ISAI 28:7 - Mara Bible RV (BSI)

⁷ Theihthaipa nata hrohsopa zy chhao ta, Kresawhti vâta a chavia chavô ei ta, Sahma vâta paochheichhâpa ta ama y. Sahma vâta a chavia chavô ei ta, Kresawhti ta âmo cha palâ ta, Sahma vâta paochheichhâpa ta ama y. Aluahna kyh liata pavia pavô ei ta, Bietluna tao nawpa kyh liata ama paochheichhâ tyh.

ISAI 28:7 ပူးပေါင်းရင်းမြစ်များ

HLAZY 107:27

Sahma paripa hawhta paochheichhâ ei ta, Yzia nawpa rai pahno veih ei.

BIESOZY 20:1

Kresawhti cha pahneisaotuhpa châ ta, Sahma cha tu a thyupa a châ; Chazy ta a dôvei theipa chyhsazy cha asopa châ veih ei.

BIESOZY 23:30

Âmo cha kresawhti dona liata a y parei tupazy châ ei ta, Kresawhti pahlaopa do awpa ta a puapazy ama châ.

BIECHHOTUHPA 10:17

Hy râh, na bei châta bei pathla hnei chi ta, Na beimachâzy a daihti liata kyh a chhi tyhpa y, Na nohlao na! Kyhchhina liata pari awpa ta doh leipa ei ta, Thatlôna châta ama doh tyh.

ISAI 19:14

Abeipa ta Izi mo hry liata tymâna thlahpa pahlaosa ta, Sahma paripa ta a palipa a paochheichhâ thlupa hawhta, Beimachâzy ta Izi mo cha ama hmotaopa to liata Paochheichhâpa ta ama paysa haw.

ISAI 22:13

Châhrasala moh teh u, Alyna nata thaphana daihti ta tlao hmâh ei ta, Viahchao nata mietaku zy thiepa ta, Sa niepa ta kresawhti doh ei ta, “Nie sih la, doh suh u, Mylâ a thi awpa tlâ eima châ hih,” ama tah.

ISAI 24:2

Vâtlâh chô liata hmo a tlôpa hawhta, Theihthaipa chô liata chhao tlô aw ta, Seichapaw chô liata hmo a tlôpa hawhta, A zibeipa chô liata chhao a tlô aw. Seichanô chô liata hmo a tlôpa hawhta, A zibeinô chô liata chhao a tlô aw. A chaleituhpa chô liata hmo a tlôpa hawhta, A zuahtuhpa chô liata chhao a tlô aw. Dyu a pacheisatuhpa chô liata hmo a tlôpa hawhta, Dyu a cheituhpa chô liata chhao a tlô aw. A pôhna a chadaipa ta dyu a pacheisatuhpa chô liata hmo a tlôpa hawhta, A pôhna a pietuhpa chô liata chhao a tlô aw.

ISAI 24:20

Alei cha a paripa hawhta paochheichhâpa ta y ta, Byureih hawhta â chanei; A paraona ta thata vi ta, Pao ta, thyu heih khao aw vei.

ISAI 28:1

Epharai sahma paripazy apalaina lakho cha, A hu a po na! Ama rônahna nata angiana cha, Pawpi a lo haipa hawhta châ ta; Kresawhti iah zaipa, Saikao lei phapa luh liata lakho hawhta a châ.

ISAI 29:11

Chavâta aluahna cha nâmo châta châbu pakuhpa pachawh khâh hapa hawhta a châ haw. Cha cha chyhsazy ta châ a reih thaipa pie ei ta, a hnohta, “He châbu he reih teh,” tah ei ta, ano ta, “Reih thei va na, pakuhpa ta pachawh khâh hapa châbu a châ hih,” tah ta.

ISAI 3:12

Hawsaihzy ta ei phopi chhihtha ei ta, Chanôzy ta ama chô liata ryu ama reih. Hy ei phopi, châ chhituhpazy ta cha chhihtha chhei ei ta, Nama sie nawpa kyh liata noraihpa ta ama cha tao haw.

ISAI 43:27

Châ pathlatuhpa hmiatuachaipa khata molei ta, Na lyuhchâpazy ta hmo eina parao thlu ei.

