ISAI 26:6 - Mara Bible RV (BSI)

⁶ Phei ta khihpi cha tlypâ ta, Dyhchhiepazy phei ta tlypâpa ta y ta, Phahlapazy keih ta tlypâpa ta a y.”

ISAI 26:6 ပူးပေါင်းရင်းမြစ်များ

2 ABEIZY 9:33

Zehu ta, “Kha chanô kha za thy pathla teh u,” tah ta. Za thy pathla ei ta. Pâhchhô nata arâzy liata a thi a pie ta, arâzy ta ama tlysao haw.

ISAI 11:4

Dyhchhiepazy chô liata adona ta ryureih aw ta, Lei chyhsa nônaipazy châta a khongâh kawpa ta a pachia aw. A pakah chôchahrei ta nôchhiepazy tu aw ta, A hmao hu ta hmoparaopazy a thie aw.

ISAI 25:10

He tlâhpi liata Abeipa ku a pahâ aw ta, Viahchao ie liata sawphao tlypâpa hawhta, Môabâ cha ano su liata tlypâpa a châ aw.

ISAI 28:3

Epharai sahma paripazy apalaina lakho cha, Phei ry liata tlypâpa châ aw ta;

ISAI 29:19

Areisipazy cha, Abeipa liata alyna thiehpa hmô aw ei ta, Chyhsapa hry liata dyhchhiepazy chhao, Izarei Mo Pathaihpa liata thaphapa ta ama y aw.

ISAI 3:14

Abeipa ta a phopi machâzy pachia ta, A chhituhpazy a pachia; “Kre sadô a nie khaipa cha, Nâmo tlai he châ ei chi ta; Nama ozy liata, Dyhchhiepazy hraona sôh a y.

ISAI 3:15

Kheihta ma dyhchhiepazy hmia chariehpa ta, Ei phopi cha nama chanaoh ngâ tly?” Pheisaihzy Abeipa Zehôvâh ta a tah.

ISAI 37:25

Tikhaohzy chaopa ta tizy doh na ta, Izi vahtiepa zydua Ei pheipazah ta ei pakua khai ha ei,’ tah chi ta.

ISAI 60:14

Pasa châ pataosatuhpa sawchapawzy cha, A bôhpa ta nâ lâ a vy aw ei ta; Châ mohnaotuhpa zydua chhao, Na phei thaby liata amâ bôh aw. “Abeipa Khihpi” cha tah aw ei ta, “Izarei Mo Pathaihpa Zaio Khihpi” ama cha tah aw.

ZEREMIAH 50:45

Chavâta Babylaw chô liata Abeipa ta tao â chhuahpa he nathlie u la, Kaldia râh chô liata tao â chhuahpazy he nathlie teh u: Ama sahroh zaw tawzy a daophipa châ aw ei ta, ama hmo a tyhpa cha ama tlaihna sibiepa suzy taihta rarôh y ama tah aw.

DÂNIAH 7:27

Chatawhcha khinarâh nata ryureina cha, Chônôchaipa phopi mopathaihpazy hnohta piepa châ aw ta; Avâ ry zydua liata khinarâhzy rônahna chhao, Ama hnohta piepa a châ aw. A khinarâh cha tlyzaw khinarâh a châ aw; Ryureituhpa zydua ta ano cha chakao aw ei ta, A rei amâ ngiah aw.’”

ZEPHANIA 3:11

“Cha noh liata cha, Ei chô liata moleina hmo taopa ta, Einâ dyuhnazy vâ chi ta, Maophyuhpa ta paysapa châ khao aw va chi. Thaphapa ta namâ palaikhei kaw tyhpazy cha, Nama hry tawhta la aw na ta, Ei tlâh pathaihpa liata Akhotlâhpa ta y heih khao aw veih ei chi.

MALAKHAI 4:3

Cha hmozy ei tao noh liata cha, moleipazy tlypâ aw ei chi ta, nama pheipazah ry liata buchâh hawhta ama châ aw,” Pheisaihzy Abeipa ta a tah.

LUKA 10:19

Pachâ teh u, parihzy nata râh cha-iazy tlybai theina nata khakhaipa hmotaotheina zydua chô liata biehneina ei cha pie ei. Khâpa ta hmah cha pasasa aw veih ei.

RAWMA 16:20

Thlalôhna Khazohpa ta Sâtâ cha nama phei ry liata a tlysao patoh aw. Eima Beipa Zisu Krista ngiachhiena nama hnohta y mawh sy.

1 KAWRINI 1:26

Unawh saih u, a cha awna ei he pachâ tua u. Khizaw lâ tawhta thliepa ta cha, nama hry liata chyhsa sopa hluh veih ei chi. Hmotaotheipa chhao hluh leipa ei chi ta, nôpawpa saw hluh hra veih ei chi.

ZÂMIE 2:5

Unawh kho ngaitapa saih u, pachâ tua u! Khizaw pachâ ta dyhchhiepazy cha, ngiapâna liata hneirôh awpa nata ano kyh pachâtuhpazy hnohta bie â taihpa khinarâh ryutotuhpazy châ awpa ta, Khazohpa ta â tlyhpazy châ veih ei ma?

ZAWSUA 10:24

Beizy cha Zawsua kô ama vaw tlôkhei nahta, Zawsua ta Izarei chapaw zydua awpakhy ta, a hnohta a sie hrapa pheisaih hyutuhpazy hnohta, “A vaw hnia u la, he beizy rao he vaw tly teh u,” tah ta. A vaw hnia ei ta, beizy rao cha tly ei ta.

BIEPHUAH 2:26

Pahnietuhpa nata ei hmotaopazy a chhâna taihta a pyhtuhpa cha phopizy chô liata biehneina ei pie aw.

BIEPHUAH 3:9

Moh teh, Sâtâ pakhyna o liata chyhsazy, Zu chyhsa hmeiseihpa châ tlôh leipa ta, haipa ta Zu chyhsa â tahpazy cha na phei thaby liata vaw pabôhsa aw ei na ta, kyh ei cha pachâ tahpa ama pahno aw.