ISAI 28:1 - Mara Bible RV (BSI)

¹ Epharai sahma paripazy apalaina lakho cha, A hu a po na! Ama rônahna nata angiana cha, Pawpi a lo haipa hawhta châ ta; Kresawhti iah zaipa, Saikao lei phapa luh liata lakho hawhta a châ.

ISAI 28:1 ပူးပေါင်းရင်းမြစ်များ

2 ABEIZY 15:29

Izarei bei Pekâ â bei nota, Asuria bei Tikalâpilesa ta Izaw, Abelamâkâh, Zanô, Kedesâ nata Hâzaw khihpizy, Kilia nata Kâlili râhzy nata Nâthalai râh zydua la ta. Chyhsazy sei ta Asuria râh lâ a chhi ta.

2 THÂTIHZYRONA 28:6

Remâliah sawchapawpa Pekâ ta, noh kha ta Zudâh chyhsa 120,000 thie ta. Ama zydua ta pasaipha châ ei ta, Abeipa, ama pathlatuhpazy Khazohpa amâ heihsaipa vâta pahniepa ama châ.

BIESOZY 23:29

Ahy ma a hupo ta, ahy ma a pachâ a rôh? Ahy ma a hryuh ta, ahy ma a paphôh? Ahy ma a chhâpa y leipa ta hmah a phaoh? Ahy ma a mozy a saih khai haw?

ISAI 28:7

Theihthaipa nata hrohsopa zy chhao ta, Kresawhti vâta a chavia chavô ei ta, Sahma vâta paochheichhâpa ta ama y. Sahma vâta a chavia chavô ei ta, Kresawhti ta âmo cha palâ ta, Sahma vâta paochheichhâpa ta ama y. Aluahna kyh liata pavia pavô ei ta, Bietluna tao nawpa kyh liata ama paochheichhâ tyh.

ISAI 5:11

Mydi kari ta thyupa ta sahma do awpa ta a râ ei ta, Zâcho taihta kresawhti paripa ta a ypazy cha Ama hu a po na!

ISAI 5:22

Kresawhti dona liata ama riahpha kaw ta, Sahma thatlôpa pahlaona liata pasaipha kawpazy cha, Ama hu a po na!

ISAI 8:4

Hawti ta, ‘Ei pâ,’ ‘Ei nâ,’ a tah thai hlâta, Dâmaskâ hneirôna nata Samâri hraona hmozy cha Asuria bei hmiakô liata siekheipa a châ aw,” tah ta.

ISAI 9:11

Chavâta Abeipa ta Rezi chariahpazy cha, Izarei a dyuh awpa ta ama thapatlô aw ta; A khakhaipazy a pathyu aw ei.

ISAI 9:8

Abeipa ta Zakaw pachiana bie paphao ha ta, Cha cha Izarei chô liata a tla aw.

ISAI 9:9

Epharai nata Samâri liata a pahrâpazy ta pahno aw ei ta, Phopi zydua ta ama pahno aw. A palaipa nata a khotlâhpa ta bie reih ei ta,

HÔSIA 4:11

Sihryhna nata kresawhti a ly ei ta, Kresawhti thiehpazy amâ ly; Chazy chata ama pahnona a pahlei lymâ.

HÔSIA 5:5

 palaina ta Izarei cha hmiadaisâ ta padei ta, A thaileichâna liata Izarei nata Epharai ama pao; Zudâh chhao ama hnohta a pao hra.

HÔSIA 5:9

Hriena noh liata Epharai cha roryhrapa ta a y aw, Izarei chizy chô liata a tlô thlyu awpa ei phuah.

HÔSIA 6:10

Izarei o liata hmo chhiepa ei hmô; Cha liata Epharai ta sihryh ta, Izarei ta anosasyh â papuapalei.

HÔSIA 7:5

Eima bei kyhchhi noh liata, Beimachâzy kresawhti pari khai ha ei ta, Abei chhao chyhsa a pahneisaotuhpazy hry liata â hlao hra.

THEIHTHAINA 26:19

Nama thatlôna namâ palaikheipa thlie pachhô aw na ta, nama chô lâta avâzy cha thua hawhta tao aw na ta, nama ry lâta alei dawh hawhta ei tao aw.

AMÔSÂ 2:12

“Châhrasala Nâzaraizy cha kresawhti padosapa ta, Hrohsopazy biepie ei chi ta, ‘Bie nama phuah awpa châ vei,’ nama tah tyh.

AMÔSÂ 2:8

Sôhkâ poh a phawpa ta, Maisâh kiapâh liata a zia ei ta, Chyhsazy ama pacheisapa kresawhti cha, Ama Khazohpa o liata ama doh tyh.

AMÔSÂ 4:1

“Nâmo, Samâri tlâhpi liata Bâsanâ viahchao panôzy saih u, He bie he nathlie teh u; Nâmo, dyhchhiepazy tlybai ei chi ta, Phahlapazy chanaohpa ta, Nama vahpazy hnohta, ‘Do awpa vaw cheih la, Doh ei suh u,’ A tahtuhpazy saih u, He bie he thei teh u!

AMÔSÂ 6:1

Zaio liata huhiehpa ta a ypazy cha, Ama hu a po na; Samâri tlâh liata thlahlôhpa ta a ypazy chhao, Ama hu a po na; Râh a y tuapazy liata chyhsa rônahpazy Ama hu po ta, Izarei pathlazy vaw pangaipa râh cha, A hu a po na!

AMÔSÂ 6:4

“Sianaoh rakhô liata a zia ei ta, Ama dyuchhai chô liata â pazawhpazy; Mietaku zaw liata mietakutaw sa nie ei ta, Viahchao o liata viahchao taw sa a niepazy;

AMÔSÂ 6:6

Biebuh ta kresawhti doh ei ta, Sathaw pha chaipa a thupazy; Châhrasala Zawsi rao nota a taokhei leipazy cha, Ama hu a po na!

AMÔSÂ 6:8

Abeipa Zehôvâh ta anosasyh ta bie a taih ha ta, Abeipa, Pheisaihzy Khazohpa ta a tah: “Zakaw apalaina pasi na ta, A thokhyzy ei hao; Chavâta khihpi nata a chhôh liata a ypa zydua cha, Ama khakhaipazy ku liata ei hlâ khai aw.”