ISAI 27:11 - Mara Bible RV (BSI)

¹¹ A chiahzy cha ama uah tita tlie ei ta, Chanôzy a vy ei ta tho châta ama pakhy tyh. Pahnona a hnei leipa phopi châ ei ta, Chavâta âmo a taotuhpa ta zawh a ngiah leipa aw ei ta, Âmo a paduatuhpa ta khohkhei aw veih ei.

ISAI 27:11 ပူးပေါင်းရင်းမြစ်များ

HLAZY 106:40

Chavâta Abeipa pathi cha a phopi chô liata thata ia ta, A ryuto a pasi ngaita.

ISAI 1:3

Viahchao tôhpa ta a hneituhpa pahno ta, Alâ ta a puhpa châki a pahno; Izarei deikua ta pahno leipa ta, Ei phopi ta a novâh vei.”

ISAI 18:5

Kre zôh a paw pawh ta, A paw tawhta a thei a pabyuhpa hmoh pathao ta, Châhrasala kre thei lyu daihti a tlôh hlâta, Abeipa ta tâkô ta kre chhyhzy chhawh pathlah aw ta, A chiah a zawhpazy thlâ aw ta a pathla khai ha aw.

ISAI 43:1

Tahmâ deikua cha, Hy Zakaw, châ paysatuhpa Abeipa ta hetana heta tah ta; Hy Izarei, châ paduatuhpa Abeipa ta hetana heta a tah: “Chi khah y, ei cha chatlai haw; Na moh ta cha aw na ta, Keima eih mah na châ tâh.

ISAI 43:7

Ei rônahna châta paysa na ta, Kei ta padua na ta, kei ta ei taopa, Ei moh a phaohpa maih a vaw chhi khai mah y.”

ISAI 44:2

Cha tao ta, nô chhi chhôh tawhta cha padua ta, Châ bao lymâ awpa Abeipa ta hetana heta a tah: Hy nâ chakaotuhpa Zakaw y, chi leipa la, Hy ei tlyhpa Zesuruh y, chi khah y.

ISAI 44:24

Abeipa, châ chatlaituhpa ta hetana heta tah ta, Chhi tawhta châ paduatuhpa ta hetana heta a tah: “Kei he Abeipa, ato zydua taotuhpa ei châ; Avâzy a paraituhpa a y chhôhpa châ na ta, Alei a pazawhtuhpa a y chhôhpa ei châ.

ISAI 5:13

Chavâta ei phopi cha pahnona amâ phahlapa vâta sei ta a chhipa ta y ei ta, Ama chyhsa zachhihpazy nodipa ta thi ei ta, Ama zawpizy dâhphipa ta ama thi.

ISAI 9:17

Chavâta Abeipa cha ama satliazy chô liata a ly leipa aw ta, Ama harapazy nata nôhmeizy chhao ngiachhie hra aw vei. Chyhsa to Khazohpa a pachâ leipa nata moleipa sai châ ei ta, Pakah to hruna bie a reihpa sai ama châ. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ZEREMIAH 11:16

Abeipa ta, ‘Ôli tho hrohpa, thei pha a patheipa tho a ngiapa,’ tahpa ta moh a cha bipa kha na châ. Châhrasala chothyu ru ngaitapa a hrâhna hry liata mei ta rao aw ta, a chiahzy a thlie khai ha aw ei.

ZEREMIAH 13:14

Âmo nata âmo pasukhysa aw ei na ta, pawzy nata sawchapawzy amâ sukhy aw. Âmo pahleipadia lei awpa ta, ngiachhie leipa aw ei na ta, pahlôh hra leipa aw ei na ta, ei tha pasa aw veih ei,’” Abeipa ta a tah.

ZEREMIAH 16:5

“Abeipa ta hetana heta a tah: He phopi tawhna heta ei thlalôhna la ha na ta, ei kyhpachâna nata zawngiahna chhao ei la haw. Chavâta mâchhiesana o liata a ngia leipa la, âmo châta chaphôhtu awpa ta tlyma, taokhei awpa ta tlyma, vawh hra khah y, Abeipa ta a tah.

ZEREMIAH 25:37

Abeipa hiehâhna ru ngaitapa vâta, Mietaku sadô thlalôhchhih kawpazy cha, Ama dâh karoh haw.

ZEREMIAH 4:22

“Ei phopi cha hru ha ei ta, Na pahno veih ei; Saw nokhih leipazy châ ei ta, Novâhna hnei veih ei. Hmo pha leipa taona liata so kaw ei ta, Hmo phapa taonazie deikua pahno veih ei,” Abeipa ta a tah.

