ISAI 28:9 - Mara Bible RV (BSI)

⁹ Sahma a paripa theihthaipa nata hrohsopa kyh liata, “Ahy hnohta ma pahnona a pachu bao hra aw tly? Ahy hnohta ma bietapa a chhopasia bao hra aw tly? Sâhpi ti a pathleih dyupazy ma a pachu aw ei? Sâhpi a ngieh khao leipazy ma a chhopasia aw ei?

ISAI 28:9 ပူးပေါင်းရင်းမြစ်များ

HLAZY 131:2

Hawti a nô sâhpi a pathleih hapa hawhta, Ei hro tha padâh ha na ta, A nô sâhpi a tlaichhai khao leipa hawhta, Ei hro ta hmo rônahpa nata khochhihpazy tlaichhai khao vei.

HLAZY 50:17

Pachuna a haopa ta, Ei biezy hnôhchhy tlôh chi ta.

BIESOZY 1:29

Pahnona a hao ei ta, Abeipa china a tlyh leipa ei ta,

ISAI 2:3

Zaio tawhta ryhpa bie pua aw ta, Zerusale tawhta Abeipa bie a pua awpa vâta, Phopi hluhpi a vy aw ei ta, “A vy teh u, Abeipa Tlâh lâ khy sih la, Zakaw Khazohpa o lâ khy suh u; A lâthlôhzy miah pachu sala, A lâpizy eimâ chhih theina hâh ta,” Ama tah aw.

ISAI 28:26

Leipalietuhpa cha a Khazohpa ta a phapa ta pachu ta, A taozie dopa a chho khai hapa a châ.

ISAI 30:20

Abeipa ta nôpona viahchhâ nata pasataona ti cha vaw pie ha hra sala, châ Pachutuhpa cha a nyu khao leipa aw ta, na mo ta châ Pachutuhpa cha a hmô aw.

ISAI 48:17

Abeipa ta hetana heta reih ta, Nâmo châ Chatlaituhpa, Izarei Mo Pathaihpa ta hetana heta a tah: “Kei he Abeipa na Khazohpa châ na ta, Na pha nawpa ta cha pachu na ta, Na sie nawpa lâpi liata châ chhihthatuhpa ei châ.

ISAI 50:4

Bie hmâpa ta thachhâpazy thapatlôzie ei pahno thei nawpa ta, Abeipa Zehôvâh ta paleih asaomâna na pachu ta, My chareih ta na pahrapa ta, Paleih asaomâna na pachu awpa ta ei nah a pahra tyh.

ISAI 53:1

Ahy ma keimo tawhta bie a theipa a ngiapâ ta, Ahy hnohta ma Abeipa bâh phualuahpa a châ tly?

ISAI 54:13

Abeipa ta na saw zydua pachu aw ta, Na sawzy cha ama thlah a lôh ngaita aw.

ZEREMIAH 35:13

“Pheisaihzy Abeipa, Izarei Khazohpa ta hetana heta a tah: Sie la, Zudâh râhsawzy nata Zerusale khihsawzy hnohta kei reih la, ‘Ei pachunazy a pyhpa ta, ei biezy nathlie aw veih ei chi ma? Abeipa ta a tah,’ kei tah mah y.

ZEREMIAH 5:31

Hrohsopazy ta haipa ta hrohsona biezy phuah ei ta, Theihthaipazy ta âmo rei sai ta ryu ama reih. Cha hawhta taopa cha ei phopi khonazie châ kaw ta, Châhrasala chhâna noh a vaw tlô tita, Kheihta ma namâ tao aw tly?

ZEREMIAH 6:10

Ahyzy ma zikyurâna bie he chho aw ei na ta, A nathlie aw ei tly i? Moh teh u, nakhaoh chopaw tai leipa châ ei ta, Nathlie thei veih ei. Âmo châta la Abeipa bie he zakheichhihpa hmo châ ta, Abeipa bie liata alyna hnei veih ei.

MATHAI 11:25

Cha daihti liata Zisu ta, “Hy ei Paw, lei nata vâ Beipa, nâ ta he hmozy he chyhsa sopa nata novâhpazy liata nyu chi ta, hawti chyhpazy hnohta na phuahpa vâta ei châ ly ngaita.

MÂKA 10:15

Hmeiseihta ta ei cha chho ei, Khazohpa khinarâh cha, hawti a lypa hawhta a ly leipa maihta a ngia cheita aw veih ei,” tah ta.

ZAWHÂNA 12:38

He he hrohsopa Isai ta, “Abeipa, eima bie reipa ahy ma a ngiapâ? Abeipa bâh ahy hnohta ma â luah?” tahpa ta a reipa kha a vaw tlô nawpa ta a châ.

ZAWHÂNA 3:19

He he thailei pachâsana cha a châ: Khaihpa khizaw lâ a zu ta, châhrasala chyhsazy ta khaihpa hlâta zohna ama khoh via, ama hmotaopazy a moleipa vâta.

1 PITY 2:2

Hawsaih pih thiehpazy hawhta, thlahpa sâhpiti patapa vâ u la, chatanachata nama pachhana liata nama laiseih lymâ aw.