ISAI 26:1 - Mara Bible RV (BSI)

¹ Cha noh liata, he hla he Zudâh râh liata ama sa aw: “Khihpi thatlôpa hnei pi ta, Cha khihpi pachha nawpa ta, Khazohpa ta khihpi cha, Thokhyzy nata diahsuazy ta a chhôh.

ISAI 26:1 ပူးပေါင်းရင်းမြစ်များ

EZRÂ 3:11

Abeipa liata amâ lyna nata ano reithaina cha, “Abeipa cha pha ta, A zawngiahna cha, Izarei chô liata chhâzaw ta a y,” tahpa ta hla ta amâ chhy palie. Abeipa o lôbô ama bô hapa vâta, zawpi zydua ta ao paro ngaitapa ta awh ei ta, Abeipa ama reithai.

HLAZY 31:21

Khihpi liata dôhpa ta ei y nota, A ngâchhihna noâhchhihpa ei chô liata a palâsapa vâta, Abeipa cha reithaipa ta y maw sy.

HLAZY 48:12

Zaio chahlôpa ta padô u la, A riahvaina osâhpazy reih teh u.

HLAZY 48:4

Moh teh u, beizy a awpakhy ei ta, Hmaohkha ta ama vaw sie.

ISAI 12:1

Cha noh liata hetana heta na tah aw: “Hy Abeipa, alyna bie ei cha hlâ; Ei chô liata na hie vaw hâh ha hra sala, Na hiehâhna chalihsa chi ta, Thlah eina palôh ha chi.

ISAI 14:31

Hy thokhy chhikao y, thata cha la, Hy khihpi y, awh teh; Hy Philistinâ râh zydua saih u, Nama zydua ta chipa ta zao khai teh u! Maw lâ tawhta meikhuh za pua ta, A pheisaih hry liata hnôh a khawpa rai y veih ei.

ISAI 2:11

Chyhsa mo apasâhsana cha pahnaipa châ aw ta, Chyhsa apalaina chhao panawhpa châ aw ta, Cha noh liata cha Abeipa deita cheihchalopa a châ aw.

ISAI 2:20

Cha noh liata cha chyhsazy ta, A chhy awpa ta âmo ta amâ taopa, Tâkâ nata ngôh nothlahpazy thy aw ei ta, Zabihzy nata pazu tâbalâpazy pahrâ nawpa ta ama siesai aw.

ISAI 25:9

Cha noh liata hetana heta ama tah aw: “Moh teh u, he he eima Khazohpa cha châ ta, Miah pachha awpa ta eima hâpa Khazohpa cha a châ hih. He he Abeipa cha châ ta, Ano tlai he eima hâpa a châ hih. A pachhana liata a ly ei sih la, Thaphapa ta y ei suh u.”

ISAI 31:5

Pavawzy ta ama tawzy chô liata ama heihpa hawhta, Pheisaihzy Abeipa ta Zerusale cha a pabohsa aw. Zerusale cha pabohsapa ta pachha aw ta, Pahlôh aw ta a pachha aw.”

ISAI 31:9

Asuria lôpanô cha chichhihna vâta zao aw ta, A beimachâzy chhao chipa ta ama pao aw,” Abeipa, Zaio liata mei patih ta, Zerusale liata patina meihô a patihpa ta a tah.

ISAI 33:5

Vâ chô sâhpa liata a pahrâpa a châpa vâta, Abeipa cha cheihchalopa ta y ta, Zaio cha adona nata siana ta a pabie aw.

ISAI 33:6

Ano cha na hro chhôh ta nâ ichana a châ aw; Na pachhana sôhpa châ aw ta, Na sona nata na pahnona a châ aw; Abeipa china cha Zaio ryusôhpa a châ.

ISAI 4:2

Cha noh liata, Abeipa chiah cha a ngia ngaitapa ta rônah ngaita aw ta, râh theizy cha Izarei laibâhpazy châta amâ palaikheipa nata ama rônahna a châ aw.

ISAI 5:1

Ei kyhpachâpa châta hla sa aw na ta, Ei kyhpachâpa kre sadô hla ei sa aw: Tlâhthlôh lei pha kawpa liata, Ei kyhpachâpa ta kre sadô hnei ta.

ISAI 56:5

Sawchapawzy nata sawchanôzy hlâta pha viapa ei pie aw ei; Atheithlâhna hmo nata moh phana zy Ei o chhôh liata pie aw ei na ta, Ei thokhyzy chhôh liata ei pie aw ei. Tlyzaw ta a y awpa moh pie aw ei na ta, Ama moh lei khao aw vei.

ISAI 60:18

Thachahra hmâna pyu cha, Na râh liata thei khao leipa aw chi ta; Chhiena nata raona zy chhao, Na râhri chhôh liata thei khao aw va chi. Na thokhy cha Pachhana tah aw chi ta, Na thokhy chhikaozy cha Reithaina na tah aw.

ISAI 62:10

Pua teh u, Thokhy chhikaozy tawhta pua u la, Izarei phopi châta lâpi a chhuahdy teh u. Lâlai pasâh u la, pasâh teh u; Lâlai liata alôzy thy u la, Phopizy châta ngiana poh chaluah teh u.

ISAI 62:11

Pachâ teh u, Abeipa ta phuah ha ta, Khizaw kaokih taihta a phuah haw. “Zaio sawchanô hnohta hetana heta tah teh u: ‘Moh teh, na pachhana cha a vaw tlô haw, Lymâ a pie awpa ano liata y ta, Pahleipa a thô nawpa a hmiakô liata a y.

ZEREMIAH 33:11

Alyna nata thaphana aozy thei heihpa châ aw ta, myuhneituhpa nata myuh aozy chhao thei heihpa châ aw ta, Abeipa o lâta alyna biereina hmohlâpa a vaw cheihpazy ao chhao thei heihpa châ aw ta, “‘Pheisaihzy Abeipa hnohta alyna bie reih teh u, Abeipa cha pha ta, A kyhpachâna tlyzaw ta a ypa a châ!’ ama tah aw. Hmiatuapa daihti hawhna khata, râh cha vânoh ei patosa heih aw,” Abeipa ta a tah.

EZEKIA 40:5

Achhyna o khôtho liata, Achhyna o chadôpa ta thokhy y ta, chyhsa chata dy seihpa ta dy charu seihpa thliena chôchahrei chaba ta, dy kha cha dy kha nata pazah tie chyu a seih. Thokhy chhana zie cha thlie ta, chôchahrei do kha châ ta, â sâhna lâ chhao chôchahrei do kha a châ hra.

ZEKARIA 2:5

keima tlai he Zerusale châta mei thokhy châ aw na ta, a chhôh liata a rônahna ei châ aw,’ Abeipa ta a tah tahpa ta kei chho teh,” tah ta.

ZEKARIA 2:9

Pachâ teh u, ama chô liata ei ku hy aw na ta, âmo seizy tlai ta ama hrao aw. Chatanachata Pheisaihzy Abeipa ta eina tuah tahpa nama pahno aw.

MALUHREINA 21:17

Chavâta Izarei ta hetana heta hla a sa: “Hy tikhaoh, ti kaw pali mah y! Tikhaoh lâ hla sa teh u!

MATHAI 16:18

Chavâta ei cha chho, nâ cha Pity na châ. He lôpanô chô liana heta ei Awnanopa padua aw na ta, Athihkhih chhikaozy ta pahnie aw vei.