ISAI 5:11

Mydi kari ta thyupa ta sahma do awpa ta a râ ei ta, Zâcho taihta kresawhti paripa ta a ypazy cha Ama hu a po na!

ISAI 5:22

Kresawhti dona liata ama riahpha kaw ta, Sahma thatlôpa pahlaona liata pasaipha kawpazy cha, Ama hu a po na!

ISAI 5:23

Panaopapana lapa ta, Thailei a châpa thai pachâ ei ta, Thai a châpa cha thailei ama pachâsa tyh.

ZEREMIAH 14:14

Abeipa ta hetana heta einâ chhy: “Hrohsopazy ta ei moh ta haipa ta hrohsona biezy ama phuah tyh. Âmo cha ei tuapa châ leipa ei ta, biepie hra leipa ei na ta, ama hnohta bie reih hra va na. Aluahna phichhyhpa, pachaona hraoleipa nata ama palôh liata dôveina biezy ama cha chhopa a châ.

ZEREMIAH 23:13

“Samâri hrohsopazy liata pasichhihpa ei hmô: Bâlâ moh ta hrohsona bie phuah ei ta, Ei phopi Izarei amâ chhi chhei.

ZEREMIAH 23:16

Pheisaihzy Abeipa ta hetana heta a tah: “Nama hnohta hrohsona bie a phuahpa hrohsopazy bie nathlie khuh vy. Hnabeiseihna hraoleipazy ta châ pabietuhpazy deita ama châ. Abeipa pakah tawhta a puapa châ leipa ta, âmo palôh liata hmo a lâpazy ama reih tyh.

CHAPHÔHTUNA 2:4

Chariahpa hawhta a libaw a kei ta, Khakhaipa hawhta a ku chachâh lâ â pachyh haw; Zaio sawchanô poh o liata, Eima modypa zydua a thie khai haw; A hiehâhna cha, Mei hawhta a lei thlu haw.

EZEKIA 13:7

Kei ta bie ei reih leipa tlai ta, ‘Abeipa ta a phuah,’ nama tahna maih liata, aluahna phichhyhpa hmô ei chi ta, haipa ta pachaopadâhpa bie na rei tyhpa châ vei ma?”

EZEKIA 44:21

Dôhpachhôh tlyhmia lâ amâ ngia tita, theihthaipa ahy hmahta kresawhti ama do awpa châ vei.

HÔSIA 7:5

Eima bei kyhchhi noh liata, Beimachâzy kresawhti pari khai ha ei ta, Abei chhao chyhsa a pahneisaotuhpazy hry liata â hlao hra.

MIKÂ 2:11

Chyhsa ta a khiekhâpa ta, Ziza nata haipa biezy reih sala, “Kresawhti nata sahma kyh ei cha chho aw ei,” A tah khiahta cha, Cha phopi hrohsopa a châ aw.

HABAKU 2:15

“A vaihzy sahma a padosapa cha, A hu a po na! Ama thluahruana mo awpa ta, Ama parina taihta a ôh tawhta na patlaipa tyh ei.

HABAKU 2:16

Rônahna châ leipa ta, Nozana ta tlao na bie aw; Nâ chhao doh teh, Na thluahruana â lâna hâh ta! Abeipa ku chachâh lâta nyu cha, Nâ lâ a vy aw ta, Na rônahna cha nozana ta a khu aw.

MATHAI 24:29

“Cha nohzy liata rietheipasana a y khaipata nahta, noh pazohsapa châ aw ta, thlâpâ khaih khao leipa aw ta, avâ tawhta awhsizy tla aw ta, avâ hmotaotheinazy cha chalyupa ta a y aw.

LUKA 21:34

“A hrohrua teh u, chataleipatala phasana, sahma parina nata hro chhôh khihsa pachâna zy ta nama palôh pabie aw ta, cha noh chata khoheih hawhta eikhapi ta a cha vaw tlô thlu pathlei aw ei.

EPHESI 5:28

Cha hawhna chata, vahpazy ta ama lapinôzy cha âmo pôhpa hawhta pachâpa ta, ama lapinôzy kyh ama pachâ awpa a châ. A lapinô kyh a pachâpa cha anosasyh kyh a pachâpa a châ.