ISAI 27:7 - Mara Bible RV (BSI)

⁷ Izarei a tutuhpazy a tupa hawhna khata, Izarei cha a tu hra ma? Izarei a thietuhpazy a thiepa hawhna khata, Izarei cha a thie hra ma?

ISAI 27:7 ပူးပေါင်းရင်းမြစ်များ

ISAI 10:12

Chatawhcha hetana heta a vaw châ aw. Abeipa ta Zaio Tlâh nata Zeru­sale chô liata a raihria zydua a paloh tita, Asuria bei cha a palôh laina bie nata a mo â pasâhsana vâta a hrie aw.

ISAI 10:17

Izarei khaihna cha mei châ aw ta, A Mo Pathaihpa cha mei palei a châ aw; Chatanachata a diahsai nata ahlohzy cha, Noh kha ta a kâ patlô khai aw.

ISAI 17:14

Moh tua u, zâlâ ta chichhihpa eikhapi ta vaw y ta, Khihdei hlâta a lei ha tyh. Cha hawhpa cha miah hraotuhpazy tovyuh châ ta, Eima hmo a parutuhpazy hmô awpa cha a châ.

ISAI 17:3

Epharai thokhy khihpi leipa ta, Dâmaskâ khinarâh leih aw ta, Aramia laibâhpazy cha Rônahna a pahlei hapa Izarei sawzy hawhta ama châ aw, Pheisaihzy Abeipa ta a tah.

ISAI 30:31

Abeipa ta a chôchahrei ta a tu tita, Asuria mo cha Abeipa ao vâta china ta a patu aw ei.

ISAI 31:8

“Asuria cha a pao aw, Chyhsapa zaozi ta deikua châ leipa aw ta, Chyhsapa zaozi a châ leipa zaozi ta a palâ aw. Zaozi tawhta a râ aw ta, A satliazy cha raihriatuhpazy ta taopa ama châ aw.

ISAI 31:9

Asuria lôpanô cha chichhihna vâta zao aw ta, A beimachâzy chhao chipa ta ama pao aw,” Abeipa, Zaio liata mei patih ta, Zerusale liata patina meihô a patihpa ta a tah.

ZEREMIAH 50:40

Khazohpa ta Sawdawmâ nata Kawmawrâ parao ta, A chheipâh khihpizy a parao khai hapa hawhna khata, Cha liata ahy hmah pahrâ khao leipa aw ei ta, Cha lâ a paihpa chyhsa saw ahy hmah y aw veih ei,” Abeipa ta a tah.

ZEREMIAH 51:24

Châhrasala Babylaw khihpi nata Kaldia chyhsazy cha, Zaio chô liata hmo chhiepa ama taopa zydua vâta, Nama mohmô lia tlai ta viari ei thô aw ei,” Abeipa ta a tah.

NÂHU 1:14

Abeipa ta nâma kyh liata Hetana heta bie a pie haw: “Na moh y zôzaw khao aw vei; Nothlah khiepa nata nothlah leihpa zy cha, Na khazohzy o tawhta ei chhawh pathlah ha aw. Zakhei nâ chhih tu hapa vâta, Na thlâ ei cha chaopa aw.

NÂHU 3:19

Na hmah ru ngaita ta, Na pasana pahua nawpa y vei; Na thâ a theipa zydua ta Ama ku ama cha chabaih chie. Chhiena na taopa chhâ beih leipa vâta, Pasa a tao leipa ahy ma a y?