ISAI 26:13 - Mara Bible RV (BSI)

¹³ Hy Abeipa eima Khazohpa, Nâ deita eima chô liata ryureih leipa chi ta, Bei hropazy chhao ta ryu ama reih tyh; Châhrasala nâma moh deita eimâ thei tyh.

ISAI 26:13 ပူးပေါင်းရင်းမြစ်များ

2 THÂTIHZYRONA 12:8

Chatahrasala Sisâ chakaotuhpazy ta ama y aw. Chatanachata keima chakaopa nata khizaw khinarâhzy chakaopa ânanonazie ama pahno aw,” tah ta.

ISAI 10:11

Samâri nata a khazoh nothlahpazy chô liata ei taopa hawhta, Zerusale nata a khazoh nothlahpazy chô liata chhao, Tao hra aw va na ma?” tah ta.

ISAI 12:4

Cha noh liata hetana heta nama tah aw: “Abeipa lâ alyna bie hlâ u la, A moh pado teh u; A hmotaopazy cha phopizy hry liata pahnosa u la, A moh cha cheihchalopa a châ tahpa ta phuah teh u.

ISAI 2:8

Ama râh cha khazoh nothlahpazy ta bie ta, Ama ku ta ama taopazy hmia liata a bôh ei ta, Âmo kuparo ta a taopazy hmia liata amâ bôh tyh.

ISAI 26:8

Hy Abeipa, na lâpi dopa liata cha hâ pi ta, Na moh nata na mohphana zy he, Eima hro ta a tlaichhaipazy cha a châ.

ISAI 51:22

Nama Beipa Zehôvâh ta hetana heta tah ta, A phopi a reikheituhpa nama Khazohpa ta hetana heta a tah: “Paochheichhâna nyu nama ku tawhta la ha na ta, Ei hiehâhna nyu doh khao aw veih ei chi.

ISAI 63:7

Abeipa cha ato miah pietuhpa châ ta, A zawngiahna nata a ngâchhihna lymâ hawhta, Izarei chô liata a pha ngaitapa a châ; Chavâta Abeipa ngâchhihna cha, Khâ a thei aw na ta; Abeipa reithainazy cha, Khâ ei thei thlâh ha aw.

ISAI 64:5

Nâ cha siana a taotuhpazy A ly kawpa ta a tyh tyhpa châ chi ta, Nâ lâpi a thei thlâh hapazy a tyh tyhpa na châ. Pachâ tua, eima moleina vâta na hiehâh ta, Keimo hra cha eima moleina liata bohpi y pi ta, Kheihta ma pachhapa ta eima y thei rai aw tly?

AMÔSÂ 6:10

Athipa châta ropahâhpa a rao awpa a heinawh a vy sala, o tawhta a ri puakhei a chhuahpa ta, o chao chhâna liata a ypa cha hiahri sala, “Nâma leipa ta ahrohpa ama y khao ma?” tah sala, “Y veih ei” a tah khiahta cha, ano ta, “Na reih pathlie kha! Abeipa moh eima reih awpa châ vei” a tah aw.

MIKÂ 4:5

Phopi to ama khazoh moh chyu ta charei ei ta, Keimo deikua cha, Abeipa eima Khazohpa moh ta, Chhâzaw nata tlyzaw ta eima charei aw.

ZAWHÂNA 8:32

Biehmeiseihpa pahno aw ei chi ta, biehmeiseihpa ta kho ta a cha palaisa aw ei,” tah ta.

RAWMA 6:22

Tahmâ deikua cha, moleina tawhta khotalaipa châ ha ei chi ta, Khazohpa seizy nama châ haw. A theilâpa nama hmôpa cha pathaihna lâta a chhipa châ ta, cha chhâna cha chhâzaw hrona a châ.

1 KAWRINI 4:7

Ahy ma mohropazy nata ananopa ta châ tao? Na dao leipa hmo khâpa na hnei? Na daopa a châ tlôh khiahta cha, khazia daopa a châ leipa hmo hawhta nâ palaikhei?

HEBRAI 13:15

Chatanachata ano zawhzi ta reithaina atheihna cha Khazohpa hnohta khâ hlâ suh vy. Cha cha a moh achâhkheina hmaozy theilâpa a châ.

ZAWSUA 23:7

Nama hry liata a ypa phopizy a kao leipa u la, ama khazohzy moh pado khuh vy. Ama khazohzy moh ta bie a taih leipa u la, cha khazohzy cha chakao leipa u la, a chhy khuh vy.