ZEREMIAH 8:7

Avâ liata riasi hmahta â pasie nawpa daihti pahno ta, Vachhuh nata siviah nata vawpô zy chhao, A daihtita liata ama vaw tlô tyh. Ei phopi deikua cha, Abeipa bieraopa pahno veih ei.

EZEKIA 19:12

Châhrasala kre zôh cha hiehâhpa ta phia ei ta, Alei liata ama thy haw; Nochhi thlih ta a thei pachawh ta, A theizy zô ta a uah haw. A chiah châpa chhao, Mei ta a kâ haw.

EZEKIA 20:47

Neke râhmâhpa hnohta, ‘Abeipa bie nathlie teh, Abeipa Zehôvâh ta hetana heta a tah: Moh teh, na chhôh liata mei patih aw na ta, na chhôh liata tho hrohpa nata tho raohpa zydua a kâ khai ha aw. Meipaleih a duah ngâpa cha pachhaipa châ leipa aw ta, chho lâ tawhta maw lâ taihta râh hmia zydua a kâ khai ha aw.

EZEKIA 9:10

Chavâta kei chhao ta pahlôh leipa aw ei na ta, ngiachhie aw veih ei na. Ama hmotaopazy ama luh chô liata ei vaw patlôsa aw,” tah ta.

HÔSIA 4:14

Chatahrasala, nama sawchanôzy cha, Ama sihryhna vâta hrie aw veih ei na; Nama myuhnôzy chhao, Amâ pheina vâta hrie aw veih ei na; Chapawzy ta sihryhnô cha a pheikhei ei ta, Âzuahnôzy nata atheihna ama hlâ khohpa tlao a châ. Pahnona a phahlapa phopi cha a leidia aw.

HÔSIA 4:6

Pahno leina vâta Ei phopi cha paraopa a châ; Pahnona na dythapa vâta, Ei theihthaipa na châna tawhta Ei cha dytha ha hra. Na Khazohpa ryhpa na mypa vâta, Kei chhao ta na sawzy ei my hra aw.

MATHAI 13:15

Cha phopi palôh cha a kuhchha ha ta, Ama nah ta bie thei thai khao leipa ta, Ama mo ama paso haw. Chata châ vei sala cha, Ama mo ta hmôpa ta, Ama nah ta thei aw ei ta, Ama palôh ta pahnopa ta, Kei lâ a vaw heih aw ei ta, Ei patlâh ha awpa ei tlai,’ tahpa ta hrohsona bie a reipa kha ama chô liata a vaw tlô hapa a châ.

MATHAI 13:19

Ahy rai khinarâh bie thei ha tlôh ta, a pahno thai vei khiahta cha, moleipa a vy ta, a palôh liata chi hiepa cha a lapa ha tyh. Cha cha lâpi liata chi hiepa cha a châ.

MATHAI 3:10

Tahmâ chhao tlai he, tho tharizy liata ahrei sopa a châ haw. Tho to thei pha a pathei leipa maih thlu ta mei liata thypa a châ aw.

ZAWHÂNA 15:6

Keima liata a y thlâh ha leipa cha, a chiah hawhta thypa ta y ta, a uah tyh. A chiahzy cha pakhy ei ta, mei liata thypa ta, ama rao tyh.

RAWMA 1:28

Khazohpa pahnopa cha hmo phahnai leipa hawhta ama pachâpa vâta, palôh doleipa phaoh ta, tao lei awpazy tao awpa ta Khazohpa ta âmo cha â heihsai ha ei.

RAWMA 1:31

ahrupa, ngiapâ leipa, palôh a hnei leipa nata zawngiahna a hnei leipazy ama châ.

RYHPACHANEINA 4:6

Chavâta zyh u la, tao muh vy. Cha cha phopizy mohmô ta nama sona nata novâhna a châ aw. Chatanachata bieraopa zydua cha ama thei tita, “He phopi rônahpa he phopi sopa nata novâhpa tlai na ama châ,” ama tah aw.

1 THYSALAWNIKA 2:16

Zenitaizy pachha ama châ thei nawpa ta ama hnohta bie chho awpa miah pakhâ ei ta, chatanachata ama moleina panuana ama pabie lymâ. Achhâna liata cha Khazohpa hiehâhna ama chô liata a vaw tlô haw.

ZÂMIE 2:13

Zawngiahna a hnei leipa chyhsa cha, pachiana ta ano cha zawh a ngiah hra aw vei. Zawngiahna cha pachiana hlâta a rônah via.