ISAI 26:5 - Mara Bible RV (BSI)

⁵ Su sâhpa liata a pahrâpazy pahnai ta, Khihpi â pasâhsa kawpa cha a panawh haw. Alei taih tlai ta khihpi cha panawh ta, Dohlei taih tlai ta a pahnai haw.

ISAI 26:5 ပူးပေါင်းရင်းမြစ်များ

HLAZY 79:8

Miah pathlatuhpazy moleina vâta miah hrie leipa la, Na zawngiahna ta miah a tyh patoh mawh sy, Thata panawhpa ta eima y ha hih.

ISAI 13:11

“Khizaw he a moleina vâta hrie aw na ta, Moleipazy cha ama paraona vâta ei hrie aw ei. Akhotlâhpazy apapiparysana pachhâsa aw na ta, Nôchhiepazy apalaina ei panawhsa aw.

ISAI 14:13

Na palôh liata, ‘Avâ lâ kiah aw na ta, Khazohpa awhsizy chô lâ liata Vâ chô sâhpa liata ei beidyuchhai patyu aw na ta, Maw chhâna pakhypi tlâh liata ei tyuh aw.

ISAI 2:12

A palaipa nata a khotlâhpa nata a pasâhsapa zy cha, Ama chô liata chhiena a patlôsa nawpa noh Pheisaihzy Abeipa ta hnei ta, Panawhpa ama châ aw.

ISAI 24:10

Khihpi a tymâpa cha paraopa châ ta, Ahy hmahta amâ ngia thei lei nawpa ta, O zydua khawpa a châ.

ISAI 25:2

Khihpi cha alô pathluna ta tao chi ta, Thokhy khihpi cha khih rypa ta na tao haw; Chihropazy thokhy khihpi chhao, Khihpi châ khao leipa ta, Khatita hmah paduapathipa châ khao aw vei.

ISAI 32:19

Pareih ta râhmâhpa chanaoh ta, Khihpi paby khai ha hra sala,

ISAI 47:1

Hy Babylaw zuah kônô y, Za chô la dohlei liata a zâ tyuh teh; Hy Kaldia zuahnô y, Beidyuchhai leipa ta alei liata a tyuh teh! Nônai nôtlyhnô cha tah khao aw veih ei.

ZEREMIAH 51:37

Babylaw cha raona apathlupa châ aw ta, Changiezy tlaihna a châ aw; Su chichhihpa nata hmaotô chiepa châ aw ta, Chyhsa pahrâ leina khihpi a châ aw.

ZEREMIAH 51:64

‘He châbu hawhna heta Babylaw cha a pamôh aw ta, a chô liata chhiena ei patlôsa awpa vâta, thyu khao aw vei, thachhâ ngaitapa ta ama y aw,’ tahpa ta reih mah y,” tah ta. Kha via kha Zeremiah biezy cha a châ.

CHAPHÔHTUNA 2:2

Abeipa ta zawngiahna rai hnei leipa ta palâ ta, Zakaw pahrâna su zydua a palâ khai haw; A pathiiana ta parao ta, Zudâh sawchanô thokhyzy a parao khai haw; Khinarâh nata a beimachâzy chhao, Nohzaopa ta a panawh khai ha ei.

EZEKIA 26:11

Arâ chakiezy ta na khih chhôh lâpi zydua a parao khai aw. Na chyhsazy zaozi ta thie aw ta, na otôh pachyupazy alei liata ama pao aw.

EZEKIA 28:17

Na chhithaina vâta na palôh lai ta, Na sona cha nâma rônahna châta na hmâh tyh. Chavâta alei liata cha thy na ta, Beizy mo lôhrâ patlô nawpa ta, Ama hmiakô liata ei cha chaluah.

BIEPHUAH 18:2

Vâlyuhchâpa chata ao thatlô ngaitapa ta, “A pao haw, Babylaw rônahpa a pao haw! Ahripazy pahrâna, Thlahpa puapa to ahrâhna, Pavaw puapa to pahrâna, Hmo puapa nata pasichhihpa to atohna Khihpi lâta â lie haw.