ISAI 28:13 - Mara Bible RV (BSI)

¹³ Chavâta Abeipa bie cha âmo châta, Biepiepa chô liata biepiepa hropa baichhapa ta, Biepiepa nata biepiepa sai ta a pathopa dei châ aw ta; Bieraopa chô liata bieraopa hropa baichhapa ta, Bieraopa nata bieraopa sai ta a biepa dei châ aw ta, He liata a chyhta pachu ta, Hao liata a chyhta a pachupa rakhapa dei a châ aw. Chatanachata ama sie tita â die lâta pao aw ei ta, Hmah phaohpa ta khoheih liata a ao aw ei ta, Patupa ama châ aw.

ISAI 28:13 ပူးပေါင်းရင်းမြစ်များ

HLAZY 69:22

Ama hmiakô liata ama tlâhkhai cha, Khoheih vaw châ sala; Thlalôhpa ta ama y hai nota, Âmo châta aphyh châ mawh sy.

ISAI 28:10

Biepiepa chô liata biepiepa hropa baichhapa ta, Biepiepa nata biepiepa patho ta; Bieraopa chô liata bieraopa hropa baichhapa ta, Bieraopa nata bieraopa ta a pabie; He liata a chyhta pachu ta, Hao liata a chyhta a pachu,” ama tah.

ISAI 59:10

Mochaopa hawhta pâhchhô pathâ pi ta, Mo hnei leipazy hawhta eima pathâpazi tyh. Nohchhô sawhvaw pi tlai ta, Zâ hawhta a pachhi pi ta; Thatlôpazy hry liata la, Athipa hawh dei eima châ.

HÔSIA 6:5

Chavâta hrohsopazy hmâpa ta tuchheih ei na ta, Ei pakah biezy ta ei thie ha ei; Ei hriena cha dôhla hawhta a pathli.

HÔSIA 8:12

Ei ryhpa bie hluhpi ropa na ta, Ano eih hawhta pachâ vei.

MATHAI 13:14

Hrohsopa Isai ta, “‘Thei cha thei aw ei chi ta, Châhrasala nama novâh aw vei; Hmô cha hmô aw ei chi ta, Châhrasala pahno thai aw veih ei chi.

MATHAI 21:44

Ahy rai cha alô chô liata a paopa cha keichheih aw ta, alô ta a vipa cha a pazao khai aw,” tah ta.

RAWMA 11:9

Dâvi chhao ta, “Ama tlâhkhai cha, Ama châta khoheih nata aphyh châ sala, Achapiana nata viarithôna châ mawh sy.

2 KAWRINI 2:16

py kha châta thina tawhta thina lâ ropahâhpa châ pi ta, py hropa châta hrona tawhta hrona lâ ropahâhpa eima châ. Chazy châta ahy a tloh thei aw?

2 PITY 3:16

A châpaphaopa zydua liata, cha biezy cha reih ta, cha hawhta a roh tyh. A bie ropazy liata thokha cha pahno ru ngaitapazy châ ei ta, chazy cha chyhsa so leipa nata a i leipazy ta, Biehrai bie hropazy ama chhopasiazie hawhta, pako pakâ ei ta, âmosasyh ta amâ pahleipadia tyh.