ISAI 28:5 - Mara Bible RV (BSI)

⁵ Cha noh liata, Pheisaihzy Abeipa cha, Rônahna lakho châ aw ta; A phopi laibâhpa châta, Beilakho a ngiapa a châ aw.

ISAI 28:5 ပူးပေါင်းရင်းမြစ်များ

ZAWBÂ 29:14

Siana cha chysia ta a tobi na ta, Adona cha ei viahkao nata ei khutho a châ.

ISAI 11:16

Izi râh tawhta ama kaw pua nota, Izarei châta lâlai a ypa hawhna khata, A phopi laibâhpazy châta chhao, Asuria râh tawhta lâlai a y aw.

ISAI 24:16

Kaokih tawhta reithaina hlazy thei pi ta, Mo Siapa palyupalihna hla eima thei. Châhrasala kei ta hetana heta ei tah: “Ei chaoh haw, ei chaoh haw, Ei hu a po na! Ngâchhih leipazy ta ngâchhih leipa ta tao ei ta, Ngâchhih leipazy ta ngâchhihna ama pahlei haw.”

ISAI 4:3

Zaio liata siesaipa nata Zerusale liata a nguapa, Zerusale liata a hrohpa moh ropazy cha pathaihpa tahpa ama châ aw.

ISAI 41:16

Âmo cha zie aw chi ta, Thlih ta phaoh aw ta; Chothyu ta a hiepatla khai aw ei. Chatawhcha Abeipa liata a ly aw chi ta, Izarei Mo Pathaihpa cha nâ palaikhei aw.

ISAI 45:25

Izarei chipathla zydua deikua cha, Abeipa liata thai pachâsapa châ aw ei ta, Rônahpa ta ama y aw.’”

ISAI 60:19

Noh cha nohchhô ta na châta khaihna châ khao leipa aw ta, Thlâpâ chhao zâ ta na châta khaihna châ khao aw vei. Abeipa cha na châta tlyzaw khaihna châ aw ta, Na Khazohpa cha na rônahna a châ aw.

ISAI 62:3

Abeipa ku liata beilakho a ngiapa châ aw chi ta, Na Khazohpa ku liata rônahna beilakho na châ aw.

EZEKIA 16:12

Na hnapasu liata hnapasu rahy cha pataoh na ta, na nah liata rahyzy cha paba na ta, na luh liata beilakho ngia ngaitapa ei cha pakho.

ZEKARIA 12:5

Cha tina chata Zudâh chhituhpazy ta ama palôh liata, ‘Zerusale khihsawzy cha ama Khazohpa Pheisaihzy Abeipa vâta thatlôna ama hnei,’ ama tah aw.

LUKA 2:32

Zenitaizy hnohta aluahna châta khaihna châ aw ta, Na phopi Izarei rônahna a châ aw,” tahpa ta Khazohpa reithai ta.

2 KAWRINI 4:17

Bohpi leipa chhôh riethei chyhta eima taopa nata pakho thei rimâ lei awpa chhâzaw rônahna eima to awpa châta miah a pachhuahpanohpa a châ.

1 PITY 5:4

Chatanachata Mietaku Vaituhpa Beichaipa â vaw luah tita, rônahna beilakho rao thei leipa nama hmô aw.