ISAI 26:14 - Mara Bible RV (BSI)

¹⁴ Bei hropazy cha thi ha ei ta, Hroh heih khao aw veih ei; Nohpahlipa dei châ ei ta, Thyu heih khao aw veih ei. Âmo cha hriepa ta pahleipadia khai ha chi ta, A thei ngâ thlâh hapa châ khao veih ei.

ISAI 26:14 ပူးပေါင်းရင်းမြစ်များ

ZAWBÂ 18:17

Ano atheithlâhna alei tawhta lei aw ta, Lâpi liata a moh y aw vei.

ZAWBÂ 24:20

Chhi ta âmo cha my ta, Alôpa châta athlôhpa châ ei ta, Atheipa châ khao leipa ei ta, Paraotuhpazy cha tho hawhta thliepa ama châ.

ZAWBÂ 7:9

Meihdo pai ta a leipa hawhta, Athihkhih lâ a zu hapa cha, Kaw pua khao aw vei.

HLAZY 106:28

Bâlâ-peô a chhy ei ta, Athipa lâta hlâpa atheihna sazy ama nie.

HLAZY 109:13

A pathlazy chhawh pathlahpa ta y ei sala, Chhâ a vaw pazi awpa liata a moh pahno khao leipa châ mawh sy!

HLAZY 135:17

Nakhaohzy hnei ei ta, Thei veih ei; Ama pakah liata husona y hra vei.

HLAZY 36:12

Cha liata hmoparaopazy paopa ta a zawh ei ta, Chati pathlahpa ta y ei ta, Thyu thei khao veih ei.

HLAZY 59:5

Hy Zehôvâh Khazohpa Atotaotheipa, Nâ cha Izarei Khazohpa châ chi ta, Râhzy hrie awpa ta thyu la, Moleina rarôh ypa taotuhpazy cha, Ahy hmah pahlôh khah y. Selah

HLAZY 9:6

Chariahpa cha a mua ta, Tlyzaw ta a rao haw; Ama khihpizy phia chi ta, Âmo atheithlâhna a lei khai haw.

PUASAINA 14:30

Cha hawhna chata Abeipa ta Izarei sawzy cha, cha noh liata Izi mo ku tawhta a pachha ha ei. Izarei sawzy ta Izi mo cha thiruapa ta tilaipi kiah liata hmô ei ta.

BIESOZY 10:7

Mosiapa atheithlâhna cha vânoh tona châ ta, Moleipa moh deikua cha a thuzao aw.

BIECHHOTUHPA 9:5

Ahrohpazy cha ama thi awpa a pahno ei ta, athipazy deikua cha khâpa hmah pahno khao veih ei. Chavâta lymâ ama dao awpa y khao leipa ta, ama moh chhao mypa ta a y.

ISAI 10:3

Lâhlapi tawhta chhiena vaw tlôna noh, Hriena noh liata khâpa ma nama tao aw? Baona hia awpa ta ahy lâ namâ râ aw? Khataih liata ma nama sôh nata thih nama siesai aw?

ISAI 26:19

Nâma liata a thipazy cha hroh aw ei ta, Ama pôhpa a thyu heih aw. Dohlei liata a ziapazy a hra aw ei ta, Thaphapa ta hla ama sa aw. Na diati cha my diati châ ta, Athipazy alei tawhta ama vaw hroh heih aw.

ISAI 29:6

Pheisaihzy Abeipa ta cha vaw tly aw ta, Tôkalôhpa nata alosihpa chhaota cha vaw tly aw ta, Pyu paro ngaitapa chhaota a cha vaw tly aw; Khisô nata chothyu chhaota cha vaw tly aw ta, Meipaleih charôh ngâpazy chhaota a cha vaw tly aw.

ISAI 37:19

ama khazohzy chhao mei liata ama thy ha tlai. Chazy cha Khazohpa châ leipa ei ta, chyhsapa ku ta taopa tho nata lô dei ama châpa vâta pahleipadiapa ama châ.

ISAI 8:19

Chyhsazy ta, “Pavaw tieta hawhta sâh ei ta, chaeichamypa ta bie a reihpa peihthaipa nata dyuthaipa zy a saohiah teh u,” ama cha tah tita, hetana heta a chhy teh u. Phopi miakha châ hra tlôhpa khiahta cha, ama Khazohpa amâ saohiah awpa châ hri vei ma? Ahrohpazy châta ma athipa tlao amâ saohiah aw?

MATHAI 2:20

a hnohta, “Thyu la, hawti nata a nô kha a chhi la, Izarei râh lâ sie mah y, hawti hrona la a chhuahpazy kha ama thi haw,” tah ta.

RYHPACHANEINA 4:28

Cha liata chyhsapa ku ta taopa tho nata lô khazoh, a hmô thei leipa, a thei thei leipa, a nie thei leipa, roh theina chhao a hnei leipa nama chakao aw.

BIEPHUAH 20:5

Athihpa hropazy deikua kô sâh kha a tloh hlâlei cha hroh mâh veih ei. Cha cha thyuheihna eikhana a châ.