ISAI 26:10 - Mara Bible RV (BSI)

¹⁰ Moleipa cha khokheipa a châ khiahta cha, Siana a chu beih aw vei; Adona râh liata avyuhna tao pyly aw ta, Abeipa rônahna hmô hlei aw vei.

ISAI 26:10 ပူးပေါင်းရင်းမြစ်များ

2 ABEIZY 13:6

Anodeikua Izarei a pamoleisapa Zerôbaw chhôhkha moleinazy kha siesai leipa ei ta, tlao tao lymâ ei ta, Aseri tôh chhao Samâri liata y thlâh ha chy ta.

HLAZY 106:43

Ei hluhpi âmo cha pachha ta, Châhrasala Abeipa chakhia awpa tlao a chhuah ha ei ta, Ama paraona vâta panawhpa ta ama y haw.

HLAZY 143:10

Ei Khazohpa na châpa vâta, Na khopa tao awpa ta na pachu mah y! Na Thlahpa phapa ta, Lâpi patlâpa liata nâ chhi mawh sy!

HLAZY 69:27

Ama chô liata hriena baichha lymâ la, Âmo cha na siana liata pangiasa khah y.

PUASAINA 8:15

Châhrasala Phiraoh ta huhiehna a vaw ypa a hmô nahta, a palôh kuh a pachha ta, Abeipa ta a rei hapa hawhta, ama bie nathlie khoh heih vei.

PUASAINA 9:30

Châhrasala nâ nata châ chakaotuhpazy cha Zehôvâh Khazohpa chi mâh veih ei chi tahpa ei pahno,” tah ta.

PUASAINA 9:34

Châhrasala Phiraoh ta vâsua nata pareih nata tôkalôhpa zy amâ chalih hapa a hmô nahta, molei ha heih ta, ano nata a chakaotuhpazy ama kuh amâ pachhasa ha heih.

BIESOZY 1:32

Sona a phahlapazy cha lâpi ama tleisaina ta âmo cha thie tyh ta, Ahrupazy chhao âmo hruna ta a pahleipadia tyh ei.

BIECHHOTUHPA 3:16

Cha dei châ vei, adona yna su liata paraona y hra ta, siana yna su liata chhao paraona a yzie noh ry liata ei hmô.

BIECHHOTUHPA 8:11

Moleina hmo a taopazy cha thlai ta hriepa ama châ leipa vâta, chyhsa sawzy palôh cha moleina kyh liata a riah a pha tlamaw tyh.

ISAI 1:21

Kheihtazieta ma khihpi ngâchhihpa, Adona ta a bie tyhpa khihpi kha, Sihryhpa lâta a pua ha tly i? Ano liata siana pahrâ tyh ta, Tahmâ deikua cha, Lianycheihtuhpazy pahrâna a châ ha hih!

ISAI 2:10

Abeipa chichhihna nata â beina rônahna tawhta a râ u la, Lôpanô liata a ngia u la, Dohlei liata a nyu teh u.

ISAI 24:5

Alei chô liata a pahrâpazy ta ryhpazy parao ei ta, Bieraopazy pananopa ta, Tlyzaw biehrai ama phiepa vâta, Alei cha âmo ry liata papuapaleipa ta a y.

ISAI 27:13

Cha noh liata, chiahmie lai ngaitapa tôpa châ aw ta, Asuria râh liata a leipazy nata Izi râh lâta papuapazy a vy aw ei ta, Zerusale liata tlâh pathaihpa liata Abeipa amâ chhy aw.

ISAI 32:6

Ahrupa cha hruna bie reih ta, Hmo moleipa tao awpa sai a pachâ tyh. Khazohpa kho leipa hmozy tao ta, Abeipa kyh liata bie doleipa a reih tyh. Nodipazy nie paky ta, Dâhphipazy ti pado vei.

ISAI 32:7

Moleipa châta la, A hmobaohzy taihta pathaih leipa a châ. Haipa biezy hmâpa ta dyhchhiepazy parao a chhuah ta, Amâ do thlâh hana chôta phahlapazy parao a chhuahpa ta, Hmo pha leipazy a pachhuapanoh tyh.

ISAI 5:12

Ama kyhchhizy liata kresawhti doh ei ta, Totâ, tlaipih, paotlâ nata siaramo zy tôpa ta a ly ei ta, Abeipa hmotaopazy deikua cha pachâ veih ei, A ku raihriazy chhao hmô veih ei.

ZEREMIAH 2:7

A râh kôvei nata hmo phapazy nie awpa ta, Râh pha ngaitapa lâ ei cha chhihtha ei. Châhrasala nama tlô nahta, Ei râh cha papuapalei ei chi ta, Ei ryuto cha hmo pasichhihpa ta nama tao.

ZEREMIAH 31:23

Pheisaihzy Abeipa, Izarei Khazohpa ta hetana heta a tah: “Vânoh ei patosa heih ti ei ta cha, he reikahzy he Zudâh râh nata a khihpizy liata ama hmâh heih aw: “‘Hy siana pahrâna su, Abeipa ta byhnâ cha pie sala; Hy tlâh pathaihpa, Abeipa ta byhnâ cha pie mawh sy!’ tahpa ta.

HÔSIA 11:7

Ei chyhsazy ta Na tleisai khâchâ amâ chhuah haw; Chavâta Chônôchaipa awsao hra ei sala, Âmo cha cheihchalo aw vei.

HÔSIA 13:6

Ama lao bâ ei ta, Ama rih bie ta; Ama rih a bie nahta, Ama palôh lai ta; Kei eina my ha ei.

HÔSIA 9:3

Abeipa râh liata pahrâ thei aw veih ei; Epharai cha Izi râh lâ kua aw ta, Asuria râh liata pati pathaih leipa a nie aw.

MIKÂ 2:10

Thyu u la, sie teh u, He he namâ pahâ nawpa su châ vei; Paraotuhpa hmo pathaih leipa yna su châ ta, Raona pasa ngaitapa ta a cha parao pathlei aw ei.

MATHAI 4:5

Cha khai tawhta, ahripa ta khihpi pathaihpa lâ a chhi ta, Achhyna o laki pazaopa liata soh ta,

RYHPACHANEINA 32:15

“Zesuruh cha vaw thawh ta â chapie. Vaw thawhpa ta, Vaw pahly chi ta, Na mithawh kaw. Châhrasala ano taotuhpa Khazohpa a heihsai ta, A pachhana lôpanô khâpasaw ta reih khao vei.

BIEPHUAH 2:21

A ro nawpa ta daihti pie na ta, châhrasala a sihryhna cha ro khoh vei.

1 SAMUELA 15:17

Samuela ta, “Nâma pachâ ta cha, chyhsa chyhpata hawhta a pachâ hra la, Izarei chizy hyutuhpa châ va chi mâ? Abeipa ta Izarei chô liata bei châ awpa ta sathaw a cha thu.