ISAI 29:10 - Mara Bible RV (BSI)

¹⁰ Abeipa ta nama chô liata Mokuna thlahpa cha hry ha ei ta, Hrohsopazy ta nama mo cha pasosapa ta, Hmôtheituhpazy ta nama luh ama cha khu haw.

ISAI 29:10 ပူးပေါင်းရင်းမြစ်များ

HLAZY 69:23

Ama hmô thei lei nawpa ta ama mozy zoh sala, Ama chaizy khâ a chalyu mawh sy.

ISAI 29:14

Chavâta moh teh u, He phopi hry liata hmonoâhpa tao heih aw na ta, Hmonoâhpazy ei tao patho aw. Ama chyhsa sopazy sona lei aw ta, Hmo pahno thaipazy pahno thaina chhao, Nyupa a châ aw.”

ISAI 30:10

Hmôtheituhpazy hnohta, “Aluahna hmô khao khah u,” tah ei ta, Hrohsopazy hnohta, “Hmo dopa aluahna miah pahnosa khao leipa u la, Bie khochhihpazy tlao miah chhopa ta, Phichhyhpa hrohsona biezy tlao phuah teh u.

ISAI 43:27

Châ pathlatuhpa hmiatuachaipa khata molei ta, Na lyuhchâpazy ta hmo eina parao thlu ei.

ISAI 44:18

Pahno leipa ei ta, Pachâ hra vei ei; Ama hmô thei lei nawpa ta, Ama mo pachawhkhâh hapa châ ta; Ama pahno thai lei nawpa ta, Ama palôh khaw hapa a châ.

ZEREMIAH 4:9

“Cha noh liata, Abei palôh dua aw ta, Beimachâzy palôh chhao a dua aw. Theihthaipazy a pahlaw aw ei ta, Hrohsopazy noâhpa ta ama chamy aw,” Abeipa ta a tah.

CHAPHÔHTUNA 4:14

Tahmâ cha mochaopazy hawhta pathâpazi ei ta, Khiliah liata ama viavi; Thisaih kiahpa ta thata pua ei ta, Ama chysia dâhdei chhao chyhsa ta hria ngâh khao veih ei.

EZEKIA 14:9

“Hrohsopa cha dôveipa ta ypa ta, bie a reih khiahta cha, kei Abeipa ta hrohsopa cha ei dôveipa châ ta, a chô liata ei ku hy aw na ta, ei phopi Izarei hry tawhta ei pahleipadia ha aw.

MIKÂ 2:6

Ama hrohsopazy ta, “Bie chho leipa u la, Cha hawhpa bie cha chho khah u; Chhiena miah vaw tlô thlu aw vei,” Tahpa ta bie ama chho.

MIKÂ 3:1

Chatawhcha hetana heta ei tah: Nâmo, Zakaw pathla luhpazy nata Izarei phopi ryureituhpazy saih u, He bie he thei teh u! Adona cha nama pahno awpa châ vei ma?

MIKÂ 3:6

Chavâta zâ cha vaw chhi thlu aw ei ta, Aluahna hmô khao aw veih ei chi; Zohna ta cha vaw khu aw ei ta, Pachaona tao thei khao aw veih ei chi. Hrohsopazy chô liata noh tla aw ta, Nohchhô chhao ama chô liata zohna a châ aw.

RAWMA 11:8

“Khazohpa ta âmo cha, Tanoh taihta hruna thlahpa pie ta, A hmô thei leipa mo piepa ta, A thei thei leipa nah a pie ei,” tahpa ropa hawhna khata.

2 KAWRINI 4:4

Krista cha Khazohpa a lyupa châ ta, a rônahna thâtihpha khaihpa ama hmô lei nawpa ta, he khizaw khazoh ta ngiapâleipazy palôh mo a pachao haw.

1 SAMUELA 26:12

Chatanachata Dâvi cha Sawla luh chô liata asei nata titheih la ta, sie ha ei ta. Ahy hmahta a hmôpa nata a pahnopa y leipa ei ta, ahy hmahta a hrapa y veih ei. Abeipa ta mokuh pahâh ngaitapa ta a pamôsa hapa vâ ei ta, ama zydua ta amâ mô khai haw.

1 SAMUELA 9:9

Hlâno Izarei râh liata cha, chyhsa ta Khazohpa â saohiah khoh nahta, “A vy teh, hmôtheituhpa lâ vawh ei si,” ama tah tyh. Tanoh ta hrohsopa he hlâno ta cha hmôtheituhpa tahpa ta aw tyhpa a châ.