ISAI 25:6 - Mara Bible RV (BSI)

⁶ He tlâh liana heta, Pheisaihzy Abeipa ta phopi zydua châta kyhchhi a tao aw; Pati pahâhpa to niena kyhchhi châ aw ta, Kresawhti hlôpa dona kyhchhi a châ aw; Sa rupa lathli bawna kyhchhi châ aw ta, Kresawhti suapa dona kyhchhi a châ aw.

ISAI 25:6 ပူးပေါင်းရင်းမြစ်များ

HLAZY 36:8

Na o liata ativyna zawhzi ta lôhrâtlôpa ta y ei ta, Nâ lyna chavahzy tawhta do awpazy na pie tyh ei.

HLAZY 63:5

Sa thawhpa nata nie pahâhpa nie nota lôhrâtlôpa hawhta, Ei hro he nâma liata a lôhrâtlô aw ta, Ei pakah ta thaphana hmao ta a cha reithai aw.

HLAZY 78:68

Zudâh chi tlao a tlyh ta, A kyhpachâpa Zaio Tlâh tlao â tlyh haw.

HLAZY HLA 1:2

Ei lôhdupaw ta na sy sala, A hmao ta na sy mawh sy! Na kyhpachâna cha kresawhti hlâta pha via ta,

HLAZY HLA 1:4

Na ku ta nâ kei la, A râ ei suh u. Abei ta a chhôhpadâhpazy lâ einâ ngiakhei haw. Nâ liata a lypa ta eima thapha aw ta, Na kyhpachâna cha kresawhti hlâta eima cheihchalo via aw; Ama cha khoh kaw saipa he â vaw do tlai na.

HLAZY HLA 5:1

Ei sadô, ei sietanô, ei myuh lâ cha a ngia na ta, Ei deiryh nata ropahâhpa lapakhypa ta, Ei kheihti nata ei kheihthlawh nie na ta, Ei sâhpiti nata ei kresawhti cha ei doh. Hy viasazy, niepa ta, doh u la, Kyhpachâna paripa ta y muh vy!

ISAI 1:19

A phapa nata reingiahpa ta nama y khiahta cha, Râh phana nie aw ei chi ta;

ISAI 25:10

He tlâhpi liata Abeipa ku a pahâ aw ta, Viahchao ie liata sawphao tlypâpa hawhta, Môabâ cha ano su liata tlypâpa a châ aw.

ISAI 56:7

Ei tlâh pathaihpa lâ a chhi aw ei na ta, Ei thlahchhâna o liata thaphapa ta ei paysa aw ei; Ama raopa hlânazy nata amâ theihnazy cha, Ei maisâh liata ei pyh aw. Ei o cha phopi zydua châta Thlahchhana o tahpa a châ aw.”

ZEREMIAH 48:11

“A thyutlia no tawhta Môabâ cha thadâhpa ta y ta, A beih chaopahrâ liata chhôhmohpa ta a y. Beih hropa lâ patly khaipa châ beih leipa ta, Seichâna lâ sie beih vei. Chavâta a pahâh tyhpa hawhta pahâh lymâ ta, A roh a nano beih vei.

DÂNIAH 7:14

Phopi to, râh to, reih to ta ano cha ama chakao thei nawpa ta, A hnohta ryureina piepa châ ta, Rônahna nata khinarâh chhao piepa a châ. A ryureina cha chhâzaw ryureina châ ta, Tleih beih aw vei; A khinarâh chhao parao theipa châ aw vei.”

ZEKARIA 8:3

Abeipa ta hetana heta a tah: Zaio lâ kua aw na ta, Zerusale liah liata ei pahrâ aw. Chatanachata Zerusale cha Khihpi Ngâchhihpa tahpa ta bipa châ aw ta, Pheisaihzy Abeipa tlâh cha Tlâh Pathaihpa tahpa a châ aw.

MATHAI 26:29

Ei cha chho ei, ei Paw khinarâh liata nâmo chhaota a thiehpa ta ei dona noh a tlô hlâlei cha, kre zôh thei he doh heih khao aw va na,” tah ta.

MATHAI 8:11

Ei cha chho ei, nochhi notla tawhta chyhsa hluhpi a vy aw ei ta, Abarahâ, Aisika nata Zakaw zy hnohta vârâh khinarâh liata amâ tyuh aw.

MÂKA 16:15

Ama hnohta, “Khizaw zydua liata sie u la, hmotaopa zydua hnohta thâtihpha chho teh u.

LUKA 22:30

Chatanachata ei khinarâh liata ei tlâhkhai liata niepa ta doh hra aw ei chi ta, beidyuchhai liata a tyuhpa ta Izarei pho hrawh hleinozy chô liata ryu nama reih aw.

LUKA 5:39

Ahy hmahta kresawhti hlôpa a do khai tawhta, a thiehpa doh khoh khao aw vei, ‘Ahlôpa a pha via,’ a tah aw,” tah ta.

HEBRAI 12:22

Nâmo deikua la, Zaio Tlâh, Khazohpa hrohpa khihpi, vâ Zerusale, vâlyuhchâpa rei tiah leizy alyna pakhypi su lâ namâ vy hih.

BIEPHUAH 19:9

Vâlyuhchâpa chata ei hnohta, “Mietakutaw myuh hneina kyhchhi liata hruapazy cha ama nohlao na, tahpa ta roh teh,” na tah ta. Chatawhcha ei hnohta, “Hezy he Khazohpa biehmeiseihpazy a châ,” tahpa ta na chho ta.