khazohpa pachâ ta hruna châ tlôh ta. “Khazohpa ta chyhsa sopazy cha, âmo so piehpiena ta a paao tyh,” tahpa ta ropa a châ.