ISAI 26:15 - Mara Bible RV (BSI)

¹⁵ Nâ ta he phopi he papôhsa chi ta, Hy Abeipa, he phopi he na papôhsa haw; A râh râhrizy pakawh chi ta, Chavâta palyupalihpa ta na y.

ISAI 26:15 ပူးပေါင်းရင်းမြစ်များ

ÂTHAONA 12:2

“Phopi rônahpa ta cha tao aw na ta, Byhnâ ei cha pie aw; Na moh parônahsa aw na ta, Byhnâ na châ aw.

ÂTHAONA 13:16

Na pathlazy alei dohlei zie ta ei tao aw ei. Chyhsa ta alei dohlei a rei tiah khiahta cha, na pathlazy chhao rei tiahpa ama châ aw.

1 ABEIZY 8:46

“Chyhsa ahy hmah a molei beih leipa y veih ei. Na phopi chhao ta na chô liata ama molei tita, ama chô liata na pathi ia ta, chavâta ama chariahpa ku liata âmo cha pie chi ta, chariahpa râh lâhlapi lâta tlyma, lâhnia liata tlyma, sei ta a chhipa ta y ei sala,

2 ABEIZY 17:23

Chavâta Abeipa ta a hrohsopa zydua hmâpa ta a rei hapa hawhta, Izarei cha a mohmô tawhta a papua haw. Chatanachata Izarei cha ama râh tawhta Asuria lâ a chhipa châ ei ta, tanoh taihta cha su liata ama y.

2 ABEIZY 17:6

Hôsia kô chaki â bei kô ta, Asuria bei ta Samâri khihpi cha la ta, Izarei mo cha Asuria râh lâ siekhei ta, Hâlâh khih nata Hâbaw chavah liah liata Kôzani khih nata Mede mo khihpizy liata paysa ta.

2 ABEIZY 23:27

Abeipa ta, “Izarei ei papuapa hawhta Zudâh chhao ei mohmô tawhta papua aw na ta, khihpi ei tlyhpa, Zerusale nata ‘cha liata ei moh a y aw,’ ei tahpa Achhyna o chhao he hnôh ei chhy aw,” tah ta.

NEHEMIAH 9:23

Ama pathlazy cha avâ awhsi zie ta papôh chi ta, a ngia ta hnei awpa ta ama pathlatuhpazy hnohta na chhopa râh lâ nâ chhi ei.

ZAWBÂ 12:23

Phopizy parônahsa ta, A parao heih tyh ei; Phopizy palai ta, A papai hei hra ei.

ISAI 10:22

Hy Izarei, na phopi cha tilaipi sadi tlu ta hluh hra ei sala, laibâhpazy deita ama vaw kua aw. Raona bie papua hapa châ ta, adona a khô pathlah.

ISAI 33:17

Na mozy ta abei angiana hmô aw ta, Râh kawh ngaitapa a sai aw.

ISAI 40:5

Chatawhcha Abeipa rônahna a vaw luah aw ta, Chyhsa zydua ta â raohpa ta ama hmô aw, Abeipa pakah ta a reih haw.”

ISAI 44:23

Abeipa ta chatlaina tao ha ta, Chavâta, Hy avâzy saih u, hla sa u la, Hy alei su a thupazy saih u, awh teh u. Hy tlâhpizy saih u, hla paryh u la, Hy râhmâhpa nata a chhôh liata tho to saih u, hla paryh teh u! Abeipa ta Zakaw cha chatlai ha ta, A rônahna Izarei liata a paluahsa haw.

ISAI 6:12

Abeipa ta chyhsazy lâhlapi lâ pasiepa ta, Râh chhôh liata su siesaipa hluhpi a y hlâlei cha, Cha hawhta a châ aw.

ISAI 60:21

Na phopi cha ama zydua ta mosiapa châ khai aw ei ta, Râh cha tlyzaw ta ama hnei aw. Palyupalihpa ta ei y thei nawpa ta, Âmo cha chhyh thao awpa ta loh ei na ta, Ei ku raihriazy ama châ.

ISAI 9:3

Cha phopi cha palaiseihsapa ta, Amâ lyna papôh chi ta; Sâh hria nota a lypa hawhta, Na hmiakô liata a ly ei ta; Hraona sôh amâ rai nota amâ lypa hawhta, Na hmiakô liata amâ ly.

ZEREMIAH 30:19

Ama hry tawhta alyna bie reina hlazy vaw pua aw ta, Thaphapa ta awhna pyuzy a vaw pua aw. Ama maluh papôh aw na ta, Maluh chyhta châ aw veih ei; Parônahsa aw ei na ta, Anawhpa châ aw veih ei.

ZEREMIAH 32:37

Moh teh u, ei hiehâhna, ei pathiiana nata ei ruchhôna ru ngaitapa ta âmo ei to papua hana râh zydua tawhta pakhy heih aw ei na ta, he su lâ he a vaw chhi pakhua aw ei na ta, â bohpa ta ei paysa aw ei.

EZEKIA 36:24

Phopizy hry tawhta cha lapa ta, râh to tawhta cha pakhy aw ei na ta, nama râh lâ tlai ei châ chhi aw ei.

EZEKIA 5:12

Na khihsawzy su thôh su kha cha, potlana nata khihpi chhôh liata chakâhna ta ama thi aw. Su thôh su kha hropa cha, na chheipâh zydua liata zaozi ta ama pao aw. Su thôh su kha hropa heih cha, ziza zydua lâta hiepatla aw ei na ta, ei zaozi phia aw na ta, ei chadai aw ei.

MALUHREINA 23:10

Ahy ma Zakaw dohlei reih thei aw ta, Ahy ma Izarei doh khuh a paki thei aw? Mosiapa thipa hawhta thi sah la, Ano chhâna hawhta ei chhâna châ mawh sy!” tah ta.

LUKA 21:24

Zaozi ta thi aw ei ta, phopi zydua sei ta a chhipa ama châ aw. Zenitaizy noh â ki hlâlei cha, Zerusale cha Zenitaizy tlypâpa ta a y aw.

ZAWHÂNA 15:8

Thei hluhpi pathei ei chi ta, ei pachupazy nama châpa nama palâsapa liana heta, ei Paw cha parônahsapa ta a y.

ZAWHÂNA 17:1

Cha biezy cha Zisu ta a rei khai nahta, avâ lâ ua ta, “Ei Paw, a daihti a tlô haw, na Sawchapawpa he parônahsa mah y. Chatanachata na Sawchapawpa chhao ta a cha parônahsa aw.

RYHPACHANEINA 10:22

Châ pathlatuhpazy kha Izi râh lâ sysari ta zu ei ta, tahmâ cha Abeipa nama Khazohpa ta vâ awhsi zie ta hluhpa ta a cha tao ha ei.

RYHPACHANEINA 28:25

“Abeipa ta nama chariahzy hmiakô liata cha panawh aw ei ta, âmo a dyuh awpa ta lâpi miakha a chhih aw ei chi ta, lâpi miasari lâta ama hmiakô liata namâ râpai aw. Chatanachata khizaw khinarâh zydua chipa ta a paysatuhpa nama châ aw.

RYHPACHANEINA 28:64

“Abeipa ta kaokih liata, alei chhâna miakha lâ tawhta miakha lâ chhâna taihta a ypa phopizy hry liata cha papai aw ei ta, cha liata nâmo nata châ pathlatuhpazy ta nama pahno beih leipa tho nata lô khazohzy nama chakao aw.